ZEFANIA 3:11 - BAIBEL (BSI)

¹¹ Tipa ghulokiloye nongu, iwu timiqoye ishou hebide kepi kujovekepu kuhave nani. Aqhekuza eno akulakimi kumtsu ino ikhive nani eno ikimthe naghuto loye nonguye khilemu ishou hebide kithemo nani.

Sumi Naga CL (Re-edited) Bible (BSI)

¹¹ “Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

ZEFANIA 3:11 Mawu Ofanana

LESHELE 131:1

AMPEU, niye iqhekuza qhi vea eno ino lahilazakeu lono tsughusu wuvae. Niye thime kije qolo momu ighenguno shokutu keulo kughasu chemoe.

LESHELE 49:5

Shiluksa ghulokilo niye musamoe ighumiqono isuhuluve kelo,

LESHELE 59:12

Panoqo kichilo axine shikeu, panoqo mutsulo pikeu tsa ghenguno pano qhekuza pelo panoqo meluvepelo. Kughengu panonguno miki eno ghusho cheni,

ISAIAH 11:9

Alhou wu akimthe toghi Zion lo akuighupu eno shipusave kepu kiumu kuha nani. Azughilo azu chhitoi akeshi ayeghilo AMPEU kighithino chhitoi ve nani.

ISAIAH 2:12

Tipa tsalanino aqokitikhi MPEU no akuka kumtomi eno chuqumughai xuchekemi ngo aqhekuzami eno kumobeyi chekemiqo aqhokighepu shivetsu nani.

ISAIAH 45:17

Ikemu Israil ye AMPEU no xaluke, eno liwu tokuluye alhokupujulo ache nani; liwu timiqoye khilemu kujo mza vepemo nani.’ ”

ISAIAH 5:15

Timi kumtsu shikukujove nani eno aqhekuzami kumtsu aqhokigheulo qhive nani.

ISAIAH 54:4

Msakevilo, nonguye kujomza kithemo ake; nongu pesu aqhokigheu shipemo ake. Noye anipu lhothemi amikucho kumo toivekeu hu kumsumave nani, eno topuchimemi lakhi kughukughaleive keu toive keu hu kumsumave nanike.

ISAIAH 56:7

“Ino nongu sasu ikimthe toghi, Zion lo saghi nani, ikighini kilo alokivi nongu tsu nani eno nonguno akipti khachelo aghashi keu ikhilutsu nani. Ichinekiye ashiayeh kumtsulo timiqo ghenguno akighiniki lakhikepi kunani.”

ISAIAH 61:7

Nokukujo eno niqhinilai keu kishekhavae. Nonguye noyeghilo kughunalu nani, eno nowu kinikuluye ghuthu kini alau shive nani; Nolokiviye alhokupujulo acheuve nani.

JEREMIYA 13:9

“Ino hikithipu shi Juda qhekuza ngo Jerusalem qhekuza kuloghi kutsalevetsu nanike.

JEREMIYA 7:4

Pishiqhikeu tsa hipaqo pulu kevilo, ‘Ninguye kiumu shimo nanike! Hiye AMPEU chinekike, hiye AMPEU chinekike, hiye AMPEU chinekike!’

EZEKEL 20:40

Aghakhulo, iwu akimthe naghuto, ti Israil lo naghuto akuchuquulo nongu Israilmi kumtsu no imlla nani. Niye nongu lau ilokiqi anani eno nongu launo lhoxu heqhi mllakeu, nowu akumllagho akiviu eno nowu akimthe gho ilau sughipe nike laju anani.

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

DANIEL 9:16

Tishimu wovekeu tsalalo nono nisusholuke, tighenguno omlo kighide Jerusalem shou akeu tave tsulo, hiye ophughike, owu akimthe toke. Nixineqo eno nipu asuqono axine shive puzu tipau lono nikisughulo akemi timi kumtsu Jerusalem eno owu akimthe timiqo phimo gihumovepeke.

DANIEL 9:20

Ino wuno akighini shia, ixineqo eno iwu timi Israilmi xineqo piphe, eno AMPEU vilo pawu akimthe chineki nitsu chileve tsulepi qhuinijua.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

AKIKIHI 16:3

Panonguno Muse ngo Aron zulo kumqoluve puzu panoqo vilo pi, “Nokujoye ihughalovae! Aqoahomi kumtsu AMPEU wu timiqo shiluvae eno AMPEU ye ningu kumtsu gholo anie. Tishi aye Muse noye kushiye AMPEU wu aqoahomi shou nouno akiqheu kepi pukha anikya?”

MATTHEW 3:9

eno nongu likhi nongu kijivilo ghi, ‘Ningu papuh ye Abraham ke,’ ipi kumsu akevilo. Ino nongu vilo pini, Alhou ye atu hipaqo ikhi pesu Abraham ghenguno atianuli kughulhove tsulu nanie!

Rommi 2:17

Noye kishi ani kya? Nono olikhi opesu Judami kepi acheni, Ayezah pukhupe acheni eno Alhou sasu kutshupe aniepi qheza acheni.

Rommi 9:33

ti kuchoyesu lo pikehutoi: “Julo, Zion lo timi pelo pusupukulu penike atuqu lakhi ino qhipuani, tiye panongu pelo kupuxalu kepu tuqu lakhike. Ikemu khunono pa shou akupulu benikeno shikukujomo nani.”

1 Peter 2:6

Kughengu kuchoyesulo ishi pipuani, “Julo, Zion lo ino atuqu lakhi qhipuani, Amekusho eno kishekiphe atsukupu tuqu Khunono pa pulu nikeno alokumtshuvepemo nani.”