ZEFANIA 2:9 - BAIBEL (BSI)

⁹ Niye mutsuqheyino Israil Lhou ke ghengu Muab ngo Amun ye Sodom ngo Gomora toi kutsaleve nani. Tipaqoye amti kuchhukhuki shive nani eno alhokupuju tishi ixapinyi auve nani eno alupino qunhave nani. Iwu timi khunoqo puxu puaghini keno tipanoqo xulepuwuve nani eno panoqo yeghi luve nani.”

Sumi Naga CL (Re-edited) Bible (BSI)

⁹ Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

ZEFANIA 2:9 Mawu Ofanana

ISAIAH 11:14

Kuma kumqoluve puzu kulolau Filistiyami lewu nani eno kipelau akemiqo tuleqhi leluve nani. Kumano Edommi ngo Muabmi shou aghutoluve nani eno Amunmino panoqo ghokulu shi nani.

ISAIAH 25:10

AMPEU no Zion Toghi susholu nani, ikemu Muab lo akemiqoye abalo aghijini qodave keshi panoqo qodave nani.

ISAIAH 49:18

Vehomxa julo eno kiu shiani keno julo! nowu timiqoye kuhokumqo anike eno panonguye aki kudau cheake! Kuchouno niye xuakeu Lhou keghenguno nonguye nowu timi jupesu akijivilo nani, tiye kulaliuno liwu achila jupesu akijivilokeu toi nani.”

JEREMIYA 46:18

Ni, Aqokitikhi MPEU no akukauke, niye xuachekeu Lhou ke. Tabor naghutono naghuto kutau nguno qhemghai akeshi, Karmel naghutono azughi shou chuqumughai akeshi, ole ighi nikeu kuka kumtoye titoike.

JEREMIYA 48:1

Hiye Aqokitikhi MPEU, Israil Lhou no Muab ghenguno pikeu: Nebo lo akemiqo kimiyeshe nolae. panoqo taun ye kutsavae! Kiriathaim ye khasuluvae, tipau liwo kuloghiye tuxaqhivae, eno tipaulo timiqoye shikukujovae;

JEREMIYA 49:1

Amunmi ghenguno AMPEU no pikeu tsa hike: “Israil lo kiptimiqo khile ani kya? Pano yeghi sushoni kemi lakhimu kuha kesha? Kishi kelauno khunoqono Milkom mllachekemi keno timi tipaqo pelo Gad shiayeh yeghi bocho luvepe puzu tilehi kughuna anipe kya?

JEREMIYA 49:18

Tiye Sodom ngo Gomora eno tipaqo cheaxulo taun akeqo kutsaleveke toi Edom lau ghi tipatho shi nanike. Khuumu itaghi tilehi kughuna kithe pemove nani. Ni, AMPEU no piveake.

JEREMIYA 49:33

Hazor ye alhokupujulo asayeqha shivetsu nani, tiye tungtugha likhino ngokeu-a shive nani. Tilehi khunomu itaghi kughuna kithemove nani. Ni, AMPEU no piveake.”

JEREMIYA 50:40

Sodom ngo Gomora eno tipau sukumuxalo taun akeqo ino xale kutsaleve kelo kishi shive keno tipaphishi Babilon kutotsu nani. Khunomu itaghi tilehi kughuna kithemo nani. Ni, AMPEU no piveake.

AMUS 1:13

AMPEU no pi, “Amun lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno alughi alau ikowoniaye aghu shikeulo panonguye Gilead lo totimi mishipu aghikemi po ghilevetsuke.

AMUS 2:1

AMPEU no pi, “Muab lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno Edom lo akukau saghi phimo gihumo puzu tipaqo piti pesu ayevu kughulhoveke.

ZEFANIA 2:14

Tiye bheri loji, amshi loji eno lhoxu jeli kumtsuno zu keu-a lakhi shivepe nani. Aqhaqhono tipau ixapiniyi keulo ngono alashe lono igha nani. Aghano ahukikha lono igha nani. Tipaulo akiqolo kedarsu pesu shikeuye nhamono auve nani.

ZEFANIA 2:7

Juda lo timi puxu puaghi keqono noyeghi lo ngoluve nani. Panonguno tilehi pano wu bheri loji achukumza nani eno Ashkelon lo aki akeqolo zu nani. AMPEU panoqo Lhou no panoqo sasu anani eno panoqo pelo itaghi kinikulu shilupe nani.

ZEFANIA 3:13

Israil lo khunoqono puxupe puaghini keno tipaqoye khulaumu akumou shimo nani, mikimo nani, pishiqhi keu tsa pimo nani. Panonguye kinikulu shi nani eno sushokulu anani, khuumu musakepu kuha nani.”

ZEKHARIA 2:13

Timi kumtsu AMPEU zulo inaqhoivelo, kughengu paye pa kimthe kungo-a lono chenike.

AKIKIHI 14:21

Ikemu ino tushoqhi akeuno niye xu achenikeke,

Rommi 14:11

Kuchoyesulo ishi yepuani: “Ampeu no ishi pi, ino xuanikeke timi kumtsu izulo qhoqhunhe nani, eno niye Alhou kepi timi kumtsuno akishe tsu nani.”

ZAKINIU 29:22

“Ighini keu tiqhelilo nopolo kughukomi ngo inaghamino ala kushuwalo ayeghi akeqo lono AMPEU no noyeghi shou kutsakungo eno aghime sughikeu ithulu nani.

ZAKINIU 29:23

Aluzaqoye asutsuni kuhano thoqhaleive nani amichu ngo amtino nhaluve nani; kiumu shosumo nani, alupi ghi ipeghimo nani. Noyeghiye Sodom ngo Gomora eno Adma ngo Zeboim phughiqo toive nani, tipaqoye AMPEU no Pa loghu kighide lono kutsaleveke.