ZEFANIA 2:5 - BAIBEL (BSI)

⁵ Nongu Filistiyami khunoqono azughi kumxalo acheni keno nonguye puhani putsa. AMPEU no nongu shou kugha thabevae. Pano nongu kutsaleve nani eno nongu milakhimu qhimove nani.

Sumi Naga CL (Re-edited) Bible (BSI)

⁵ Nongu azüghimkü lo küami, Kherethmi shiye haküsapue! O Philistiami yeghi Canaan, Ampeu tsa no o lachile anie, xüküami kühave moke kutolo I no nongu kütsaleve nani.

ZEFANIA 2:5 Mawu Ofanana

ISAIAH 14:29

Filistiyami, nongu ghaqhichekeu kusuye icheuve ake ikemu nongu alokivi shikepu akiqi kuhae. kughou apighi lakhi thiveni keno tinguno alhoksau tipa alo ighi cheni. Apighi yikhu lono tughakixi khophe cheni.

ISAIAH 14:30

AMPEU no pawu timi kumlhomiqo shou akheu shive nani eno panongu pelo ighumono xulupe nani. Ikemu nongu Filistiyami shou pano kixikila puqumiyekeu puwu nani eno tishikeulo nonguye milakhimu puxumove nani.

JEREMIYA 47:7

Ikemu ino tipau akumla shikepushi tsupe puake tiye kishi puzu akulho qhiluni kya? Ino tipau vilo Ashkelon ngo azughi sumxape achekemiqo lepenike ino ahza tsuvae.”

EZEKEL 25:16

Tighenguno ino asheshu anike niye Filistiyami lewu nani eno panoqo joleve nani. Filistiya khilalo kughuna akemi kumtsu ino kutsave nani.

AMUS 3:1

O Israil lo akemiqo, Ijip lono ashiayeh kupuju lakhi sasu iqhoghi kemiqo, AMPEU no nongu shou pipuku akeu tsape hipau inilo.

AMUS 5:1

Hipau inijulo, O Israil lo akemiqo, ino nongu shou akithilo le hipau phekeu inilo:

ZEFANIA 1:11

Nongu aphughi chhiliu kudau akemiqono kughou hipau chiluni keno qanhenhe igha qalo, kughengu alhikishimi kumtsu thiveniake!”

ZEFANIA 3:6

AMPEU no pi, “Ino ashiayeh qhoi joleve; ino panoqo phughiqo kutsalevetsu eno panoqono putu muxakeu ngo aghukhu qogheqo ixapiniyi qhivetsuke. Aphughiqoye piyighive; alaghilaye kumsa shivetsu nani, timi lakhimu qhitsumo nani.

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

Mark 12:12

Tile Judami sakiphemino Jisu kughaluve niye pukaputsa, kughengu pano kimighipiyekeu tsa pikeu hipauye panongu shou pipuku akepi jupililuve. Ikemu panonguye timi aqokitikhi jupesu msave, ikehu panonguno pa qhiveno wuve.

JOSHUA 13:2

Filistiya ngo Geshur yeghiqha kuchopu,

JOSHUA 13:3

Avim yeghiqha lono apeu kudau ghi lukepu aphi, tiye Shihor ghoki Ijip kipelauno Ekron lughi ahuu do pe Kananmi wu kepi kihi chekeu yeghi, tile Filistiyami ayepemi pungu ache, Gaza, Ashdod, Ashkelon, Gat eno Ekron hipaqo.

XAKUTHAMI 3:3

Tiye Filistiya phughi pungu lo Kananmi, Sidoniyami eno Havimi Libanon naghuto lo kughuna kuami Ball Hermon to lono Hamat Kita kutolo akemi pelo Israilmi ghakhu lo ngovepe ke.

SAMUEL ATUGHIU 30:14

Ninguno Juda yeghi apeu kudau Kheritmi lughi kudau levetsu eno Kaleb shiyehqo lughi levetsu eno Ziklag taun pitivetsue.”