ZEFANIA 2:3 - BAIBEL (BSI)

³ Nongu akumtshami ayeghilo akemi khunoqo AMPEU zahkutsu peluche kemi keno kumtsu pa lau ideighivelo. Kiuno achipi keno tipau shilo eno AMPEU zulo nolikhi nongu kughape aqhokigheu shilo. Ishiake AMPEU no pa loghu pepheke tsalalo nonguye aghime lono poluve luvike.

Sumi Naga CL (Re-edited) Bible (BSI)

³ Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

ZEFANIA 2:3 Mawu Ofanana

SAMUEL AKINIU 12:22

David no khochile “Iyei, tishike, pano xuakelo niye kumvu qa ae. Ino kumsukeuye AMPEU no ilau kupukini a-tsuno anu thipemo nani ghashi ake.

LESHELE 105:4

AMPEU lau wupuzu kuphupelo eno tamono pa mllalo.

LESHELE 149:4

AMPEU no pawu timiqo launo azu kuvu shicheni; pano tokulupu pesu aqhokighemi gihu cheni.

LESHELE 22:26

Kumlhomino aghakiqishi chulu nani, Khunono AMPEU lau ighini keno pa mllalu nani. Panongu pelo alhokupuju kinikulu shilupeniu!

LESHELE 31:20

Timino pithiveniye kumqu akeu lono nono akivishi panoqo kusuluve cheni, aghumino axishi keu lono okicheqho kivilo panoqo kusuluve cheni.

LESHELE 45:4

Kuchou eno achipiu susholu nike ghenguno akiqhe akighicheu lono tokuluulo ikulo! Okumtono opelo tokulu kije shilupelo!

LESHELE 57:1

Ikimiye tsulo, O Alhou, ikimiye tsulo, kughengu opelo isusholutsu peniyeke. Ochishibo kicheqholo ino ijehlu nanike, tiye shikupsa pasapagha hechelumoke kutolo.

LESHELE 76:9

Tiye nono kughakutha tsa piniye puthugho puzu ayeghilo nedaqo dave keqo xaluniyeke.

LESHELE 91:1

Timi khunono Shishe Akiqheu kicheqholo acheni. khuno Akughushuu sukusholo acheni keno,

IPEKULU 12:27

nonguno ishi khochilelo, ‘Hiye AMPEU gihu keu. Hechekulu lo heqhi mllakeuke, kughengu Ijip lo pano Ijipmi heqhi pithivetsu ikemu ninguye puxu tsuke.’ ” Israilmiqono khoqhunheno mllake.

AHOLE 18:10

AMPEU ye aliwo kumto lakhi toike amikuchomino tipaulo wuluno xulu nani.

ISAIAH 1:17

achipiu shini keu shikalulo. Achipi lono xathakeu phulo, nedaqoda vekemiqo xaqhelo, mighimghaqo saphulo eno chimemi susholo.”

ISAIAH 11:4

Paye anhethino ithukulu likhi lono kughathamo nani, momu chikulu lo likhino xathabe mo nani; pano kumlhomiqo ghenguno achipiu lono kughatha nani; eno ichhe imechekemi chipiu phujutsu nani. Pano ahza tsukelo timi ghimeqhive nani, eno kixikilamiye pa tuthu kishe lono pithive nani.

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

JEREMIYA 39:18

Ino okughape akivishi qhi nani eno opithimo nanike. Noye aghukishi lono okuxu pukhaluve nani kughengu nono ipukhubeke, Ni, AMPEU no piveake.”

JEREMIYA 45:5

Noye kutau peitha penikeu phu cheni kesha? Tishi kevilo. Niye timi kumtsu shou kutsakungo keu sughini cheni ikemu noye nono khile khile wuni keno akuxu likhimu puxulu ananike. Ni, AMPEU no piveake.”

EZEKEL 13:5

Panonguye aphughi kuptu ileiqivekeu-a khekutomoke, momu panonguye akuptu shikithe chemoe, ikehu AMPEU tsalalo aghukishi ighikeulo Israil ye shokhalumove nani.

HOSIYA 10:12

Ino pi, ‘Nosala ayeghi kithe hokidelo, amikucho shosulo eno nonguno ilau amlo tsuqhiyikeu huno kukumgha xakulupu shilo. Itehi nonguye ni, nongu AMPEU lau xaideghi kepu ghuloki shivae, ino ighi puzu nongu shou kukumgha lepukutsu nani.’

HOSIYA 7:10

Israil lo akemiqo qhekuzano panoqo shou ighamuku auvae. Panoqo shou thwokha jeli shive kethiu ghi panonguye ni, panoqo Lhou AMPEU lau xa ideghimoke.

JONAH 3:9

Ishiake, Alhou no pano kumsupu akeu kilive luvi; paye aloghu ide akeu tave luvi eno ninguye thimove luvike!”

ZEKHARIA 8:19

“Aqhi abidiu, apunguu, akutsuniu eno achighiu lo kumvu chekeu huye Juda lo akemiqo ghenguno alokivi eno alokiqipu tsala shive nani, eno alakishi kupukimiye masake.”

MATTHEW 5:5

“Akumtsha-akughuvumi kumghae, kughengu Alhou no tsuniepi puakeu mheghi panoqono ithulu nani!

1 Thes. 4:1

Athikuzumiqo, ashekhashi ninguno Ampeu Jisu lono nongu qhuiniju eno nongu hakite ani, ike nonguye kishi xukepu keno eno kishi Alhou pulou shikepu keno nonguno nilauno shikalu ketoi, nonguno itehi kishi xuanikeno titoi nonguye tinguno alaushi xu achelo.

1 Thes. 4:10

kuchouno Makedonia qha kumtsulo nonguno kupulumi athikuzumi kumtsu kimiye achenike. Ikemu ninguno nongu hakitekile akeuye alau alaushi titoi shiape niyeke.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

1 Peter 3:4

Ikemu nongu jukiviye nongu lolo kuchou mlo xapulo,iquneyi eno ivunheyi keu pesu khilemu idivemo keu jukivi shipelo, Alhou zuloye hino ighono amekusho chike.

2 Peter 3:18

Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.