ZEFANIA 2:11 - BAIBEL (BSI)

¹¹ AMPEU no panoqo shikumsa nani. Pano ayeghi hipaulo alhou kepi chekeqo kumu kuhakeu shivepe nani eno tithiuno pututa shiayeh pututa yeghi lono pa mlla nani.

Sumi Naga CL (Re-edited) Bible (BSI)

¹¹ Ampeu no panoqo shou aküighüpu süghi nani; kughengu Pa no ayeghi lo lhouqo akhü no pithive nani, eno shiye kümtsü pütüta-a lono, Pa zülo qhoqhü itsaqi nani.

ZEFANIA 2:11 Mawu Ofanana

BOTHUBO 10:5

Panonguye azughi philo eno zudoyeghilo kughuna kemi puasu ke. Hipaqono Jafet nuliqo, pututa yeghilo pututaw timi gholo, pututa tsa pi ghi xuchekeqo ke.

LESHELE 138:4

Ayeghiqhalo kukami kumtsuno osheqhe nani, AMPEU, kughengu panonguno oshoqhiqo chilu veake.

LESHELE 72:17

Akukau je pulhapuju haumono achepelo, tsukinhe ake kutolo pa jekipino tishi apelo. Ashiayeh kumtsuno pa sheqhe pelo, panongu pelo Alhou no panoqo kumghatsu penike iniju pelo, akukau lopivipeni keu panongu pelo kumsulu pelo.

LESHELE 86:9

Ashiayeh nono lhopuakeqo kumtsuno ozulo ighipuzu itsaiqi omlla nani; panonguno noye kije kepi sheqhe nani.

ISAIAH 2:20

Tipa tsala ighikelo panonguno shunayi ngo tsandiyino shisukeu ajulhoqo peve nani eno tipaqoye idelaghu ngo ashuqha sala shi qhive nani.

ISAIAH 42:10

Ale kithe lakhi AMPEU shipililo; Ayeghi shekha kutolo pa sheqhekeu phelo! Pa sheqhelo, nongu azughi shou zukilu tuha chemiqo; tile lhoxu akeqo kumtsu pa sheqhelo! Ayeghi putou akeqo eno tile akemi kumtsu pa sheqhelo!

ISAIAH 42:4

Paye laju achekeu momu amlo kulo ghipu puhavekeu shimo nani; Pano ayeghilo achipi xakutha muto toi shilutsu nani. Putosuu akeqo yeghino pa kukutsu khekulhoshi khe nani.”

ISAIAH 49:1

Ashiayeh tusumiqo, nongu khunoqo putou acheni keno tipaqono, itsa inilo! Ipunu mphi lono AMPEU no ikishe luke eno pa qeu shipe nike ni sukusu shipe qhike.

JEREMIYA 10:11

(Noye panoqo vilo pimoaye sake, ike ayeghi ngo atsutsu mlapuamokeqo lhouqoye kutsaleve nanike. Panonguye ayeghi shou khile khile pinamu qhimove nanike.)

JEREMIYA 46:25

Aqokitikhi MPEU, Israil Lhou no pianike, “Ino Thebemi lhou Amun ghimeqhini cheni eno tipa gholo Ijipmi kukami ngo tipau lhouqo ghi. Ijip lo akukau ngo pa pukhuchekemi kumtsu ino sawo

DANIEL 11:18

Tipathiu pano shiyeh kutomo sasu azughi lono aghushi nani eno shiyeh kutomo shou toluve nani. Ikemu inami sakiphemi lakhino pa ikhiqhiveno pa qhekuza kumtsu ashekhashive tsu nani. Kuchouno pinikeuye Siriya kukauno qheza chekeu hu pano ikhiluve.

HOSIYA 2:17

Niye li pelo khilemu Baal jeku kithe move pe nani.

JOYIL 2:11

AMPEU no pawu ghushimi vilo tsutsusu keshi ahza tsuke. Aghushimi pa gholukemi kumzapu eno akuka kughushuke. AMPEU tsala kiutoi akuighupu kela! khuuno tipaulo xu kulupu kya?

ZEFANIA 1:4

“Ino Jerusalem lo akemi ngo Juda lo akemi kumtsu ghimeqhi nani. Tilehi Baal mllakeu jeli khije aghini keno ashekhau kutolo ino kutsaleve nani eno khunomu asu-atu chinemi tipau qechekemi kumsuchilelu pemo nani.

ZEFANIA 3:9

“Tithiuno ino ashiayeh qolo timiqo tsapi kilive tsu nani eno panonguno ivilo likhi khuini nani kethono alhou kutau vilo khuinimo nani. Panongu kumtsu igholu nani.

ZEKHARIA 13:2

“Tipa tsalalo ino aghakhu lono ajulho shisukeu aje akeqo ikhivetsu nani eno khiumu tipau kumsuchile kithemove nani. Ino aghakhu lono tungkupmi lakhi kepi cheghikemi ikhive nani eno ajulho mlla nishi keu nguagha ikhivetsu nani.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

ZEKHARIA 8:20

Aqokitikhi MPEU no pi, “Aphughi kutomo lono timiqono Jerusalem lo ighinikeu ghuloki cheni.

ZEKHARIA 8:23

Tipa tsala loye inaghami chighino ighi puzu Judami lakhi ku-uphi tsuquluveno ishi pi nani, ‘Ninguye nogholo xupelo kughengu Alhou ye nongu gholo akeu nino chiluveake.’ ”

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

MALAKI 1:14

Timi khuuno pa tsu-aqu lojilo lhoxu akivi akeu itsu nikeu shi piqhive puzu lhoxu ame kuhakeu lakhi heqhipe imlla keno pishikiqhiu shou musuinikeu lakhi auvae. Kughengu niye kukami kije lakhi eno shiayeh kumtsulo timino isumsa acheni.”

ZAKINIU 32:38

Nonguno lhoxu heqhikeu tha pesu loji cheke eno yepenike atsayi-ji pesu mllache kehu! Pano pelo ighi puzu itehino nongu kuphu pelo; pano pelo nongu xaphelu penike pesu wupelo.

1 Tim. 2:8

Kuhoke kumtsulo niye kiptimi pelo inikhu penishi. Ikehu, kiptimi khunoqono akuxu pesu Alhou tsuveakeno tipaqo ye aqha kumtsulo a-u peqhe pesu akighini shipenishi keuno ipulouke, ikemu timi tipaqoye axuidekeu eno mutomushukeu shimokepue.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”