ZEFANIA 1:3 - BAIBEL (BSI)

³ timi lhoxu kumtsu, ashi aghauqo eno akhaqo kutsaleveni. Ino kusakughami xale qhiveni. Ino timi jeli kumtsu kutsaleveni eno timi lakhimu ghupe qhimo nani. Ni AMPEU no piqhi ani.”

Sumi Naga CL (Re-edited) Bible (BSI)

³ “I no timi eno tüghashi jole nani; I no atsütsü lo aghauqo eno azüghi lo akhaqo jole nani, I no kixikilami püxakulu nani. I no ayeghi lono timiqo kütsave nani,” Ampeu no pivae.

ZEFANIA 1:3 Mawu Ofanana

BOTHUBO 6:7

Ikehu pano pi, “Ayeghi shou timi lhoxu lhosu puakeu ino puhavenie. Timi na, tughashi na, itikiche na aghauqo pinamu ino kumtsu pughavenie, kughengu ino panongu lhokeulo imlo kighishipu auvae.”

ISAIAH 27:9

Ikemu kughono Alhou kumthamino mllachekeu khache tuquqo amukhu shiveni keno eno tsungqui keu kipiti khache kuhave eno alholiu Ashera julho kuhave kethiu likhino Israilmi xineqo pevetsu kepu shi nani.

ISAIAH 6:11

Ikelo ino iniju, “AMPEU , Khitotohi hitoi shia nani kya?” Pano khochile, “Aphughiqo ixapinyive eno kumsa shivemoke kutolo, akiqolo kughunamoveke kutolo, aluza ghi kughukughaleyive moke kutolo.

ISAIAH 6:12

Ino timiqo ala kushuwalo puwuve nani eno ayeghiqha kumtsu kughukughaivepe nani.

JEREMIYA 12:4

Niyeghiye ado khitotohi qhai anani kya? eno aluza kumtsulo khitotohi thizummuyi anani kya? Lhoxu ngo aghauqoye thi ayeake, tiye ni-timiqono kixikila ke ghenguno, “Ninguno kiu shiani keno Alhou ye ithulu achemoe,” ipi pichekemi timiqoke.

JEREMIYA 50:3

“Ahuu kudauno ashiayeh lakhino Babilon lenike ighi eno tipau pesu asayeqha kughulhovetsu nani. Timi ngo lhoxu kumtsu pove nani eno milakhimu tilehi kughuna move nani.”

JEREMIYA 7:20

Tighenguno ni, AMPEU Alhou no iloghu kighide Achineki hipau shou lepuku nani. Timi shou ngo lhoxuqo shou aphiphi shi ino tipau lepuku nani, eno asubo ngo axabo shou ghi lepuku nani. Iloghuye, timi khunomu pinhemla keu mi toi nani.

JEREMIYA 9:10

Ino pi, “Niye naghutoqo ghenguno mloqah eno aluza ghenguno anhezu pijinike, kughengu tipaqoye qhaive ake eno khunomu tipaqo kathasu izuwumove ake. Amshi ghugha khilemu chilumovae; aghau ngo tughashiqoye yewu khavae eno chekhavae.”

EZEKEL 44:12

Ikemu panonguno Israilmi ghenguno asu-atu julho mllakeu peithatsuke ghenguno eno tishikeu lono timiqo axinelo musu sawu kehu ni, Akughushu MPEU no tsaquino tushoqhi anike panonguye ghimeqhi masani cheni.

EZEKEL 7:19

Panonguno xinexigha toi alaghilalo panowu shunayi ngo tsandiyi peve khave nani, kughengu AMPEU no pa xukighide leqhikeulo shunayi pina tsandiyi pinamu panoqo xamla nani. Panonguye tipaqo peitha puzu pano khuamzu ghapiqimla momu panoqo po sunhei mla nani. Shunayi ngo tsandiyino axinelo panoqo musu sawuveke.

HOSIYA 14:3

Asiriya ye khilemu nixamlake, aghushi khurshiye nisushomlake. Ninguye khilemu nino ajulho shipe qhikeu vilo panonguye niLhou kepi itaghi pikithemoake. O AMPEU, khunoqono khuu laumu tsughuwu kepu kuhakeno tipaqo shou okikimiye piyetsulo.”

HOSIYA 14:8

Israil lo akemiqoye ajulho shisukeu sasu kiumu kutshu kime kepu shimove nani; Ino panongu kighini khochiletsu nani eno panoqo tuchohiju nani. Ani ighimokeu subo lakhi toi ino panoqo kusuqholuve nani; Niye panoqo wu kukumgha jeli pukike.”

HOSIYA 4:3

Tighenguno aghakhuye qhaive nani eno tile xuaghi keu kumtsu thikhave nani. Lhoxu jeli, aghau jeli eno akha jeli kumtsu thive nani.”

ZEKHARIA 13:2

“Tipa tsalalo ino aghakhu lono ajulho shisukeu aje akeqo ikhivetsu nani eno khiumu tipau kumsuchile kithemove nani. Ino aghakhu lono tungkupmi lakhi kepi cheghikemi ikhive nani eno ajulho mlla nishi keu nguagha ikhivetsu nani.

MATTHEW 13:41

Timi Nu no pawu kungumi puwu nani eno pawu Ayehkipeqhalo timi pelo axine shivepe chekeu kumtsu eno alhoksa shichekemi kumtsu kungumiqono xukumqo nani,

MATTHEW 23:39

Kughengu ino nongu vilo pini, nonguno, ‘Ampeu jelono ighi akeu Alhou no pa kumghatsu peniu!’ ipi pimoke kutolo nonguye khilemu ni ithulu kithemo nani!”

Piyeküsü 2:14

Ikemu niye oshou thime lakhi kini pikepu ani: ogholo timi khamino Balaam kukutsu pape cheni. Balaam no Balak pelo Israilmi zusawo ajulho shisuno mllakeu chuqupu chupenikeushi shika eno Israilmi pelo salhashupuve peniye shikake.