ZEFANIA 1:17 - BAIBEL (BSI)

¹⁷ AMPEU no pi, “Ino timiqo shou kutsakungo keu sughi niaye akeuye timi kumtsuno anhethi kighichemi toi kuka ju puha nani. Panonguno ishou axine shike eno itehiye panoqo jiye azu toi pele nani eno panoqo kithikumoye ayeghi shou tsu munashu anani.”

Sumi Naga CL (Re-edited) Bible (BSI)

¹⁷ I no timiqo lau aghime süghini, tino panongu ye anhethi kighichemi toi chewu nani, kughengu panongu no Ampeu shou axine shike; panongu ji ye amkhu toi pele nani, eno akumo no tübatüzü toi nani.

ZEFANIA 1:17 Mawu Ofanana

LESHELE 83:10

Nono Endor lo panoqo shou toluveke eno panoqo phimpiye ayeghilo tsumunauveke.

ISAIAH 29:10

AMPEU no nongu pelo ingufufuyi anipeke eno cheyi zuhuve peniye kuto anipeke. Tungkupmiye kutami nhethi shikepushi ake ikemu Alhou no panoqo nhethi kighicheve tsuake.

ISAIAH 50:1

AMPEU no pi, “Niye timi lakhino pa nipu jumuve ketoi iwu timiqo puwuve kughashi nonguye kumsu ani kesha? Tishiaye, jumu kilevekeu kaku khile ani kya? Nonguno kumsukeuye niye timi lakhino pa tianuli aquaxe shi penike jevekeshi nongu akughu shikeulo jepuwuve kughashi ani kesha? Moe, nonguno akughu shiwuve keuye nongu xineqo ghengu noke; Nonguno heqhi buqhikeu ghenguno nonguye hapuwuveke.

JEREMIYA 10:18

AMPEU no ayeghi hipau lono nongu ikhipeveni cheni; nongu milakhimu aghike kutolo paye nongu chishedaqhini cheni. AMPEU no piveake.

JEREMIYA 15:3

Ni, AMPEU no kughathave ake akuighupu thime bidi panoqo lau shini cheni: panonguye aghukishi lono pithive nikeu; panoqo kithi sukumoye atsuqono sunhekishe nani; aghauqono tipaqo chu nani eno achili ghupuaghi keu tughashino kunho nanike.

JEREMIYA 18:21

Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

JEREMIYA 2:17

Israil, olikhi nono oshou hipau sughike! Ni nongu Lhou AMPEU hu, ala kupujulo ino nongu sachekeghi nonguno ipheveke.

JEREMIYA 2:19

Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

JEREMIYA 3:25

Ninguye akukujo launo ihozuno shikuputhano ninhaluve pelo. Ningu eno nipuasuqoye pulhapuju niLhou AMPEU zulo axine shi chenike. Ninguye khilemu pa zah kutsu papelu chemoke.”

JEREMIYA 4:18

Juda, nono kiu kuxu xucheni eno kiu kumla mla cheni keno tipauno olikhi oshou hipau sughi anike. Oxineno hipau ghime huthu tsuke; hino omlo jiputave tsuake.

JEREMIYA 8:2

Tipaqo hekutsu pesu qhovenike zuqhulo panoqo saghiye aghuma toi ayeghi shou dapesu anani. Tipaqoye tsukinhe ngo, aqhi eno ayepu zulo kuthole pesu qhinani, timi hipaqono thime hipaqo kimiye eno qe achenike eno panonguno hipaqo putsawu eno mlla achenike.

AKUMLO 1:14

‘Pano ixineqo jukuto kugho puzu tipaqo kumtsu pau no tsugha kumqo, Pano tipaqo pe ikuolo xipinivetsu, tipaqo kimshino iqaqhi. AMPEU no iha pesu ino mujochilemla kemi ulo suvetsu.

AKUMLO 1:18

“Ikemu AMPEU ye achipike kughengu ino pa hebideve. Nongu timiqo, hi inilo, ino aghimeshi sukutu akeu julo. Iwu apumi eno ilimiqoye akughumi shi sasu wuvae.

AKUMLO 1:8

Jerusalem ye shishe axine shiveke ghenguno niqhunilayivae. Li gihu chekemi kumtsuno li thaigha ani, kughengu panonguno li phi kumsa akeu ithulue. Liye ihi su ani eno agi kusuluvae.

AKUMLO 2:21

Ahelomi ngo kitemi aphiphishi alaghilalo thi ani, Apumi ngo ilimi aghumi zutano pithive. Omlo kighide tsalalo kimiyemo puzu nono panoqo ghiqhive.

EZEKEL 16:38

Salha shupu eno ghiqhi keu ghenguno ino opeive nani eno iloghu kighide lono ino akithi pesu oghimeqhi nani.

EZEKEL 24:7

Aphughilo ghiqhi heqhikeu anike ikemu tipaqo jiye ayeghi shou iji ikumoe, tiye ayeghi mukhulo daluveno ithumlaveni cheke; tiye atuqu thoqhaleikeu shou lepukuke.

EZEKEL 24:8

Ajiye tilehi ino tishi anipeke, tipau kusuvemla kepu alo, aloghu ide amkhu lukepushi tipauno khuanike.”

AMUS 4:10

“Ino Ijipmi shou pusa puwukeu lakhi toi nongu shou ghi puwuke. Ino aghukishi lono nowu lhothemi ghiqhi pithivetsuke eno nowu khurshiqo suwuve tsuke. No ghunoalo kithimi kumono tsu muna keuno nongu nigi chhivepeke. Tishi keghi nonguye ilau xaidechile ighimoe.”

MICAH 7:13

Ikemu ayeghiye tilehi xuakemiqono kusakugha shi xukeu ghenguno asayeqha ilhouve nani.

MATTHEW 15:14

Panongu lokutovelo! Panonguye sakiphemi anhethi kighichemiqoke, eno anhethi kighichemi lakhino anhethi kighichemi kutami saphe aye, pama kinikujo azulakilo ilulove cheni.”

Rommi 11:25

Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

Rommi 11:7

Ike kishive kya? Israilmiye kiu phuchekeno phumlave; Alhou no amqo aghulo kishelukeqono ti phuluveno kutamiqoye Alhou no kukeu ini kikeve.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

2 Peter 1:9

Ikemu khunono hipaqo kuha keno panoye mamayi puzu kiumu ithumlake eno axine aqauqo launo shikimtheve tsukeu hu kumsumakhave ake.

1 John 2:11

Ikemu khunono pa thikuzumi mithi cheni keno paye akuzulo ani akuzulo checheni eno paye khilau wucheni keno tipau mthae kughengu akuzuno pa nhethi kighichevetsu ake.

Piyeküsü 3:17

Nono ishi picheni, ‘Niye kinikuluke eno nibonileivae, niye kiumu avehupu shiamoe.’ Ikemu noye kiutoi itamujui kimiye kepushi anikeno noye muthano ani. Noye aqu-aghashi anhethi iche eno aphi kumsa ngo anie.