ZEFANIA 1:10 - BAIBEL (BSI)

¹⁰ AMPEU no pi, “Tipa tsalalo, Jerusalem lo Akha Khagholo timino ighaqakeu sutsa nonguno chilu nani. Aphughi anile shipuake kudau qanhenhei keu sutsa nonguno chilu nani eno naghuto kubo kighini ikiqikeu sutsa kije lakhi chilu nani.

Sumi Naga CL (Re-edited) Bible (BSI)

¹⁰ “Tipani,” Ampeu no asheshu, “Akha Khagho lono aküqa sütsa, Achebo Akiniu lono mloküqa lakhi, atoghiqo lono aghügha küsa lakhi chilu nani.

ZEFANIA 1:10 Mawu Ofanana

SAMUEL AKINIU 5:7

(Ikemu David no ighino panongu Zion tupikiye levetsu ikehu tinguno tilauye “David Phughi” ipi aje kuluve.)

SAMUEL AKINIU 5:9

Atupikiye eno aqoboqo leve kethiu David no tile ngoluve eno tipau je pesu “David Phughi” ipi kuluve. Pano tipau homxa aphughi shisuluve, atoghi tsukinhe kipelau yeghi hokulaqano tipa alono huthu susu aki shisuwo aphughi shiluve.

KUKAMI AKINIU 22:14

Tileno Hilkiya, Ahikam, Akhbor, Shafan eno Asaiya ishino wuno totimi lakhi Hulda, tungkupu lakhi Jerusalem asa akitheu lo achekeu sasu kighinikileju. (Li kimi jeye Shallum Tikva nuke eno Harhas tilimi lakhi ke, achinekilo tiphiminibo jukukutsuu shiche.) Panonguno ighipuzu kiu shikeno kishekulushi li vilo lhe,

YEKIKITHI AKINIU 3:1

Tithiu Solomon no Jerusalem yeghi Moria to khipa alo AMPEU no papu David piyekeno tipa alo AMPEU ki shini ke kutothu, a-a tipauye Jebusimi Arauna no athi kuphu-a mlakeu qalo shi.

YEKIKITHI AKINIU 32:22

Hitoi shipuzu AMPEU no Akukau Hezekiya ngo Jerusalem lo akemiqo ye Asiriya kukatou Senakherib kuka launo xapheluve eno pano ghumi kutami launo ghi xapheluve. Pano wu timiqo pelo acheaxu lo akemiqo sasu kulakishi lono xulupe ke.

YEKIKITHI AKINIU 33:14

Hipa thiu, David phughi kipela kudau putu puakeu khalau akiniu pesu Manase no chuqumghai shikithe pukuve, tiye Gihon Zupuki kupunu lo akhila lo a-a lakhi lono ahuu Akha Khagho kutolo shike, aphughi tipaqha pesu Ofel ipi chenike. Pano ghushimi kijemi lakhi gholo ghushimi amqo lakhi khi ghi pesu Juda lo aphughi puwu pua keqo lakhi khilo qhiwoe.

YEKIKITHI AKINIU 34:22

Akukau zahkutsu lono Hilkiya ngo kutamiqono totimi tungkupmi lakhi Hulda ipikeu putsajuni ke wu; liye Jerusalem akitheu salo xu acheke. (Li kimi ye Tikva nu Shalum eno Harhas tinuli ke, pano achineki lo aphi mini kusubo shou ampi shicheke.) Panonguno li vilo kiu kishive keno abo akeshi lhe,

NEHEMIA 12:39

eno tilauno ninguye Efraim Khagho ngo Aqau Khagho, Akha Khagho, Hananel Qoki, Aqhe Qoki vechesu Bheri Khagholo wu. Ninguye Achineki khagho phivi lono kishekhave.

NEHEMIA 3:3

Hasena limiqono Akha Khagho shiqhilu. Panonguno piphi boqhasu ngo khaghoqo pututa alo qhi eno boltu ngo akhaduqo mlasuveno khagho khadu shisuve.

ISAIAH 59:11

Ninguye kichimamave eno kupuna kupughaiveke. Qodaqhi eno vimokeu lono ningu xalupenike Alhou lajuqhiyi ake ikemu kiumu shitsumoe.

JEREMIYA 39:2

Zedekiya no akukau shikeu mpe chighi aqhaqhiu aqhi abidiu eno atsala atokuni aphughi putupuakeu huye tulepho iloghive.

JEREMIYA 4:31

Totimino anga atughiu punu nikelo ighakeu sutsa lakhi toike. Tiye Jerusalem no atuthu sheku- kunokeu ghughake, lino au chhopesu, “Ighenguno ahakusapue! Panonguye iheqhiniye chenike!” ipike.

EZEKEL 6:13

Akithi kumono asu-atu julho gholo akumlla gho kipti-a sumxa pesu kuzaleve nani eno atoghi qhemghai keu kumtsulo, naghuto kutsuqa kumtsulo, asubo akuxu shi akeu qholo ngo aphisubo qho kumtsulo, panonguno akumllagho pitiche keu-a kumtsulo kuzaleve nani. Tithiuno panongu milakhi khino niye AMPEU kepi ithi nani.

AMUS 8:3

Tipa tsalalo akukau kilo ale kiphe huye qanimlokeu ghugha shive nani. Aqha kumtsulo akithi kumo auve nani. Tipaqoye tshuimu shimono khalau vepheve nani.”

ZEFANIA 1:15

Hiye muqhumzayike tsala shi nani, shiluksa eno amlo itapinyive keu tsalake, shikupsa eno kutsale nikeu tsalake, zumoi eno khummuyikeu tsalake, zuchiyi eno khungkusuno nhaluve keu tsalake.

ZEFANIA 1:7

AMPEU tsalaye kupunuvae; tighenguno pa zulo inaqhoi shivelo! AMPEU ye aghashi mllakeu lakhi toi pawu timiqo ghiqhi nike kutope ani.