ZAKINIU 9:1 - BAIBEL (BSI)

¹ “Inilo, Israilmiqo! ishi tsalalo nonguye Jordan katha ikuni cheni eno nongu nguno akijeu akumtou shiayehqo yeghilo ngoluveni chenike. Panoqo phughiye akuloghike eno akuptuqoye atsutsu toni keshi anike.

Sumi Naga CL (Re-edited) Bible (BSI)

¹ “Inilo, O Israel: nongu ye ishi tsala lono Jordan katha iku nongu nguno akijeu akumtou shiyeqo, eno shishe kije eno aliwo no iku atsütsü toni keshi akeu phughiqo haphe niye ani.

ZAKINIU 9:1 Mawu Ofanana

BOTHUBO 11:4

Tileno panonguno pi, “Ighilo, ningu sala aphughi lakhi shi puzu tile aghukheano atsutsu toni keshi shini nolo. Eno ningu je haumo kepu shinie, ti kumoaye ayeghiqha kumtsu kathasusu ningu apanaghave nosake.”

IPEKULU 32:1

Muse no naghuto lono iqighimono ado kushuwa tilau auvekeu timiqono ithulu puzu panonguno Aron suhope ngoluveno pa vilo ishi pi, “Ithu no nighenguno alhou lakhi mlatsulo, tipau pelo ni sawu kepushilo kughengu Muse hupau, Ijip lono ningu saipeghikeu timi huye kishive akela ninguye mthavae.”

DANIEL 4:11

Asubo tipauye ayeghiqhalo timi kumtsuno vezalei ithuluke kutolo alau shi thuu iku atsutsu chokhoive.

AMUS 2:9

“O iwu timiqo, nonguno tishi keghi niye nongu ghenguno Amarimi qhoi kutsakhaveke, timi tipaqoye kedar subo tohi chuqumghai eno aphisu toi choshiyike.

AKIKIHI 13:22

Atughushi panonguno ayeghi apeu kudau wuke eno Hebron lo ighi, khilehi subosughi Anakim ipi chekeu lono ikoighikemi Ahiman, Sheshai eno Talmai limi xu achekeu alo ighike. (Hebron ye Ijip lo Zoan nguno ampe tsunino azuu shighi aphu shive ake,)

AKIKIHI 33:51

akukutsu tsa hipaqo pesu tsuke:”Kughou nonguno Jordan kathasu Kanan lo ilonikeno

ZAKINIU 1:28

Ninguye kushiepi tilau wuni kya? Ninguye musa anike. Ninguno puwukemiqo no ningu vilo pikeuno tilau timi akeqoye ningu nguno akuchuquu eno akumtou kepi pike eno panonguye aphughi putukeuno atsutsu tonikeshi akeulo kughuna acheni. Panonguno timi subosughi tilau akeu ithuluke!’

ZAKINIU 11:23

Tishi aye nonguno azuu haighi kemtsa pano ashiayeh kutami hupaqo halepheve nani eno nonguye ashiayeh kutami nongu nguno akijeu eno akumtomi yeghilo ngoluve nani.

ZAKINIU 11:31

Nonguye Jordan kathani cheake eno AMPEU nongu Lhou no nongu tsu akeu yeghilo ngoluni cheake. Nonguno tipau luveno tilehi ngoluve kelo

ZAKINIU 27:2

Nonguno Jordan katha iku puzu AMPEU nongu Lhou no ayeghi nongu tsukeulo iloluke tsalalo nonguye atu pha kije ghope qhilo eno tipaqoye aghani pesu nudalo,

ZAKINIU 3:18

“Tipamtsa ino kutsukeu tsa hipaqo pesu panoqo tsuke: ‘AMPEU ningu Lhou no nongu pelo ngolu penike ayeghi hipau Jordan kipela kudau akeu tsuve ake. Tighenguno aghu shikithimino ananu pipeno Jordan tuxatsau puwulo, eno Israil shiayeh kutamiqo zuu puwulo eno panoqo pelo pano yeghilo ngolupenike kuphulo.

ZAKINIU 4:1

Tile Muse no timiqo vilo pike, “Ino nongu shikapiye akeu yezah kumtsu papelo tishiaye AMPEU nongu puasuqo Lhou no nongu tsukeu yeghilo xulu eno ngolu nanike.

ZAKINIU 4:38

Nonguno azuu haighi kelo pano ashiayeh nongu nguno akumto eno akuka akeqo hapupovetsuke, tishianguno pano nongu sailoghiniye no panoqo yeghi nongu tsuniyeke,

ZAKINIU 6:10

“AMPEU nongu Lhou no nopuasu Abraham, Isak eno Jakob lau tushoqhive ketoi pano ayeghi lakhilo aphughi kinikulu eno akuloghi nonguno shimokeu pesu nongu tsu nanike.

ZAKINIU 7:1

“Nonguno ngoluniye akeu ghakhulo AMPEU nongu Lhou no nongu saighi nanike eno pano tipa yeghi lono ashiayeh kutomo hapuwuvetsu nanike. Nonguno azuu haighi kelo pano ashiayeh tsuni nongu nguno akichiu eno akuka kuami haphevetsu nanike: Hatimi, Girgashimi, Amarimi, Kananmi, Perizimi, Havimi eno Jebusimi.

JOSHUA 1:15

Jordan kulola kudau nongu Lhou AMPEU no panongu tsukeu yeghi lulumphi kuto wunani. Kughono pano Israil shiyeh timi kumtsu pelo ililaive peni keno tileno nonguno Alhou qeu Muse no nongu tsukeu yeghi Jordan kipelau ideighino ngolu nani.”

JOSHUA 14:12

Tishi aye itehi ni eno niwu timiqono AMPEU lau asutsa sughike tsalalo AMPEU no piqhiveke toi atoyeghiqo itsuvelo. Nino ovilo pikeuye timi subosughimi Anakim ipikeqo aliwo kuloghino bothape akeu phughilo ani AMPEU no pikeu toi AMPEU no igholo ngono ino panongu haleluve nani.”

JOSHUA 3:14

Tiye ghile tsala shia eno aghoki ye atshunazu qoa. Timi qono apusho qhiveno Jordan puthanike wukelo achinemino panongu zuu Puloshoqhi Bohu pesu che.

JOSHUA 3:16

Achinemino azulo nesuke mtsa azuno qomono kucholuve eno Zarethan thiu aphughi lakhi Adam kutolo azu choluve. Akithi Zughi kutolo qoiqi akeu hu suthave eno timiqo huno Jerikho ghungulo katha ipeghi luve.

JOSHUA 3:6

Tithiu pano achineu vilo Puloshoqhi Bohu peno timiqo zuu chelo pive eno pano pikeu toi panonguno tishi.

JOSHUA 4:19

Timiqo aqhi atughiulo atsala achighinino Jordan lono ipeghi eno Jerikho lughi kipelau Gilgal lo aghazu shive.

JOSHUA 4:5

panongu vilo pi, “AMPEU nongu Lhou wu Puloshoqhi Bohu zuuno Jordan lo wulo. Nongu lakhikhino nongu bighi lo atu bepulo, tiye atu lakhino Israilmi shiyeh lakhi khi mchipuke.