ZAKINIU 5:16 - BAIBEL (BSI)

¹⁶ “‘Opu oza gihulo, ni AMPEU nongu Lhou no ahza tsuke toi shilo tishianguno noye thwokha kumtsu akivipu shilu peni eno ino nongu tsuakeu yeghilo nonguye axushulu penike.

Sumi Naga CL (Re-edited) Bible (BSI)

¹⁶ “‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.

ZAKINIU 5:16 Mawu Ofanana

IPEKULU 20:12

“Opu ngo Oza gihulo, tishianguno ino otsu akeu yeghilo noye axushulu penike.

AHOLE 3:1

Inu, ino kiu oshikapiye keno pheve kevilo. Ino ovilo kiu shilo pikeno pulhapuju kumsupulo.

EZEKEL 22:7

Aphughilo timi lakhimu pa puaza gihu chemoke. Nonguno inaghami pishiqhike eno topu chimemi ngo mighimgha jumithi chenike.

ACHINE 19:3

Nonguye ino ahza tsuvekeu toi pututa puaza sumsa masake eno Sabat pine pelumasake. Niye nongu Lhou AMPEU ke.

MATTHEW 19:19

opu oza gihulo; eno okusami olikhi otoi kimiyelo.”

Mark 10:19

Alhou no ahza tsupuakeu hu nono ithi aghi nanike: ‘Timi ghiqhi kevilo, kutami nipu sasu salha kevilo, puka kevilo, akimki lono timi shepe shitsu kevilo, pishiqhi kevilo, opu aza gihulo.’ ”

Mark 7:10

Kughengu Muse no ishi ahza tsu puani, ‘Opu eno oza gihulo’ eno ‘Khuno apu aza lhoksa pinikeno pa pithivelo.’

Luke 18:20

Ahzakutsuqo hu nono ithi ani: ‘Salha kevilo, timi ghiqhi kevilo; puka kevilo; akimiki shepe shikevilo; opuaza gihulo’ ”

ZAKINIU 11:9

Nonguye AMPEU no nongu puasuqo eno pano polo kughukomi tsunikeu shi tushoqhive keu kinikulu eno aghuma yeghilo ado kushuwa xualu nanike.

ZAKINIU 27:16

‘Timi khuuno papu momu aza gihumoni keno Alhou no musuini keu pa shou ani.’ eno timi kumtsuno khochileni, ‘Amen!’

ZAKINIU 4:40

Ishi tsalalo ino nongu tsuvekeu yezah kumtsu pelulo, nongu eno nongu polo kughukomi kumtsu akivishi alu nanike. Nonguye AMPEU nongu Lhou no alhokupujulo nowu shiche penike tsuakeu yeghilo xu alunani.”

ZAKINIU 5:29

Panonguno pulhapuju hikithipu shi igihu eno ino ahza tsukeu kumtsu gholu ke aye! Tishilu aye panongu eno pano polo kughukomiye alhokupujulo aloqhiyi achelu nanike.

ZAKINIU 5:33

Tipaqo kumtsu pelulo tishianguno nongu lau thwokhalo akivishi alu penike eno tishi keu lono nonguno qhasuluniye akeu ghakhulo xu alukepu shinanike.”

ZAKINIU 6:2

Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

Kolosiami 3:20

Anuliqo, pulhapuju nongu puaza gholulo, kughengu tiye Ampeu lopivipuke.