ZAKINIU 4:28 - BAIBEL (BSI)

²⁸ Tilau nonguye timi uno shikeu lhou qenani, asu atuno shikeu lhouqo, ithulu eno chilu chemokeu lhou momu chulu eno tsungulu chemokeu lhouqo qeuve nanike.

Sumi Naga CL (Re-edited) Bible (BSI)

²⁸ Nongu no tilau timi u no asüatu pesü mlakeu lhouqo qe nani, alhou tipaqo ye ithulu, chilu, chulu, tsüngülu chemoe.

ZAKINIU 4:28 Mawu Ofanana

KUKAMI AKINIU 17:40

Ikemu timi tipaqo huye initsumo eno panonguye tamomithe khaghi khuayeh papeukhave.

ISAIAH 26:14

Itehi panoqoye thivae eno xulumoae; panoqo ghahwuye idethughimoa, Kughengu nono panoqo ghimeqhi eno kutsaqhike. Khunomu panoqo kumsulumoake.

ISAIAH 44:11

Tipau mlla chekemi kumtsu shikuchunive nani. Timi khunono ajulho shipe qhicheni keno tipaqoye timi lhoxu kethono kutauke kumoe. Panongu pelo ighino kimchiju pelo, panonguye thughuive eno kujomzave nanike.

ISAIAH 44:12

Ayi kiyiqimino ayi tachu lakhi pesu ami lono tipau peitha cheni. Pa u-kumto pesu ayihesu peqhe no ayi hepha pesu akoghe kughulho cheni. Pano tishi mla kelo, paye muzuthi tughuthi eno akulho shive cheni.

ISAIAH 44:9

Ajulho shichekemi kumtsu ame kuhae, eno panonguno shishe amekusho shichekeu lhouqoye avehupu kuhae. Khunono hikithipu lhouqo mllacheni keno tipaqoye anhethi iche eno mbomzuke eno panonguye kujo mzave nani.

ISAIAH 45:20

AMPEU no pi, “Ashiayehlo timiqo, kumqo pesu ighilo, akukaqha ikiqive kelo ghupe puaghikemiqo; atsa kughatha kepushi nonguye ighilo! Asuno ajulho shikeu pesu kulobide piye chekemiqo eno panoqo xamlakeu lhou lau khuchekemiqo, kiumu mthakemiqo!

ISAIAH 46:7

Panonguno abighilo tipau ikhiqhe pe xapuwu cheni; panonguno a-a lakhilo qhi cheni eno tipaulo ghope qhi cheni, tipa alono kutau ithawulu chemoke. Timi khuno tipau vilo inikhuni keno tipauye khochile chemo momu shiluksa lono pa xaluchemo ke.

JEREMIYA 10:3

Timi hipaqo chineyehye amekuha ke. Aghasalo asubo lakhi yeqhi asukumlamino ananu pesu tipau chhithake,

JEREMIYA 10:5

Asu atu julho tipaqoye akukalilo aluthu toike tipaqoye atsa pichemoe; tipaqoye ala chemlake ghenguno xapu nani. Tipaqo jumsa kevilo: tipaqoye kiumu nongu shipsa mlae, tipaqoye kiumu nongu kivipu shimlake.”

JEREMIYA 10:9

Panoqowu asu-atu julhoye Spein lowu tsandiyino kuzuke eno Ufaz lowu shunayino kuzuke, ti kumtsu atshamgha kishimi kumlake. Tipaqoye hughaikeu eno phalaikeu phimini aghi ghokithimino ghokeu pepuke.

JEREMIYA 16:13

Tishike ghenguno ino ayeghi hipau lono nongu haphe pesu nongu momu nopuasuqono khilemu muthano achekeu yeghilo puwuve nani. Tilano nonguno putho pucho kutau lhouqo qenani eno niye kimiye qhiyi keu nongu lau piyemo nani.”

EZEKEL 20:32

Nonguye ashiayeh kutami paphi shinishive keu nonguno kumsu auvae, ti ayeghi kutau xuakemino asubo ngo atuqu mllache keu toi shinishi auvae. Ikemu tiye khilemu shilupemo nanike.

EZEKEL 20:39

Akughushu MPEU no pi, “Itehiye nongu Israilmiye nolikhi nongu pulou shialo! Pututa su-atu julho qewuvelo! Ikemu ino nongu kutughuve anike tipathiu nonguye igholumasa kepu shi nani eno nowu asu-atu julho lau akumllagho tsukeu lono ije kusapu shichekeu tavekepu shi nani.

Apostolmi 19:26

Nongu ampino chilu eno ithuluve ake, Efesia lo likhi kumono Asia yeghiqha kumtsulo Paul ipikeu hipauno timi kumzapu musu kughuzuvae. Pano pikeuno timi u-no mlakeu lhouye khilemu alhou kumoe pi pie.

Apostolmi 7:42

Ikemu Alhou no panoqo launo ighosu wuve eno panoqo pelo atsutsulo ayepu yesu akeqo mlla penikeu shivepe, ti tungkupmi kakulo ishi yepe puakeu hutoi, ‘O Israilmiqo, ampe lhobidi dolo asayeqhalo, Nonguye Lhoxu heqhi eno akumllagho pesu ilau ighi kesha?

ZAKINIU 28:36

“AMPEU no nongu eno nokukau sasu inaghami yeghilo, khile nongu na nopuasuqo pinamu xuju mphi keu-a-lo sawuve nani; tilau nonguye asuatuno shikeu lhouqo qeuve nani.

ZAKINIU 28:64

“AMPEU no ashiayeh kumtsu gholo nongu kuthole puwuve nani, ayeghi aku lakhi lono lakhi kutolo puwuve nani, tilau nonguye asu atuno shikeu lhou qeuve nani, nongu na nopuasu namu khilemu puzuuye mlla mphi keu lhouqo mllauve nani.

ZAKINIU 29:17

Panoqo wu aphikumqhupu julho asu, atu, tsandiyi eno shunayino shikeu nonguno ithuluvae.

Piyeküsü 9:20

Timi khije pusa hipaqono pithimono achili shiaghikeno tipaqoye panonguno mlape qhichekeu launo xaideghimoe. Panonguye tughami mllachekeu phevemoe, momu shunayi, tsandiyi, alazayi, asu atu julho mllachekeu phevemoe, tipaqoye ithuluchemo, chiluchemo eno alachelu chemoe.

SAMUEL ATUGHIU 26:19

Akijeu, ino kiu pinikeno ti inijutsulo. Tsala AMPEU no oxukideno imithi aghi aye akumllagho pa lau tsukeu vechewono pa mlo kililu nani; ikemu tsala timino hishi aghiaye, AMPEU loghu panoqo shou ikughipeniu. Kughengu panonguno AMPEU yeghi lono ihapheveno ipelono inami yeghilo inami lhouqo likhi mllaluvepe kepu shi vetsu anike.