ZAKINIU 33:9 - BAIBEL (BSI)

⁹ Panonguye kumzapu oqhoqhu keu piye, tiye apuaza, athikuzumi momu atianuli nguno alaushi. Panonguno nono ahza tsukeu gholu eno owu puloshoqhi lau amikucho shie.

Sumi Naga CL (Re-edited) Bible (BSI)

⁹ Pa no pa puaza vehu lo pi, ‘Ni ye pama kihi movae’; pa no pa thiküzümi pheve eno pa tianuli jukümghaleve ke. Kughengu panongu ye O tsau no akhoto shive eno Ow puloshoqhi pape wuve ke.

ZAKINIU 33:9 Mawu Ofanana

BOTHUBO 29:32

Lea no mishiluveno anu lakhi punue, lino pa je Ruben ku-tsue. Lino pi, “AMPEU no ighime ithitsue hinguno hilaye ikimino ikimiyeniae.”

YEKIKITHI ATUGHIU 17:17

Tishipimu nono ilau tamono mlae; nono ighini kuau mipe qolo ikughuko lau piqhipuave tsuae eno no, AMPEU Alhou, nono ikughape akiqheu timi lakhi toi peithae.

JOB 37:24

Tighenguno timino pa sumsa cheni, eno khunono alikhi ampi pesu alokutsue pini keno pano juchemoe.

LESHELE 119:57

O AMEPU, niye olikhi lunishike; niye oyezah gholunikeu piqhike.

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

ACHINE 10:6

Tile Muse no Aron ngo pa nuli Eleazer eno Ithamar vilo pike, “Nongu sa muthomughoi pekevilo momu amloksa kiqi shi nongu phimini suxu kevilo. Nonguno tishi aye thive nani eno AMPEU no aqoaho kuchopu shou aloghu ideve nani. Ikemu nokusami Israilmi kumtsu AMPEU no ami puwuno akithipu shivekeulo amlo imekuqha penikeu shi pulosutsu anike.

ACHINE 21:11

Paye ilau ikhiphepe tsuvae ike paye chini kepulo mithemokeu shikepu kumoe momu ikimthe Phiki lono ipepuzu kithimi akeu kilo ilo veno Aphiki shipixi kepu kumoe, kithimi tipauye papu aza shi aghi pinamu.

MATTHEW 10:37

“Timi khunono iqhukeu nguno alaushi apuh eno aza kimiye nikeno paye ikhopemi shikuzu kumoe; eno timi khunono iqhukeu nguno alaushi pano nu eno pano nga kimiye nikeno paye ikhopemi shikuzu kumoe.

MATTHEW 12:48

Tile Jisu no pa vilo pikeu vilo ishi khochile, “Izaye khuu kya? Ithikuzumiye khunoqo kya?”

MATTHEW 22:16

Ikehu panonguno panokhopemi khami pelo Herod laumi sasu kumtsa Jisu lau puwu. Tipaqono ishipi, “Kutsuchekeu ninguno ithi anike noye amikuchomi eno timi ghenguno Alhou pulou akeu vehu kuchou nono kutsu cheni, eno kutamiye kishi kumsu aghi nani kela ipi pi chemoe, kughengu noye timino ashouno kiu kiu thotsu shi aghinamu tipau jupesu kutuqukeu shichemoe.

Luke 14:26

“Khunono ilau ighi puzu pa pu aza, pa nipu anuli, pa thikuzumi, achelimi eno pa likhi pa milivemo nikeno paye ikhopemi shimlae.

2 Kor. 5:16

Tighenguno ninguye timi kuxu ghola qhemi pesu khuu shou mu xatha chemoe. Ghuthu lakhiye ninguno timi kuxu ghola qhemi pesu Khristo shou xathaju che kemu itehiye khilemu tishimovae.

Galatiami 1:10

Hitoi pikelo niye timi lopu phu ani kesha? Ikeo timi pelo ni ikhilupeniye shi ani kya? Itehi kuto ino timi pelo ni ikhilu peniye shi aghiaye niye Khristo qeu shikepu kumoe.

1 Thes. 2:4

Ikemu Alhou no ni ikhikulupu shiaghive eno atsakiviu pesu ipichetsu keu toi ninguno pi acheni. Ninguye timi pulou shiniyeke kumoe ikemu nimlo lhejuchekeu Alhou pulou shiniyeke.

1 Tim. 5:21

Alhou zulono eno Khristo Jisu zulono eno kungumi kishe kipheqo zulono opelo akukutsu tsa hipaqo pape penike ino ohakite ani. Khilemu kumsukutoju mono kughathabe kevilo eno agi jumono shilo.