ZAKINIU 33:3 - BAIBEL (BSI)

³ AMPEU no pawu timiqo qhuivulai eno pawu shiluve kemiqo susholue. Tighenguno ninguno pa pukhu phivilo itsaiqi eno pa zah kutsu gholue.

Sumi Naga CL (Re-edited) Bible (BSI)

³ Iyei, Ampeu no Paw timi kimiye, Pa kimthe timi kümtsü Paw sükusho lo ae; ikehu panongu no O pape ke, eno Ow mijekütsü papeke,

ZAKINIU 33:3 Mawu Ofanana

LESHELE 31:15

Ido-ghulokiye o-ulo ani, ighumi eno ishikighime kemi ulono ixaphelulo.

LESHELE 47:4

Pano nino akeu yeghi nimheghipu shitsu, pawu timi pano kimiye chekeqo kijivilepu mheghike.

LESHELE 50:5

Pano pi, “Khunoqono aghakishi pesu mllano isasu puloshoqhi shipuani keno, ighokulumi iwu timiqo ilau kumqolo.”

AHOLE 2:1

Inu, ino kiu oshikapiye ani keno shikalulo eno ino ovilo kiu shilopini keno khilemu kumsuma kevilo.

YETSAPIU 9:1

Ino ado kushuwa hipaqo kumtsu kumsukutoju eno ithulu puakeuno Alhou no alokutsumi ngo amikuchomi kumla kughutha peitha acheni, panonguno kimiyechekeu ngo mithi chekeu kutolo paulo acheni. Timi khunomu pa zu-u kiu ani keno kiumu ithichemoe.

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

JEREMIYA 31:3

ino putosuuno panoqo lau ipeghi piyeke. Israil lo akemiqo, niye pulhapuju nongu kimiyeke, ikehu iwu iqemokeu kikimiye pesu ino nongu lau piyechephike.

JEREMIYA 32:40

Ino panoqo sasu lhokta puloshoqhi lakhi shi nani. Niye panoqo ghenguno akivipu kumla khilemu shitavemo nani, ino panoqo pelo amlo kuchopu pesu isumsape nani, tishikehu panonguye ilauno khilemu wuvemo nani.

HOSIYA 11:1

AMPEU no pi, “Kughou Israil no itimi lakhi shiakeno ino pa kimiyeche, Ijip lono ino inu kulue.

MALAKI 1:2

AMPEU no pawu timiqo vilo pi, “Niye pulhapujulo nongu kimiye cheni.” Ikemu panonguno khochile pi, “Noye okikimiye kishi nipiye kya?” AMPEU no khochile,” Esao ngo Jakob pamaye athiazu ke ikemu niye Jakob ngo pa laghami kimiye cheni

MATTHEW 23:2

“Ayezah kukutsumi ngo Farisimino Muse lakhulo iqa anie.

Luke 10:39

Li tsunipu Maria ye Ampeu pukhu philo iqano pano kiu pi akeno inia.

Luke 2:46

Atsala kuthu thiu paye achinekilo Judami yeh kukutsumi gholo iqano panongu sutsa ini eno panongu vilo iniju aghike lono pamano phulu.

Luke 8:35

Timiqono kiu shivekeno juniye wukha, eno timiqono Jisu lau ighino timi khuu phi lono tughakusa ipeve keno aphi mini uno pa kukumsu achipi shighi Jisu pukhu philo iqa aghike ithulu; ike panonguye msave.

Apostolmi 22:3

“Niye Judami lakhi, Kilikia ghakhulo Tarsus phu lono punu kemi, ikemu Gamaliel qholono kiphimi lakhi shi-ghi Jerusalem phughi hipau lono saputhue. Nipu asuqo yezah ghola akuthou lono ishika puthu, eno nongu ishi hile akemiqo kumtsu hutoi Alhou ghenguno azukini shi ache.

ZAKINIU 14:2

Nonguye AMPEU nongu Lhou wu timiqoke; ayeghilo timi xuakemi gholono pawu timi shipenike pano nongu kisheluke.

ZAKINIU 4:37

Pano nongu puasuqo kimiyeke ghenguno nongu kisheluke eno pa kuka kije pesu pa ampino Ijip lono nongu saipeghike.

ZAKINIU 6:1

“Ayezah hipaqo kumtsu AMPEU Alhou no nongu shikapiye penike ahza itsuke. Nonguno ilono ngoluniye akeu ghakhulo tipaqo pelulo.

1 Thes. 1:6

Ampeu no xupiyekeu eno nino xupiyekeu toi nonguno xuke; eno nonguye akijiksa shishe sholukemu Aghungu Kimthe launo ighikeu tsape alokivishi ikhiluke.

1 Peter 1:5

Nongu kupulu vechewo Alhou kukano nongu susho pesu ani eno ashekha ghulokilo pephepiye nike ghenguno xakulupu kutope ani.

1 John 4:19

Ninguno kimiye cheni, kughengu Alhou paghino ningu kimiyeke.

SAMUEL ATUGHIU 2:9

Aghokulumi kuxu ye pano shokha tsucheni ikemu alhoksami ye akuzu lono hauve cheni; Timi lakhiye pa kumto lono tokulu shilu chemoe.