ZAKINIU 33:19 - BAIBEL (BSI)

¹⁹ Panonguno pano wu naghutolo inaghami kusaghi, Agha shikeu achipiu pesu tilano mllae. Panonguye azughi lono pano wu kuakini ithulu cheni, Azumuku phivilo asaye lono ithulu cheni.”

Sumi Naga CL (Re-edited) Bible (BSI)

¹⁹ Panongu no panow naghuto lo ashiayeqo kusü nani; tilau no achipiu ghakishi shinani; kughengu panongu ye azüghi eno asayeqha lono küsü püakeu kinikhuki kupukuno shi süghi cheni.

ZAKINIU 33:19 Mawu Ofanana

BOTHUBO 49:13

‘Zebulun ye azu philo kughuna nani; Pa phivilo ashuka kutsuwo ngokeua shi nani; Pa lughiye Zidon kuto shinani.

LESHELE 107:22

Panonguye agha shipe pa shikimthi mlla kepu eno alokivi le phe pesu pano mlatsu keu kumtsu lhekepu.

LESHELE 2:6

Pano pi, “Ino iwu akimthe toghi Zion shou ikukau qhipe puani.”

LESHELE 4:5

Achipiu heqhipe AMPEU mllalo eno pa shou puluvelo.

LESHELE 4:6

Timi kutomono picheni “Kukumgha ta ithuluke ayela! O AMPEU, ogi kuvu nilau kughopuwo tsulo!”

LESHELE 51:19

Tishianguno noye kithikiyikeu kumllagho shou amloqi nani, niwu pitipesu omllakeulo amloqi nani eno akhachelo amshitsu piti pesu mlla nani.

IPEKULU 15:17

Nono owu timiqo saghi no owu naghutolo panoqo shosuke, tiye okungo a shinike nono kishelukeu alo, Achineki, No ampino shiqhi tsukeu-alo.

ISAIAH 2:3

Timi kutomono ighino pi nani: “Ighilo ningu AMPEU naghutolo iqhoni, Israil Lhou chinekilo wuni. Tileno paye ningu pelo kiu shipe nishi anikeno pano ningu shika nani; ninguno pano kishetsukeu laghi pulani. Kughengu AMPEU kukutsuye Jerusalem lono ighi nani, Pano Zion lono pawu timiqo putsa nani.”

ISAIAH 60:16

Ashiayehqo eno kukamino aza lakhi no linga tuchomujo keshi oheju nani. Nono ithi nanike, ni AMPEU no oxaluke, Israil Lhou Akughushuu no okhaqhipheke.”

ISAIAH 60:5

Nonguno tipau ithuluno alokivino chhitoilu nani; nonguye ngosumla kelauno thuthushi nani. Ashiayeh kutamiqo wu kinikulu nongu lau sughi nani; Azughi tuxa kudauno panoqo kini ighi nani.

MICAH 4:2

“Ningu AMPEU wu naghutolo Israil Lhou chinekilo wunie. Kughengu pano ningu pelo kiu shipe nishi ani keno ningu shikapiye nani; ninguye pano kishetsukeu laghi pulani. Kughengu AMPEU no kutsupiye keuye Jerusalem lono ighi cheni; Zion lono pano pawu timiqo putsa cheni.”

ZAKINIU 32:13

“Pano panoqo pelo qhemghai keu yeghi shou kalu pe, alulo kiu ipeghi keno panoqo pelo chulupe. Panonguno atuqu gholo aghalo khingozu phulu; atusa yeghilo pano wu oliv subo aheshi ipeghie.

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.