ZAKINIU 33:13 - BAIBEL (BSI)

¹³ Josef lagha ghili pano pitsu: “AMPEU no tsutsughu pesu pano yeghi kumghatsu peni eno ayeghi qhou zu pesu kumghatsu peniu.

Sumi Naga CL (Re-edited) Bible (BSI)

¹³ Joseph ghenguno pa no pi, “Ampeu no kungugha lo eno ayeghi akuthou lono agho akiviu pesü pa yeghi kümgha tsüe,

ZAKINIU 33:13 Mawu Ofanana

BOTHUBO 27:27

Pano mumanike ighi eno Isak no pa kumghatsughi pi, “Julo, inu xokutsungu hipauye AMPEU no kumghavetsu keu luqa xokutsungu toi anie.

BOTHUBO 27:39

Papu Isak no khochile pi, “Okungoaye ayeghi kinikulu launo putosuniae, eno atsutsu tsuzu launo putosuniae.

BOTHUBO 48:5

“Ino olau ighi mphi lono Ijip yeghi lono punu puaghikeu onu Efraim ngo Manase pama ghi Ruben ngo Simon toi iwue.

BOTHUBO 48:9

Josef no ishi khochile, “Hipamaye inu ke, Ijip lo akelono Alhou no itsukeu ke.” Israil no pi, “Hila ilau saghilo, ino pama kumghatsunie.”

JOB 29:19

Niye asubo lakhi kuhuno azu lau qusu wuke toi nani, eno niye asubo lokalo atsuzu qipuku keu toi nani picheke.

LESHELE 110:3

Nono oghumi sasu aghushike tsala lono owu timino oghenguno wuni keu ighi nani. Inaqhe tsuzu toi owu lhothemiqo no akimthe toghilo olau ighi nani.

LESHELE 148:7

Ayeghi kudauno AMPEU sheqhelo, nongu azughi ghahwu eno azughi kutho kumtsu;

AHOLE 19:12

Akukau loghuye abongushu ghugha toike ikemu pa lopu shiluaye kheakeu tsutsughu ighike toike.

AHOLE 3:20

Pa lokutsuno aghoki qowulupe cheni eno khungkusu pelo ayeghi shou ghuqhi chenipe.

ISAIAH 18:4

AMPEU no ivilo hitoi pike, “Ino kungugha lono jupiqi nani tiye ghile ghulokilo akulu tsala putholo atsuzu qi akeshi, atsala shukuthuikeulo tsukinheno tsuni akeshi nanike.

HOSIYA 14:5

Niye Israilmi ghenguno qhayikeu yeghilo tsutsughu ighikeu toi shi nani. Panonguye axamunu toi puile nani; panonguye Libanon lo asuboqo toi akuhu akivishi qusulu nani.

MICAH 5:7

Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

ZEKHARIA 8:12

Panonguno aloino ghi pano xa yisulu nani. Pano wu atsayibono alothi pithi nani, ayeghino axatsuni ipeghipe nani eno tsutsughu kutomo ghu nani. Kukumgha hipaqo kumtsu pesu ishiayeh, khunoqo ghupe puaghi keno tipaqo ino tsu nani.

ZAKINIU 32:2

Ikukutsuye tsutsughu kighiji toi iqighi eno ayeghi shou atsuzu toi kumqolue. Itsaye tsutsughuno atsuni khunu shou ikiqi iku ketoi, atsani kumtsha shou mkhano ghupuku keu toi.

ZAKINIU 33:14

Pano yeghiye tsukinheno phupinivekeu xathino chhi peni, atusho atsu-tsulo axathi akiviuno kinikulu shipeni.

ZAKINIU 33:28

Tighenguno Jakob polo kughukomiye iqughai xulu cheni, athi eno atsasyi-ji chhitoi akeu yeghilo ithamo, tipau loye atsutsulo atsuzuno ayeghi putsatsu cheni.