ZAKINIU 32:9 - BAIBEL (BSI)

⁹ ikemu Jakob polo kughukomiye pa sala shi pano kishelue.

Sumi Naga CL (Re-edited) Bible (BSI)

⁹ Ikemu Ampeu saje ye Paw timiqo ke, Jacob no Pa mheghi saje shilue.

ZAKINIU 32:9 Mawu Ofanana

SAMUEL AKINIU 14:16

Ino kumsukeuye noye itsa initsuno khuuno inu ikujo pithiveniye pukaputsa akeu eno Alhou no pawu timiqo tsukeu yeghi lono ikhipheve niye shi akeu lono xalu nanipi kumsu anie.

SAMUEL AKINIU 20:19

Ningu phughi hipauye ighono kije lakhi. Israil ghakhulo alokughunoshi iqu ighai eno aghokulu qholo achekeuke. Tighenguno nonguye kushiye hipau shipsave tsuniye anikya? Nonguye AMPEU wu kiukeno tighi shipsa hexavetsuniye anikya?”

KUKAMI ATUGHIU 8:51

Panonguye khunoqo nono Ijip lo amikuyiqu alono saipeghilu khakeno owu timiqoke.

KUKAMI ATUGHIU 8:53

Timiqo dolono nono panongu owu timi shinike kishephelue, tiye nono oqeu Muse vechewo Ijip lono nipu asunoqo saipeghilue.”

LESHELE 106:40

Ikehu AMPEU ye pawu timiqo lau axuideve; panongu jupe pa mlo zuzushive.

LESHELE 106:5

Ipelo owu timino kinikulu shilukeu ithulupelo eno ashiayeh lokivi gholo kusajelu pelo; Owu shiluvekemino akijivile keu gholo sulupelo.

LESHELE 135:4

Pano pa likhi pa ghenguno Jakob kisheluke, Israilmi pe pawu shiniye kisheluke.

LESHELE 28:9

Owu timiqo xalutsulo eno omhe ghimi kumghatsulo O AMPEU. Nono panoqo kheu shitsulo eno alhokupujulo panoqo hejulo.

LESHELE 33:12

Khuno shiyehno AMPEU pesu pano Lhou shini keno tipano lokivipue; Pano khunoqomi kishe pesu pawu timi shiluveni keno tipano Lokivipue!

LESHELE 74:2

Owu timi, khipaqo nono kha-ghino kisheluve akeno tipaqo kumsululo, khunoqo timi quaxe shiakelono owu timi muqo shipeniye saipe ghikeqo kumsululo. Zion toghi, ghuthu lakhiye nono tile achekehu kumsululo.

LESHELE 78:71

Atsuaqu pighichekeu-a lono pa ikhiluke, eno pano David pesu Israilmi kukau shivepe, Alhou wu timiqo kheu shipeke.

IPEKULU 15:16

Akumsa eno ighukeuno panoqo shou ikughi. O AMPEU, panonguno okumto ithulu, aqemi kuxu lono kuqho pheve kemiqo owu timiqono hechesu wuvemoke kutolo, panonguye msano chochiyi puthugho ake.

IPEKULU 34:9

Pano pi “AMPEU, kuchouno nono ilau amlo qi ani pi aye nisasu wutsulo pi ino oqhuiniju ani. Timi hipaqoye kuthovilo kemiqoke ni lhoksa eno ni xine peivetsulo eno owu timiqo kepi ningu ikhiluve tsulo.”

ISAIAH 19:25

Aqokitikhi MPEU no panoqo kumghatsu nani eno ishi pi nani, “Iwu Ijipmiqo, no Asiriya ino lhokeu eno no, Israil, ino kisheluve keu timiqo, ino nongu kumghatsuni.”

ISAIAH 34:17

Tipaqo gholo ayeghi kijepesu pututa saje tsunikeuye AMPEU no shi nani. Panonguno tiqheli lakhi lono tiqheli lakhi kutolo tishi acheuve nani eno ayeghiye alhokupuju tipaqow shive nani.

ISAIAH 43:21

Isala ghenguno panonguye ino lhophe puakeqo timike, panonguno isheqhe shipili nani!’

JEREMIYA 10:16

Jakob Lhou ye panoqo toimoke. thwokha kumtsu lhokeuye pa likhinoke, eno pawu timi shipenike pano Israil kishelue. Pa jeye Aqokitikhi MPEU ke.

JEREMIYA 2:7

Aghuma yeghilo ino panoqo sasu ighi, tipaulo ipeghikeu xa eno thime kivi kutau jupesu alopeniyeke. Ikemu panonguno tipaulo iloghikelo iyeghi shipixive tsu; ino pano- qo tsukeu yeghi panonguno kitiqevetsu.

JEREMIYA 51:19

Jakob Lhou ye tipaqo toimoke; Pano thwokha kumtsu lhoqhike, eno Israil kishelu keuye pawu timiqo shiache peniyeke. Pa jeye Aqokitikhi MPEU ke.

MICAH 2:5

Tighenguno kughou ayeghi pesu AMPEU wu timiqo tsuchilekepu ghulokilo nongu khuu sajemu kuha nani.

ZEKHARIA 2:12

Itaghi Juda ye AMPEU yeghi kimthe-alo pa mheghipu akimchiu shiluve nani eno Jerusalem ye pano kumtsu nguno shishe kimiye chekeu phughi shiluve nani.

Ephesiami 1:18

Ino inikhu achekeuno nongu kukumsu yepuvutsu puzu kiu lajupulo pano nongu kulukeno tipau ithipeniyeke, Alhou timiqo gholo akimthe jukuvu mheghi kinikulushi akeu ithipeniyeke,

ZAKINIU 9:29

Kughengu timi hipaqoye owu timi shipenike nono kishelu kemiqoke eno okuka kughushu pesu Ijip lono saipeghi kemiqo ke.’ ”

JOSHUA 24:17

AMPEU no nipu asuqo eno ningu Ijip lo aquaxe lono saipeghike eno pano akumzapu kumla shipe piyechekeqo ithulue. Nino khile wukeno ililai shiyehqo gholo wulupeke.

SAMUEL ATUGHIU 10:1

Tishino Samuel no oliv teli supuchekeu bohu lono Saul tsuqolo lepuku tsuno pa muma eno ishi pi, “AMPEU no pawu timi Israilmi shou ayehkipeu shipenike okisheluvae. Nono pawu timiqo shou ayehpeni eno panongu ghumi launo sushoniae. Hi shi akeuno AMPEU no opelo pawu timiqo ayehkipeu shipeniye akeu michipu shi anike: