ZAKINIU 32:43 - BAIBEL (BSI)

⁴³ “Ashiayeh kutamiqo, nongu AMPEU wu timiqo sheqhe masae; Pano pithipuaghi kemi pano ghimeqhi nani. Pano aghumi shou amkhu lucheni eno pawu timiqo xine peivetsu cheni.”

Sumi Naga CL (Re-edited) Bible (BSI)

⁴³ “O kungugha, Paw timi gholo alovilo; alhou kümtsü no Pa zülo pishiqho lo, kughengu Pa nuliqo jih peleve keu Pa no amkhü lutsü eno Pa ghümi shou amkhülue. Pa no Pa mithi kemi lochile no Paw timi yeghi shikimthe tsü.”

ZAKINIU 32:43 Mawu Ofanana

BOTHUBO 12:3

Okumghatsu kemiqo ino kumghatsuni. Ikemu oghusho kemiye ino ghushoni. Ovechewo ayeghilo shiyeh kumtsu kumghalupe nani.”

KUKAMI ATUGHIU 8:43

kungugha lono pa kighini chilutsulo. Kungugha khile nono acheni keno, tileno pa tsa chilutsulo eno pano ovilo kiu khukeno tipau shitsulo, tishi keu lono ayeghilo timi kumtsu pelono owu timi Israilmi toi no ithilupelo eno ogholu pelo. Tishi aye panonguno ino Akumllaki hipau shikeuye omlla nikeu-a kepi ithilu nani.

KUKAMI AKINIU 9:7

Noye ompi shikicheu akukau, ti Ahab nu heqhive masa eno ino Jezebel shou aghime tsuni kughengu lino iwu tungkupumi eno iqemi kutamiqo pithivetsuke.

JOB 13:24

Noye kushiye ogi kusuluve ani eno ipesu oghumi shighi kihive ani kya?

LESHELE 22:27

Timi jeli kumtsuno AMPEU kumsulu nani eno pa lau xaideghi nani; Ashiayeh jeli kumtsuno pa gihu mlla nani.

LESHELE 58:10

Kughou axinemi ghimeqhikeu ithuluni keno amikuchomino amlo qinani. Panonguno kixikilami jih pelepua keu puthasu wu nani.

LESHELE 65:3

Ni xineno nilakhaluve kelo nono tipaqo pevetsuke.

LESHELE 79:10

Kushiye ashiayeh kutami pelo nivilo “Nongu Lhou khile ani kya?” ipi anipe kya? Ashiayeh kutamino oqemiqo ji pele keu ghenguno nono panoqo ghime qhikeu ni pelo jupelo.

LESHELE 79:9

Ni kuphulo, O Alhou eno ni xalulo, ni sunhephelu eno oje kivipu ghenguno ni xine peivetsulo.

LESHELE 85:1

AMPEU, noye oyeghi shou kimiyeqhiyikeu ake; nono Israil pelo itaghi kinikulu shilu anipe.

LESHELE 85:3

Panongu lau axuide chekeu tishimove eno aloghu kighide panongu launo suchileveke.

ISAIAH 1:24

Ike itehiye Akughushu AMPEU, Israil Lhou akuka kumtouno kiu piani keno tsaqui inilo: “Ino nongu ighumiqo shou amkhu luni eno hinguno hilauye nonguye ipunaqhimo nani.

ISAIAH 1:25

Ino nongu shou i-u ghapuku nani eno ayi piti kimthe ketoi ino nongu thakutsughuni eno nongu baghu kumtsu ikhiphe nani.

ISAIAH 11:10

Tipa tsalani David kuka lagha lono akukau akithe ipeghikeu no ashiayehqo lau amchipu kumla lakhi shi nani; panonguno aphughilo pa phuighi nani eno ajekipishi pa gihu nani.

ISAIAH 19:23

Kughou tipa tsala ighini keno Ijipmi ngo Asiriyami dolo alaghila auve nani. Ayeghi hikumalo akemiqono pano dolo izu iqho iqi nani eno ashiayeh hikumaye kumtsano mlla nani.

ISAIAH 19:25

Aqokitikhi MPEU no panoqo kumghatsu nani eno ishi pi nani, “Iwu Ijipmiqo, no Asiriya ino lhokeu eno no, Israil, ino kisheluve keu timiqo, ino nongu kumghatsuni.”

ISAIAH 44:22

Khungkusu toi ino oxine jolevetsu nani. Ilau ideghilo; oxaluchekeu huye nike.”

ISAIAH 60:6

Kemel loji shekujo kumzapushi Midiya ngo Efa kudauno ighi nani. Panonguno Sheba kudauno shunayi ngo tsungquikeu ta sughi nani. AMPEU no kiu mlakeno timiqono tipau tsakiviu lhe nani!

ISAIAH 66:10

Jerusalem gholo alovilo; li ghenguno amlo kiqi shilo, nongu aphughi hipau kimiye chekemiqo! Li sasu itehino alovilo, li ghenguno mloqa chekemiqo!

JEREMIYA 13:14

Tileno muchomi na lhothemi pinamu ayeghi tughuko toi lakhino lakhi shou ino panoqo vedaqhi nani. Niye amlo ighiqhiyi keu momu amloksa kiunomu ilakhamlano ino panoqo kutsaqhi nanike.’ ”

JEREMIYA 51:36

Ikehu AMPEU no Jerusalem lo akemi vilo pike, “Ino nongu ghenguno kughakepu peluvetsuni eno noghumino nongu shou kiu shikeno tipau ghenguno lochilepe nani. Ino Babilon no azu luchekeu qhaivepe eno tipau ghokiqo qhaivepe nani.

AKUMLO 2:5

Aghumi lakhi hutoi AMPEU no Israil kutsave; Paye pawu aliwo ngo kukaki shipusa pesu qhive. Juda lo akemi shou pano tamo mithe keu mlokusa sughike.

EZEKEL 16:63

Nono pimikeu jeli kumtsu ino peivetsu nani, ike noye tipaqo kumsu chilelu nani eno shishe kujo kelauno okichi ghi xukhomo nanike.” Akughushu MPEU no pivae.

EZEKEL 25:14

Iwu timi Israilmino ighenguno Edom shou amkhu lutsu nani, panonguno Edom pelo muqhumza axu idepe nani. Edom no imkhu kulu kiqiye kiu keno ithi nani.” Akughushu MPEU no pivae.

Luke 19:27

Ipuzu itehiye, ighumi khipaqono ipelo panongu shou ayehpe penishimo keno hilau saghilo eno izu lono panongu ghiqhivelo.’ ”

Luke 2:32

Akuvu lakhi hi Judakumomi pephepiye anike, Eno ajukuvu owu Israilmi tsunike.”

Rommi 12:19

Ino kimiyechekeqo, khilemu olikhi omukhu lukevilo, ikemu tiye Alhou loghulo pichevetsulo. Kughengu kuchoyesulo ishi yepuani: “Ino amukhulu nani, ino lochile nani, ipi Ampeu no pie.”

ZAKINIU 32:35

AMPEU no amkhulu nani eno pano ghime nani; ikiqiveni keu do ighi nani; panoqo puhaveni keu tsala kupunuvae.

Piyeküsü 15:2

Tileno ino jukelauye ayina zughi lakhi toike ami gholo lekite pesu akeu ino ithulu; tughashi ngo tipau julho shisukeu eno tipau je kikihi tsukemiqo shou tokulu shiluvekemi ithulu. Panonguye Alhou no akighilebo tsukeu panoqo ulo pesu ayina zughi phivilo puthugho ae.

Piyeküsü 15:4

O Ampeu, khuno osumsa eno ajekipi otsumoni kya? Kughengu olikhino akimtheke. Ashiayeh kumtsu ighi puzu omlla nani, kughengu ow kughakutha pephe piyevae.”

Piyeküsü 18:2

Pano asutsa kuloghi lakhi lono ighamuku pi, “Ikiqivae! Babilon akijeu huye ikiqivae! Hiye aghahwu eno tughakusano mithekumo jelino tile acheuvae.

Piyeküsü 18:20

O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”