ZAKINIU 32:4 - BAIBEL (BSI)

⁴ ‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

Sumi Naga CL (Re-edited) Bible (BSI)

⁴ “Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

ZAKINIU 32:4 Mawu Ofanana

BOTHUBO 1:31

Eno Alhou no pano mlakeu kumtsu shou jupuzu ighono palokiqi shive. Tino akutsughou tsala kijiliu eno inaqhe shive.

BOTHUBO 18:25

Tikithipu shinikeu tiye olauno putosu ape kepue: amikuchomi pesu alhoksami paphi shikeuye olauno putosu apekepue. Ayeghi kumtsu shou kughakuthauye achipiu shimoni kesha?”

SAMUEL AKINIU 22:47

AMPEU ye xukuau! Isukushou sheqhelo! Alhou kumto kumgha khuuno ixalu keno pa ghili piphe alo!

SAMUEL AKINIU 23:3

Israil Lhou no pivae; Israilmi sukushouno ivilo pi: “Akukau achipishi ayeh pechekeu, Alhou sumsa ghi pa zulo ayehpe chekeu,

YEKIKITHI AKINIU 19:7

AMPEU sumsalo eno kuto kupui shi puzu xathalo kughengu AMPEU ni Lhou ye akimki, agi jukeu momu kulugho lukeu palokutove mlake.”

NEHEMIA 9:8

Paye olau amikucho shikeu nono phuluke, eno nono pa sasu puloshoqhi shike. Nono Kananmi yeghi pa tsunikeu shi tushoqhike, Hatimi yeghi, Amarimi yeghi, Perizimi yeghi, Jebusimi yeghi eno Girgashimi yeghi tsuni keu shi tushoqhi ke, Pa laghami pelo ngo chepe nikeu yeghi shitsu ke. Nono amikucho kehu oshoqhi peluke.

JOB 34:10

Tighenguno nongu amlo kutsumi, itsa chilulo! Alhou ye khilemu alhoksa kumoe, Tuchomujokuluu ye khilemu kuquni chemoe!

JOB 35:14

Noye pa ithuluni chemoe pi aghi namu kughatha kepuye pa zulo likhinoe, ike noye pa pukhubelulo.

JOB 36:23

Khuuno pa laghi mijetsu akya? eno khuno pa vilo, “Noye amikucho kumo shivae!” ipi kulupu kya?

JOB 8:3

Alhou ye achipiu suchighini kesha? Momu Tuchomujokuluu ye amikucho suchighini kesha?

LESHELE 100:5

AMPEU ye aloke; pa kikimiye lhokta kutoloke eno pa pukhukuluye alhokupuju ache nani.

LESHELE 138:8

Nono piqhivekeu kumtsu shikupu nani; AMPEU, okikimiye ye lhokta kutolo ani. Okumla huthuvekeu hu qhive kevilo.

LESHELE 145:17

AMPEU ye pano mla ithakeu kumtsulo amikuchoe, pa kumla kumtsulo kupuqhiyikeu ani.

LESHELE 146:6

Khunono kungugha ngo ayeghi, azughi eno tipaqolo akeu kumtsu Lhokutsuu AMPEU pa Lhou mungubeni keno tipano lokivipue. Paye pulhapuju pano piqhivekeu shikupu cheni;

LESHELE 18:2

AMPEU ye ituqu iliwo, ixaphekuluu, iLhou ye ituqu, pano isusholu cheni. Paye izuto, ixakulupu kuka eno ikumto-a.

LESHELE 18:46

AMPEU ye xuani! Ituqu shipililo, Ixakulu Lhou suqhelo.

LESHELE 19:7

AMPEU yezah ye kupukulayike, tino aghuthi puxutsu cheni. AMPEU no shilo pikeu yezah ye achipi, alokutsu kuhakemi pelo tsukhuilu chenipe.

LESHELE 31:5

Oulo ighungu kulhoqhi ani, nono ixapheluve nani, O AMPEU, noye pukhukulupu Lhou ke.

LESHELE 33:4

AMPEU tsaye kuchouke eno pa kumla kumtsu pukhukulupuke.

LESHELE 78:35

Panonguno kumsulukeulo Alhou ye panongu susholu eno Akughushuuno panoqo kuphu cheke.

LESHELE 9:16

AMPEU no amikucho shi kughakutha shikeu lono pa likhi pa pephe piyevae, kusakughamiye pano likhi pano kumlano meluve cheni.

LESHELE 90:16

Ningu, oqemi pelo nono akughushu kumla shikeu ithulupelo; nitianuli pelo owu akughushu jekipi ithulupelo.

LESHELE 92:15

Hipauno AMPEU ye achipiu kepi piye ani eno isushokuluu gholoye akipimi kuhake.

LESHELE 97:2

Khungkusu ngo zumoikeuno pa suhope ani; pano amikucho eno achipiu xakutha pesu ayehpe ani.

LESHELE 98:3

Pano Israilmi lau pano piqhivekeu peke, tiye qhoqhukeu eno iqemokeu kikimiye peithake. Aqha kumtsulo timiqono niLhou no tolukeu ithulue.

LESHELE 99:4

Akughushu kukau, khuuno achipi keno nono tipau kimiyeke; nono Israil lo achipiu xakutha qhi tsuke; nono amikucho eno aghibiu sughike.

IPEKULU 34:6

Tithiu AMPEU no pa gizuuno hechesu wu eno ishi kuke. “Ni, AMPEU ye kimiye qhiyikeu eno kupukeu no chhitoi akeu Lhouke, mllalei axu ideve chemoe eno kikimiye ngo pukhukulu kutsasa piye chekeuke.

YETSAPIU 3:14

Ino ithi anike Alhou no mlakeu jeli kumtsu alhokupujulo ache nani. Noye tipaulo kiumu sukupha mlae momu tipau lono kiumu ikhisuwuve mlake. Alhou no shitsukeu thime lakhiye pa sumsape niyeke.

ISAIAH 17:10

Israil, noye oxaphelukeu Lhou kumsumavae eno khuno akughutshu tuqu toi osusholukeu phevae. Tipau zuqhulo, inaghami lhou mllaniaye akimthe ghutu shipe qhike.

ISAIAH 25:1

O AMPEU, noye iLhou ke; Ino ogihuni eno oje sheqheni. Kughengu nono akumzapu kumla shike; Nono ado kushuwa lono kughu pe puakeu amikuchoshi shiwoke.

ISAIAH 26:4

Alhokupujulo AMPEU pukhu chelo; pano pulhapuju nisusholu nanike.

ISAIAH 28:16

Tighenguno AMPEU Alhou no ishi piani: “Zion lo tsatsayi keu eno akumto boqha lakhi ino qhi ani. Tipaulo akicheku tuqu lakhi ino qhi ani eno tipau shou atsa ishi yepuku puani, ‘Mutotoikeu kupuluye lhelheimo nani.’

ISAIAH 30:18

Ikeghi AMPEU ye nongu kimiyenike kheanike. Paye nongu shou amlo ighiqhiyinike kutope ani kughengu paye pulhapujulo kiuno achipi keno tipau shi achenike. Khunono AMPEU shou pukhube cheni keno tipanoye alokivipuke.

ISAIAH 32:2

Panoqo lakhikhino amlhu launo susholukeu toi nani eno pasapaghalo itshuluke-a toi nani. Panonguye asayeqhalo aghokiti qowu ake toi nani, asutsuni kuhake-alo atuqu kuloghi yekukhu toi nani.

JEREMIYA 10:10

Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

JEREMIYA 9:24

Khualano qhezanishi aghi aye paye ni ithi eno ivethalukeulo qheza kepu kughengu iwu kikimiyeye iqemokeu eno niye kiuno achipiu, amikucho keno tipau shicheni. Hipaqo thime shikeuno ilopiqilu cheni. Ni, AMPEU no piqhiveake.”

DANIEL 4:34

Kughono ampe tsuni tove keno akukauno ishipi,”Ino kughono kunguu atsutsulo jukeno, ilokutsu ide ighive. Tighenguno Akughushu Lhou oje sheqhe tsue eno agigihu aje kipi kumtsu kughape tiqheli tiqhelilo achekeu tsuke.” “Pano ashekha kuha ayehpeni, eno pa kukaphuye tiqheli tiqheli kuto ache nani.

DANIEL 4:37

Ni Nebukadnezar no, akishe, agigihu pe Kungughalo kukau tsu ani. Pano kiu mlakeno kumtsu amikucho eno achipike eno pano aqhekuzami kughape kumtsu nguno aghulou shive tsukepu kuka ani.”

HABAKUK 1:12

O AMPEU, noye abothu lono Alhou ke. Noye iLhou, akimthe eno lhoktake. AMPEU, iLhou eno sushokuluu, nono Babilonmi kishelu eno panoqo mutotoi shitsu, tishi anguno panoqo pelo nighimeqhi peniyeke.

HABAKUK 1:13

Ikemu noye kishino lhoksa kugha hekibidemi hipaqo jualu cheni kya? Onhethi ye shishe akimtheke kishino alhoksa shou jupukuni kya? Noye timino akumou shiaghi keu shou jupukumlake. Tishiaye panonguno panoqo nguno amikuchomi kutsaleve akeulo noye kushiye inaqhoi ani kya?

ZEFANIA 3:5

Ikemu AMPEU ye aphughilo aphike; paye kiuno achipi keno tipau shicheni eno achipi kumou khilemu shichemoe. Ina atsu-tsu pawu timiqo lau pano kuchou xakutha sughi cheni. Tishi keghi tilehi achipi kumomino akumou shi acheni eno kujochemoe.

MATTHEW 5:48

Nongu paPuh kungughalo akeuye thwokhalo viwotolue, tighenguno nongu ghi viwotolu masae.”

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 1:17

Alhou no Muse vechewo Ayezah tsuke, ikemu kimiye kini eno amikuchouye Jisu Khristo vechewo ighi.

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

John 5:22

Apuh ye khuu shoumu kughakutha bechemoe, ikemu kughakutha kumtsu pesu Anu tsuvae,

Rommi 1:32

Panonguye Alhou yezahlo timi khunono hikithipu shini keno pithive kuzupuepi ithi ikeghi panonguno hipau shikeu likhi kumono kutamino hipaqo shichekeulo ghi panongu mlo kiqishi acheni.

Rommi 2:2

Timi hikithipu shikichemi shou kughathabe aye Alhou ye achipishi anie pi ninguno ithi acheni.

Rommi 2:5

Ikemu noye amlo kumka likhi thono amlo-ighikeu kuhae.Ike Alhou ghakighide eno Pano achipi lono kughatsukeu pephepiye nike tsalalo noye olikhi oghengu aghime kitikhi ithulu kepu pekike auvae.

Rommi 3:5

Ikemu ninguno akumou shikeu lono Alhou ye achipiu lono shichekeu ke ipi ipeghi piyelu aye, tile ninguye kiu pikepu ani kya? Alhou no ningu ghime aye, paye achipilo kumoe pilu nani kesha? (Niye hipau lo timiqono pichekeu toi piauvae.)

1 Kor. 10:4

kumtsuno angu-agha kuxupu zu yeke. Kughengu panonguno panoqo gholo chechekeu angu-gha kuxupu tuqu lono ipeghikeu zu yeke eno atuqu tipauye Khristo ke.

ZAKINIU 10:18

Paye mighimghami ngo chimemiqo achipiu lono peitha cheni; paye inaghami niwu timi gholo akeqo qhuivu cheni eno achuqupu ngo aphimini tipaqo tsupe kepu shichenike.

ZAKINIU 32:15

‘AMPEU wu timiqoye kinikulu shiuve ikemu hebideuve; Panonguye chhibochhilei eno achuqupuno shepichhi cheuve. Panonguno Alhou panoqo pulhokusuu qhiveno akughushu shi pano xakuluu peive.

ZAKINIU 32:18

Panonguno pano Lhou, akughushuu shi pano xakuluu, akuxu panoqo tsukeu Lhou kumsumave.

ZAKINIU 7:9

AMPEU nongu Lhou likhino Alhou kepi kumsululo eno paye amikuchoke. Paye puloshoqhi phevemo nanike eno pa qhuivu eno Pano ahza tsukeu papelu kemiqo lau tiqheli 1000 kutolo pawu iqemokeu kikimiye piye chenike.

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

James 4:12

Alhou likhino ayezah tsukeu eno kughakuthauke. Pa likhino xakulupu eno shipuhave kulupu anike. Ikemu noye khuu keno okusami shou kughathabe cheni kya?

1 Peter 2:6

Kughengu kuchoyesulo ishi pipuani, “Julo, Zion lo ino atuqu lakhi qhipuani, Amekusho eno kishekiphe atsukupu tuqu Khunono pa pulu nikeno alokumtshuvepemo nani.”

SAMUEL ATUGHIU 2:2

‘Khunomu AMPEU toi akimthe kuhae; khumu pa toikeu kuhae, ningu Lhou toi sushokuluu kuhae.’