ZAKINIU 32:36 - BAIBEL (BSI)

³⁶ AMPEU no pawu timiqo xaphelu nani tiye pano kuka kuhave keu pano ithulu kethiuno. Paqe chekemi shou pano amlo ighiqhiyi keu anani; tiye panoqoye akukuphu kuhakeu pano ithulu kethiuno.

Sumi Naga CL (Re-edited) Bible (BSI)

³⁶ Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

ZAKINIU 32:36 Mawu Ofanana

KUKAMI ATUGHIU 14:10

Tipau ghenguno olagha lau shikupsa sughinia eno olagha lono ighikemi kiptimi kumtsu muchomi lono itimi kutolo heqhi pithivetsu niae. Okibolomi kumtsu shipuhave tsuni eno tipaqoye amishiba mukhu toi fupewu khavepe nani.

KUKAMI ATUGHIU 21:21

Tighenguno AMPEU no ovilo pi ani, ‘Oshou ghichheghime puwutsuni. Olaghalo kiptimi itimi lono iku amchou kutolo ghacheive peni.

KUKAMI AKINIU 14:26

Israilmi shishe ime akeu AMPEU no ithulu; khunomu panongu kuphunikeu kuhave.

KUKAMI AKINIU 9:8

Ahab kibolomi eno pa lagha lono ikowokeqo kumtsu pithi khave tsumasae; pa kibolo kiptimi ye muchomi lono iqi anipau kutolo puhavetsu masa.

LESHELE 106:45

Panoqo ghenguno pawu puloshoqhi kumsuchilelu, eno pawu kikimiye kije akeu lono pa mlo ighiveche.

LESHELE 135:14

Kughengu AMPEU no pawu timiqo saphu nani, eno paqemi shou kimiyeqhiyikeu anani.

LESHELE 50:4

Pano pawu timi shou kughathakeu jupeniye kungugha ngo ayeghi pelo thopi shipeniye kuke.

LESHELE 7:8

AMPEU no timi kumtsu shou kugha kuthauke, ishou xatha pivilo, O AMPEU, niye amikucho kepi nono ithi ani.

LESHELE 90:13

Ologhu kighide khitotohi acheuve nani kya? O AMPEU, oqemiqo lau kupukeu alo!

LESHELE 96:13

tiye kughou AMPEU no ayeghi shou ayehpenike ighini keno. Pano achipiu xakutha ngo aghibiu lono ayeghilo timiqo shou ayehpe nani.

IPEKULU 32:14

Ike AMPEU no pa kukumsu kilive eno pawu timiqo shou kutsa kungo nikeu shi shikichi akeu sughimove.

JEREMIYA 20:11

Ikemu AMPEU nono ikudau ani, akumto eno akughushu shi anike, eno ishikighime akeqoye tomove nanike. Panonguye alhokupujulo kujomza kepu shive nani kughengu panonguye tokulupu tsa kuhae. Panoqono kujo mzanikeuye khilemu kumsumamlake.

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.

JEREMIYA 42:10

‘Nonguno aghakhu hipaulo xu achenishi aye ino nongu xaqhepuku nani eno nongu tuleqhivemo nani; ino nongu shosu nani eno nongu nhuvemoke. Ino nongu shou kutsakungo keu sughikeuno imlo ghime kije shivetsuake.

DANIEL 12:7

Tileno kungumi huno pau kinijujo chhope atsutsu kudau peqhepe ngo puzu, Lhokta Lhou jelono tushoqhi pikeu ino chilu, “Ado hu ampe kuthuno tuxake. Kughono Alhou wu timiqo ghime keu ashekha shiveni keno, hipaqo kumtsu shikha nanike.”

JOYIL 2:14

Khuno ithiani kya? noLhou AMPEU ye pa kukumsu kilive nanimu mthake, eno nibonileshi axa jeli nongu kumghape qhitsu luvike. Tileno nonguno athi eno atsayiji pe pa mllalu nanike.

JOYIL 2:18

Tileno AMPEU no pa yeghi ghenguno kumsujutsu; eno pawu timiqo jupe amlo ighiqhive.

ACHINE 26:43

Tishiepimu, atughushi aghakhuye tile timi akeqo puhave masake, tishianguno tipau ye aghakiqishi akulhoqhilu nanike eno panonguye iyezahqo ngo ino ahza tsukeu pevetsukeu ghenguno tipau jume qhoi lomaye sake.

AMUS 7:3

AMPEU no pano kumsupu akeu kiliveno ishi pi, “Nono kiu ithulu akeno tipauye shipemo ake.”

AMUS 7:6

AMPEU no pano kumsupu akeu itaghi kilive eno ishi pi, “Hipau ghi shipemo ake.”

IBRIMI 10:30

Kughengu khuno, “Ino amukhulu nani, ino lochiletsu nani,” ipi pikeno eno itaghi khuno, “Ampeu no pawu timi shou kughatha nani,” ipi pikeno, tipau ninguno ithi ani.

XAKUTHAMI 2:18

Kughokughomu AMPEU no xakuthau lakhi tsu aye, AMPEU no pa kuphuno aghumi ulono timiqo xaphe luno pa kuxu tivilo aloinolu chepeke. Ghichhe ghimeno qhasupe akeu lono igha khuke ghenguno AMPEU no panongu kimiyeve cheke.