ZAKINIU 32:25 - BAIBEL (BSI)

²⁵ Aghukishino alaghilalo akithi sughi nani; akiboqolo thughuive keuno pughuqhi nani. Lhothe pumi lhothe limiye thive nani anga kughunu ngo kitekusu mu ghumo nani.

Sumi Naga CL (Re-edited) Bible (BSI)

²⁵ Aki khalau azütakikihi no akithi süghi nani; alou no shithüghüi keu anani, apumi ilimi eno anga kughunu ngo asa kümpami lau aphiphi shi hitoi shi nani.

ZAKINIU 32:25 Mawu Ofanana

KUKAMI AKINIU 7:5

Ikehu, zughughui akelono panonguye ithuveno Siriyami ghazulo wuve, ikemu panonguno tipa alo ighikelo, khuumu ithumla.

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

ISAIAH 30:16

Tishinike zuqhulo, nonguno khurshi kumthu shou ikupuzu noghumiqo launo kajo ipeveniaye kughuke. Nonguye koha pokeuno achipi shiniake! Taun khurshiye shishe muthu ani kepi nonguno kumsu ani, ikemu nongu hachekemi ye nongu nguno akumthuu shi nani!

JEREMIYA 44:7

“Ike, ni Aqokitikhi MPEU, Israil Lhou no itehi ghi nongu vilo iniju anike nonguye kushiye nolikhi noshou alhoksa kumla hikithipu shi ani kya? Nonguye kiptimi, totimi, itimi eno anga kughunuqo shou kutsale keu sughi nishi ani kesha? Tishino nowu timi lakhimu puxumove niye kesha?

JEREMIYA 44:8

Nonguye kushiye hilau Ijip lo acheuveniye ighivekeu-alo kutau lhouqo lau lhoxu heqhi mlla ani eno asu-atu julho mlla puzu imlo shikighide ani kya? Nonguno nolikhi nongu kutsaleveniye hipau shi ani kesha? Tishianguno ayeghilo ashiayeh kumtsu nongu phimo ghi peitha eno musuinikeulo nongu je peithapeni kesha?

JEREMIYA 9:21

Akithiye nilashe vechesu alou iloghivae eno nikukakilo iloghivae; tipauno alaghilalo ititunuqo ghiqhipewuvae eno alhikishialo lhothemiqo michepewuvae.

AKUMLO 1:20

“O AMPEU, imlo ghujushi akeu jutsulo, imlo kusashi akeu jutsulo! Ino hebidekeu xine shike ghenguno imlo ipopinyive ake. Alaghilalo ghiqhile ani eno aki sholokuu ghi akithipu ani.

AKUMLO 4:4

Panonguno pano nga kughunu pelo akhuno thivepeke; Khunomu panoqo tsumoamu itimi qoye achuqupu khu akhani.

EZEKEL 7:15

Alaghila lono aghushi akelo akiqoloye kusukini ngo akhuava shiake. Timi khuuno aluzalo wuni keno aghu shikeu lono thi nani eno khuuno aphughilo ani keno kusukini ngo akhuavano kutsaqhi niae.

HOSIYA 11:6

Aghukishino pano phughi jole ighi nani eno aphughi kikha kuboleqhivetsu nani. Tipauno iwu timiqo kutsale nani kughengu panonguno akiviukepi kumsulu keu likhi shi cheni.

HOSIYA 9:12

Ike panonguno atianuli saputhu puaghi pinamu ino tipaqo ikhisuwuve nani eno milakhimu puxumove nani. Kughou ino timi hipaqo qhiveni keno akumsa kuighupu panoqo shou ikughi nani.”

HOSIYA 9:16

Israil lo akemiqoye asubo lakhi akuhu qhaiveno axathi pithimovekeu toivae. Panonguye atianuli kuha nani, eno panonguno atianuli lhoe pinamu panonguno shishe kimiye akeu tianuli ino pithivetsu nani.”

ACHINE 26:25

Ningu puloshoqhi shikeu hexavekeu ghenguno nongu ghimeqhinike ino nongu shou aghukishi sughi nani eno susholunike nophughilo nonguno kumqo aye, shipivi mlakeu kusukini ino nongu gholo puwu nani eno nonguye aghumi lau qhoi phesuve masa putsakeu shivepe nani.

MICAH 6:14

Nonguno chu nani ikemu aghaqimo nani, tsaquino nonguye muzuthi auve nani. Nonguno tinhemgha puwu nani ikemu nonguye tipaqo kike puamla nani; nonguno kiu kiu kike puaghinamu ino aghushi lono kutsavetsu nani.

2 Kor. 7:5

Ninguno Makedonia lo ighive kethiu ghi ningu shiaji pelo kitilamu akulho qhilu pemoke. Aqha kumtsulo kupunakeu aghive, ashouno kutami sasu mutokeu eno nimlolo akumsa ake.