ZAKINIU 32:15 - BAIBEL (BSI)

¹⁵ ‘AMPEU wu timiqoye kinikulu shiuve ikemu hebideuve; Panonguye chhibochhilei eno achuqupuno shepichhi cheuve. Panonguno Alhou panoqo pulhokusuu qhiveno akughushu shi pano xakuluu peive.

Sumi Naga CL (Re-edited) Bible (BSI)

¹⁵ “Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

ZAKINIU 32:15 Mawu Ofanana

SAMUEL AKINIU 22:47

AMPEU ye xukuau! Isukushou sheqhelo! Alhou kumto kumgha khuuno ixalu keno pa ghili piphe alo!

YEKIKITHI ATUGHIU 5:25

Ikemu timi qono Alhou eno apuasu ghobide su kutami shiyeh toi alhouqo mlla wuveke ghenguno Alhou no panongu yeghi lono hapheve.

YEKIKITHI AKINIU 12:1

Rehoboam no akukau shiluve no akumto shiluve kethiuye pa eno pawu timi kumtsu AMPEU Yezah pheve.

YEKIKITHI AKINIU 26:16

Ikemu Akukau Uzia no mutotoive keulo paye qhezauve tipauno pa xakuluqhi kepu shive. Paye pa Lhou AMPEU phimo puzu Achineki lo tsungqui ta kiptia shou tsungqui ta pitiniye shike.

NEHEMIA 9:25

Owu timiqono aliwo kuptu phughi qo ngo aghuma yeghi eno aki kinikuluno chhitoi akeu, azukikhe chhupua ghive keu, olivsubo, axathibo eno atsayiluqo halelue. Panonguno chunishi ketoi chu puzu aquchhibo chhileilu; nono akivi nhemgha panongu tsukeu pesu alokughuno shilu.

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

JOB 15:27

Pa gilo athano kuzu pusu eno pa pokhalo athano chole aghi namu;

LESHELE 100:3

AMPEU ye Alhou kepi khilemu kumsuma kevilo. Pano ni Lhoke eno ninguye pawu ke; ninguye pawu timi eno pawu bheri lojiqoke.

LESHELE 119:70

Timi hipaqoye vethakulu kuhake, ikemu niye oyezahlo ilokivipu sholu cheni.

LESHELE 17:10

Panonguye amlo ighiqhiyikeu kuhano aqhekuza-kulaki tsa picheni.

LESHELE 18:46

AMPEU ye xuani! Ituqu shipililo, Ixakulu Lhou suqhelo.

LESHELE 73:7

Panongu nhethiye atha pubeyike, eno panongu mloye kixikila mquno qoli acheni.

LESHELE 81:11

Ikemu iwu timiqono itsa initsumoe; Israil no ighelumoke.

LESHELE 89:26

Pano ivilo ishi pinani, ‘Noye ipu eno iLhou ke; noye isushokuluu eno ixakuluu ke.’

LESHELE 89:27

Niye pa pelo inu anoghiu shino kukami gholo akijeu shitsuni.

LESHELE 95:1

Ighilo! ningu AMPEU sheqheni! ninguno Alhou lau alokivi launo alepheni, pano nisusholuke!

ISAIAH 1:4

Nonguye axine shichekemi shiayeh, lhoksakugha eno shikupsapu ahakusa timiqoke! Nongu xineno nongu sunheqhike. Nonguno Israilmi Lhou AMPEU akimtheu miliveno nongu zupo pa tsuveke.

ISAIAH 43:1

Israil, AMPEU oLhokeuno pi ani, “Msakevilo, ino oxalu nani. Ino aje kuughi okuluvae, noye iwuke.

ISAIAH 44:2

Niye AMPEU oLhophekeuke; apolo azughoke lono ino okuphu acheke. Msakevilo; noye iqeuke, ino kimiye chekemi, ino kisheluve kemiqoke.

ISAIAH 6:10

Tileno pano ivilo ishi pi, ‘Timi hipaqo kukumsu pumhomhoi shive tsulo, panoqo kini kughupove tsulo eno panoqo nhethi kighicheve tsulo, tishianguno panonguye ithumla chimla momu vethamla penike. Panonguno ithulu, chilu eno vethalu kenapiaye ilau xaide ghino shipiviluni cheke.’ ”

JEREMIYA 2:31

Israil lo akemiqo, ino kiu piani keno inijulo. Nongu lau niye asayeqha lakhi toive, momu zumoi akumsapu yeghi lakhi toive kesha? Tishiaye nonguye kushiye nongu pulou shinikeu pi kya? Nonguye khilemu ilau ideighimopi pikya?

JEREMIYA 2:32

Ilimi lakhiye liwu akughupuchi kumsumaveni kesha? Momu kulaliuye kulakupu phimini kumsumaveni kesha? Ikemu iwu timiqoye atsala phikha kumlapushi ikumsumavae.

JEREMIYA 2:5

AMPEU no pike: “Nongu puasuqoye ino vimono akeu kiu ithulu keno panonguye ilauno putosuve kya? Panonguye ame kuhakeu asu atu mlla eno panongu ampino ame kuhakeu shiuveke.

JEREMIYA 5:28

Panonguye aqu leleshi chhiboyi anike panonguno alhoksa kumla shikeulo tavae pikeu kuhae. Panonguye mighimghaqo pelo pano chipiu ithulupe chemoe momu neda qodape akeqo lau kuchou xakutha piye chemoke.”

JEREMIYA 5:7

AMPEU no ishi iniju, “Niye kushiye iwu timiqo xine qhivetsu kepua? Panonguno iqhiveno cheve eno kuchou kumo lhouqo mlla chenike. Iwu timiqono aghaqimoke kutolo ino panoqo lojike ikemu panonguno salhashupuke, eno kutu-qhalimi sasu ado kumtsu puwo achenike.

EZEKEL 14:5

Asu-atu julho hupaqono Israilmi pelo ilauno tsughusu wuvepeke ikemu iwu khokichile pesu panongu pelo iqhoqhupe nike niye laju ani.

HOSIYA 13:6

Ikemu nonguno ayeghi kivilo iloghilu kelauye nonguye nibomilei eno aghaqiluke eno tishi puzu qhezawuveno ikumsumaveke.

HOSIYA 4:7

“Nongu achinemi khijehi kutomo shiveni keno nonguno ishou axine alau shi cheni, ike nongu gigihupu pesu nongu kukujopu shitsu nani.

Apostolmi 28:27

Kughengu timi hipaqo mloye mamayivae; Panonguno pano kini mikekhaluvae; Eno panonguno pano nhethi miyiluvae, Tishimokeaye, panongu nhethino ithuluni cheke, Panongu kinino chiluni cheke, Panongu mlono ithikuthuluni cheke. Eno ilau tsughu ighieno ino panoqo shipivini cheke, ipi Alhou no pie.’ ”

Apostolmi 9:5

“Ampeu, no khuu kya?” ipi pano iniju. Asutsa huno pi, “Niye Jisu, nono kijipusa akeuhu ke.

ZAKINIU 31:16

AMPEU no Muse vilo pi, “Noye itheno thiniae eno nono thive kethiu timiqoye ilau amikucho shimove nani eno ino panoqo sasu puloshoqhi shikeu kuboleve nanike. Panonguye iqhiveno panonguno iloniye akeu yeghilo achine kutau lhouqo mllauve nanike.

ZAKINIU 31:20

Ino pano puasu lau tushoqhive ketoi panoqo sasu kinikulu eno aghuma yeghi hipaulo ilo nani. Tilehi panonguno lunishi ke thaqhu achuqupu alu nani eno panonguye alokughuno shi xulu nani.Ikemu panonguye tsughu idesu kutau lhouqo mllauve nani. Panonguye imilive nani eno iwu puloshoqhi kuboleve nani,

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

ZAKINIU 32:6

Hikithipushi nonguye AMPEU peitha kepu kesha? Nongu aghuzunikha eno putokeu kuhakeqo. Paye nongu papu, nongu Pulhokusuu, pano nongu pesu ashiayeh lakhi shitsue.

ZAKINIU 33:26

Israilmiqo, alhou kiunomu nongu Lhou toimo, Paye atsutsu kathasu qhivutsuniyi chewu, khungkusu shou ikupuzu nongu kuphu nike cheni.

ZAKINIU 33:5

AMPEU no pawu timi Israil shou akukau shiluve tiye pano lagha eno sakiphemi kutsuno kumqoluve.

XAKUTHAMI 10:6

Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.

SAMUEL ATUGHIU 2:29

Tishiaye ino iwu timi qo launo aghakishi eno apulou kumllagho khukeu loghi kughuvu ghi anheshuuve keuye hiye kiu kya? Kushiye kya Eli, noye ni nguno alau onuliqo gihuveno pama pelono iwu timiqono imllaniye sughikeu aghakishi gho akiviu haha luuwuvepe kya?