ZAKINIU 31:8 - BAIBEL (BSI)

⁸ AMPEU ampino osaphe nani eno ogholo anani. Paye ophevemo momu oqhivemo nani tighenguno amlo hauve kevilo momu musa kevilo.”

Sumi Naga CL (Re-edited) Bible (BSI)

⁸ Ampeu no o züu chenani. Pa ye o gholo chenani eno o phevemo momu qhivemo nani. Msa momu amlo hauve kevilo.”

ZAKINIU 31:8 Mawu Ofanana

BOTHUBO 28:15

Hi ithilo, nono khile khile wunamu ino ogholo chenani eno oputukha sasu anani, ino hipa yeghilo osachile saghi nani. Kughengu ino ovilo pivekeu shikupumoke kuto niye khilemu oqhivemo nani.”

KUKAMI ATUGHIU 11:38

Tsala nono ighokulu shi aye, iyezah vechewo xu aye eno ino kiu zah tsukeno tipau qholono mla aye iqeu David no shiketoi niye alhokuthu osasu anani. Ino opelo Israil kukau shipe nani eno opolo kughuko vechewo oshelo ghi ayeh pelu wopeni ino David lau shitsuketoi.

KUKAMI ATUGHIU 6:13

Ino iwu timi Israilmi gholo nono khikhi akumllaki hipau shi anikeno tipau vechewo ngoni eno niye khilemu panongu phevemoe.”

KUKAMI ATUGHIU 8:57

AMPEU Alhou pelo nipu asuqo gholo acheke toi ningu gholo ghi alu pelo; pa pelo khilemu ni pheve momu kumsumave keu shipemonie.

YEKIKITHI ATUGHIU 22:13

Tsala nono ayehza khikhi AMPEU no Muse vechewo tsu keno kumtsu pekupulu aye noye tokulu shi nani. Omlo kumto lo eno kiunomu oshi kuighuve pekevilo.

YEKIKITHI ATUGHIU 28:20

Akukau David no panu Solomon vilo pi, “Amlo kumto shilulo eno pukhubelulo. Akumlaqo huthuvelo eno kiu nomu ovekhape kevilo. AMPEU Alhou khuu ino huthu cheni keno pano ogholo apeni. Paye okumsumavemo nani, ikemu nono pawu Achineki shiqhi moke kutolo pano osasu anani.

LESHELE 94:14

AMPEU ye pawu timiqo qhivemo nani; paye pa laumi qhiveno wuvemo nani.

IPEKULU 32:1

Muse no naghuto lono iqighimono ado kushuwa tilau auvekeu timiqono ithulu puzu panonguno Aron suhope ngoluveno pa vilo ishi pi, “Ithu no nighenguno alhou lakhi mlatsulo, tipau pelo ni sawu kepushilo kughengu Muse hupau, Ijip lono ningu saipeghikeu timi huye kishive akela ninguye mthavae.”

IPEKULU 33:14

Tileno AMPEU no pi,”Ino nongu gholo wuni eno tokulupu nongu tsuni.”

JEREMIYA 32:40

Ino panoqo sasu lhokta puloshoqhi lakhi shi nani. Niye panoqo ghenguno akivipu kumla khilemu shitavemo nani, ino panoqo pelo amlo kuchopu pesu isumsape nani, tishikehu panonguye ilauno khilemu wuvemo nani.

Rommi 8:31

Tishi aye, ninguye hipaulo kiu pikulupu ani kya? Alhou no ni kudau ani aye khuno ningu shou kiu shikulupu kya?

ZAKINIU 20:1

“Nonguno noghumi sasu aghu shiniye wukelo nonguno aghushikulu ngo khurshi eno ghushimi nowu akeu nguno alau kumzapu ithulu keulo nonguye tipaqo musa kevilo. AMPEU nongu Lhou, Ijip lono nongu xaphelu keu huno nongu gholo ananike.

ZAKINIU 31:23

Tileno AMPEU no Nun nu Joshua putsa eno pa vilo pike, “Akumto shi amlo kuloghi shilo. Nono Israilmi sasu ino panoqo vilo tushoqhive keu yeghilo ilolo eno ino ogholo anani ke.”

ZAKINIU 31:3

AMPEU Alhou no nongu zuu wunani eno ashiayeh tilau akeqo kutsaleve nani, tishikeu lono nonguno panoqo yeghilo ngolu nanike eno AMPEU no pive ketoi Joshua no nongu sakipheu shi nanike.

ZAKINIU 31:6

Amlo kuloghi shilo eno amlo kumto shilo. Panoqo musa kevilo. Nongu Lhou, AMPEU ampino nongu gholo anani. Paye nongu phevemo momu qhivemo nanike.”

ZAKINIU 4:31

Paye kimiyekini Lhou ke. Paye nongu qhivemo nani, nongu kutsalevemo nani eno pa ampino nopuasuqo sasu puloshoqhi shive keu kumsumamo nanike.

ZAKINIU 9:3

Ikemu itehiye no likhi nongu ampino ithulu nanike AMPEU nongu Lhou no ami kuyiqu he chighi akeu lakhi toi nongu zuu wunanike. Nonguno azuu haighi kemtsa pano panoqo leluve nani, tishianguno pano tushoqhive ke toi nonguno panoqo halepheve nani eno payi kutsaleve nani.

IBRIMI 13:5

Pisa kimine lono okuxu putosuluvelo eno nono aghikeulo ogakiqishilo. Kughengu Alhou no ishi pipuani, “Niye khilemu oqhivemo nani, niye khilemu ophevemo nani.”

JOSHUA 1:5

Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.

JOSHUA 1:9

Mtotoi shi amlo kuloghi shilo pi ino ahza tsukeu ithilo, msakevilo momu amlo tulalo kevilo kughengu ni AMPEU oLhou no nono khile cheni keno ogholo che nani.”

SAMUEL ATUGHIU 12:22

AMPEU no tsaquino tushoqhivae eno paye khilemu nongu phevemo nani, kughengu nongu pesu pawu timi shini keu pano kughakutha shiluvae.