ZAKINIU 31:6 - BAIBEL (BSI)

⁶ Amlo kuloghi shilo eno amlo kumto shilo. Panoqo musa kevilo. Nongu Lhou, AMPEU ampino nongu gholo anani. Paye nongu phevemo momu qhivemo nanike.”

Sumi Naga CL (Re-edited) Bible (BSI)

⁶ Akumto shilo eno amlo loghilo, panongu msa momu juighü kevilo, kughengu Ampeu nongu Lhou no nongu sasü chenani. Pa ye nongu phevemo momu qhivemo nani.”

ZAKINIU 31:6 Mawu Ofanana

BOTHUBO 26:24

Tipaji AMPEU no pa lau ipeghi no pavilo pi, “Niye opu Abraham Lhou. Ino ogholo ani ke musa kevilo. Iqeu Abraham ghenguno, ino okumghatsuni eno oti kughuko tsunie.”

BOTHUBO 28:15

Hi ithilo, nono khile khile wunamu ino ogholo chenani eno oputukha sasu anani, ino hipa yeghilo osachile saghi nani. Kughengu ino ovilo pivekeu shikupumoke kuto niye khilemu oqhivemo nani.”

SAMUEL AKINIU 10:12

Akumto shilulo eno amlo kuloghilulo! Niwu timi ghenguno aloqhi kichighini eno ningu Lhou phughiqo ghenguno akivishi aghu shini. AMPEU pulou mlalupeniu!”

KUKAMI ATUGHIU 2:2

“Niye thivenikeu do kupunuuvae. Tsaqu tsalei shino kughakutha shilulo,

KUKAMI ATUGHIU 6:13

Ino iwu timi Israilmi gholo nono khikhi akumllaki hipau shi anikeno tipau vechewo ngoni eno niye khilemu panongu phevemoe.”

KUKAMI ATUGHIU 8:57

AMPEU Alhou pelo nipu asuqo gholo acheke toi ningu gholo ghi alu pelo; pa pelo khilemu ni pheve momu kumsumave keu shipemonie.

YEKIKITHI ATUGHIU 22:13

Tsala nono ayehza khikhi AMPEU no Muse vechewo tsu keno kumtsu pekupulu aye noye tokulu shi nani. Omlo kumto lo eno kiunomu oshi kuighuve pekevilo.

YEKIKITHI ATUGHIU 28:10

Noye AMPEU no pa kimthea Achineki nono shilu nani pi okishelu keu kumsululo. Itehi akumla huthuvelo eno okimiji phemono mla thuvelo.”

YEKIKITHI ATUGHIU 28:20

Akukau David no panu Solomon vilo pi, “Amlo kumto shilulo eno pukhubelulo. Akumlaqo huthuvelo eno kiu nomu ovekhape kevilo. AMPEU Alhou khuu ino huthu cheni keno pano ogholo apeni. Paye okumsumavemo nani, ikemu nono pawu Achineki shiqhi moke kutolo pano osasu anani.

YEKIKITHI AKINIU 32:7

“Itha kevino amlo kumto shilo eno Asiriyami kukatou msakevi momu pano sasu chekeu ghushimi jupe msa kevilo. Pa gholo akuka akeu nguno ningu gholouno akuka kumto alau anike.

LESHELE 27:1

AMPEU ye ikuvu eno ixakulupu, niye khuu musani kya? AMPEU no ikughutshua niye khuu musakepu ani kya?

LESHELE 27:14

AMPEU pukhulo, mutotoi alo eno amlo kuloghi shilo. Iye, AMPEU pukhulo.

LESHELE 94:14

AMPEU ye pawu timiqo qhivemo nani; paye pa laumi qhiveno wuvemo nani.

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

ISAIAH 51:12

AMPEU no pi, ‘Oshikumto chekeu huye nike. Nonguye kushiye thivenikuau timi musa cheni kya? paye atsuni nguno akushuu xuchemo ke.

JEREMIYA 1:8

Noye panoqo jupe msa kevilo kughengu ino ogholo anani eno osusho nanike. Ni, AMPEU no pianike!”

JEREMIYA 32:40

Ino panoqo sasu lhokta puloshoqhi lakhi shi nani. Niye panoqo ghenguno akivipu kumla khilemu shitavemo nani, ino panoqo pelo amlo kuchopu pesu isumsape nani, tishikehu panonguye ilauno khilemu wuvemo nani.

HAGAYI 2:4

Ikemu nongu gholo khuumu itehiye aghuthi suve kevilo. Akumla shilo kughengu ino nongu sasu anike.

ZEKHARIA 8:13

Juda ngo Israil lo akemiqo! Wovekeu tsalalo inaghamino lakhino lakhi ghusho keulo, ‘Juda ngo Israil kuma shou kutsakungo keu ikughikeu tho oshou ikughi peniu!’ ipi picheke. Ikemu ino nongu xalu nani eno tileno inaghami hupaqoye lakhino lakhi vilo, ‘Juda ngo Israil kuma shou kukumgha ighike tho opelo ithulu peniu!’ ipi pinani. Tighenguno amlo kumtoshilo eno msa ichi kevilo.”

AKIKIHI 13:20

Ayeghi ye aghuma akeu momu asubo akeu yeghi kemo keno julo. Eno axathi pithi aghikeu hami xo sughilo.” (Tiye atsayi lothi ni ipechekeu tusho shi ake.)

AKIKIHI 14:9

AMPEU hebide kevilo eno timi tilehi kughuna akemiqo jupesu musa kevilo. Ninguye mulalei panongu leluve nani. AMPEU no ningu sasu ani eno panoqo sushope akeqo ghahwu shou pano theqhiluvae, tighenguno panongu jupe musa kevilo.”

Luke 12:32

“Nongu amsa loji! Musakevilo Ayehkipeqha pesu nongu tsu nikeu nongu paPuh mlo kiqie.

1 Kor. 16:13

Tsukhuyi alo, nongu kupululo mutotoi puthugho alo, amlo kuloghi shi, mutotoi alo.

Ephesiami 6:10

Ashekhashi hi ithilo. Ampeu gholo xukimepekeu lono eno pa kuka kumtono nonguye mutotoi alo.

ZAKINIU 1:29

“Ikemu ino pike, ‘Timi hupaqo jumsa kevilo.

ZAKINIU 11:8

“Ishi tsalalo ino nongu lau ayezah tsukeu kumtsu pelulo. Tishianguno nonguye aghoki katha iku iloniye kuto akeu yeghilo ngolu nanike.

ZAKINIU 20:1

“Nonguno noghumi sasu aghu shiniye wukelo nonguno aghushikulu ngo khurshi eno ghushimi nowu akeu nguno alau kumzapu ithulu keulo nonguye tipaqo musa kevilo. AMPEU nongu Lhou, Ijip lono nongu xaphelu keu huno nongu gholo ananike.

ZAKINIU 31:23

Tileno AMPEU no Nun nu Joshua putsa eno pa vilo pike, “Akumto shi amlo kuloghi shilo. Nono Israilmi sasu ino panoqo vilo tushoqhive keu yeghilo ilolo eno ino ogholo anani ke.”

ZAKINIU 31:7

Tishieno Muse no Joshua kuno Israilmi kumtsu gizu lono pa vilo pi, “Amlo kuloghi shilo eno amlo kumto shilo; nono timi hipaqo sakipheu shipuzu AMPEU no panoqo puasu lau tushoqhive keu yeghilo sailo ngolu nanike.

ZAKINIU 31:8

AMPEU ampino osaphe nani eno ogholo anani. Paye ophevemo momu oqhivemo nani tighenguno amlo hauve kevilo momu musa kevilo.”

ZAKINIU 4:31

Paye kimiyekini Lhou ke. Paye nongu qhivemo nani, nongu kutsalevemo nani eno pa ampino nopuasuqo sasu puloshoqhi shive keu kumsumamo nanike.

ZAKINIU 7:18

Panoqo musa kevilo; AMPEU nongu Lhou no Ijip lo Akukau ngo pawu timiqo lau kiu shikeno tipau kumsululo.

2 Tim. 2:1

Tishiaye, inu, Khristo Jisu gholo xukimepe akeu kukupu vechewo mutotoi shilo.

IBRIMI 13:5

Pisa kimine lono okuxu putosuluvelo eno nono aghikeulo ogakiqishilo. Kughengu Alhou no ishi pipuani, “Niye khilemu oqhivemo nani, niye khilemu ophevemo nani.”

JOSHUA 1:9

Mtotoi shi amlo kuloghi shilo pi ino ahza tsukeu ithilo, msakevilo momu amlo tulalo kevilo kughengu ni AMPEU oLhou no nono khile cheni keno ogholo che nani.”

JOSHUA 10:25

Tithiu Joshua no kijemi vilo pi, “Msakevilo momu amlo tulalo kevilo ikemu amlo kuloghilo kughengu AMPEU no nongu ghumi kumtsu shou titoi shiniye anie.”

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

SAMUEL ATUGHIU 12:22

AMPEU no tsaquino tushoqhivae eno paye khilemu nongu phevemo nani, kughengu nongu pesu pawu timi shini keu pano kughakutha shiluvae.