ZAKINIU 31:16 - BAIBEL (BSI)

¹⁶ AMPEU no Muse vilo pi, “Noye itheno thiniae eno nono thive kethiu timiqoye ilau amikucho shimove nani eno ino panoqo sasu puloshoqhi shikeu kuboleve nanike. Panonguye iqhiveno panonguno iloniye akeu yeghilo achine kutau lhouqo mllauve nanike.

Sumi Naga CL (Re-edited) Bible (BSI)

¹⁶ Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

ZAKINIU 31:16 Mawu Ofanana

BOTHUBO 15:15

Ikemu noye alokughuno shi apu asuqo gholo wove nani eno kitemi shikutu kethiuno osukumo kutsuvetsu nani.

BOTHUBO 25:8

Paye ighono kitemi shino thive eno panowu timi kithimi gholo hekutsu sawuve.

BOTHUBO 47:29

Kughou Israil no thivekepu do kupunuve keno pano Josef kupuzu pavilo pi, “Ino ogizulo olopu shilu aghi aye o-u ipukudolo beno ashoqhi shilo, noye igihu eno ilau kuchou shinikeu pilo eno Ijip lo ikumo qhokevilo,

BOTHUBO 47:30

ikemu niye ipuasu gholo qhopenishi ani ke noye Ijip lono ikumo xapuwulo eno panongu kumo gholo iqholo.” Josef no khochile pi, “Nono pikeu toi ino shinie.”

SAMUEL AKINIU 7:12

Kughou nonguno thiveni keno eno nongu puasu gholo shiqhoveni keno, ino nongu nuli gholo lakhi pesu akukau shitsu nani eno pa pesu mtotoi qhitsu nani.

KUKAMI ATUGHIU 1:21

Nono pitsumo aye, nono thive kemtsa inu Solomon ikujoye jekuchumi kepi peithaniye kuto ani.”

KUKAMI ATUGHIU 18:18

“Niye akukupuna kutsuu kumoe,” ipi Elija no khochile, “Nounoke—no eno opu okujono kethono. Noye AMPEU zah gholumoveno Baal mllauve.

KUKAMI ATUGHIU 19:10

Pano khochile, “AMPEU Alhou akughushuu, niye olikhi oqe acheni. Ikemu Israilmi ye panongu puloshoqhi hu hephove, okumlla kiptia kubovea eno owu tungkupumi kumtsu pithi khave tsuae. Ilikhi vae eno panonguye nighi ipithiveniye kuto anie!”

KUKAMI AKINIU 18:12

Samaria ikiqivekeuye Israilmino AMPEU panongu Lhou gholumoke ghenguno eno pano panongu sasu puloshoqhi shikeu kubove eno AMPEU qeu Muse no tsukeu yehzaqo hebideveke. Panonguno initsumoe eno panonguno aghokulu shimoe.

KUKAMI AKINIU 20:1

Tipa ghulokilo akukau Hezekiya ye suuve eno kitila kumoaye thiveni cheghive. Tileno tungkupuu Isaya Amuz nuno pa putsaniye wu eno ishi pa vilo pi, “AMPEU no ovilo pi ani noye thwokha kumtsu kishekulu kithikiyi qhiluvelo kughengu noye vilumo nani. Thivenike kutoluvelo.”

YEKIKITHI AKINIU 21:11

Pano Juda lo ato yeghi ghi asu-atu kumlla-a shipe qhi eno Juda ngo Jerusalem lo kuamiqo sasu AMPEU pheveno axinelo sailove.

JOB 20:11

Pa shi aji hu alhothelo toi achekeu hu pa gholo ayeghi mukhu ilhouve nani.

LESHELE 106:39

Panongu kumla kughuthano pano likhi pano shipixiveno Alhou lau amikucho kumove.

LESHELE 73:27

Khunono opheveni keno kuchouno puhaveniake; khunoqono olau akimki shini keno noye tipaqo kutsapinyive nani.

IPEKULU 32:6

Thoghiu inaqhe panonguno itheno lhoxu hami pesu aghashi heqhi pitinike eno hami pesu kuposhu kulu kumllagho shinike sughi. Timiqono kuchu kusho shinike iqae, tiye muxo kuxu keu eno kiptimi totimi mithemo keulo ilove.

IPEKULU 34:15

Aghakhulo timiqo sasu alashikeu shoqhi shi kevilo kughengu kughou panoqono kichile lhouqo mlla eno tipaqo lau aghashini keno panonguno panoqo gholo supeniye nongu kusu nani eno nongu pelo pano lhouqo lau mllavekeu chuqupu chupenike nongu ghukeluve nani.

ISAIAH 48:8

Ino ithianike noye pukhube kumlami ke, alhokuthulo noye hekibidemi kepi ithi achekemike. Ikehu noye hipau khilemu chilu chemoke, kha-ghinomu hipatsa okinilo ighimphike.”

JEREMIYA 31:32

Tipauye ino pano puasuqo au lono sunhepe puzu Ijip lono panoqo saipevekeu ghulokilo panoqo sasu puloshoqhi aqau shikeu toimo nanike. Niye panoqo kimi toi shiakemu panonguno puloshoqhi tipau pemoveke.

JEREMIYA 36:7

Ishiake panonguno AMPEU lau inikhu puzu panoqo laghi lhoksa lono ideighi luvike, kughengu AMPEU no pa loghu kighide eno pa xukighide pesu timi hipaqo shikichiveake.”

EZEKEL 16:15

“Ikemu noye ojukivi shou pukhu auve, eno ojekipi shi achekehu iqho iqikichemi kumtsu sasu salha wuve.

HOSIYA 1:2

Atughushi AMPEU no Hosiya vechewo Israilmi vilo ishi pike, “Wuno anipu lakhi lulo; onipuye amikucho kumomi lakhi shi nani eno otianuli ghi li paphi shi nanike. Tipa tho lono iwu timiqoye iqhiveake eno amikucho kumomi shiwuveake.”

HOSIYA 10:4

Panonguno alatsa likhi zacheni eno kichileu shoqhi shi cheni eno avehu kuhakeu puloshoqhi shi cheni. Alu hokidepe puakeu lulo tughu lupi thuwu akeshi kuchou xakuthaye kichileu xakutha shivetsuke.

ACHINE 26:15

Iyezahqo ngo ahza tsukeu gholumoniye hebide puzu ino nongu sasu shipuakeu puloshoqhi hexave aye,

AKIKIHI 27:13

Nono tipau ithuluve kethiu noye omu Aron toi thive nani,

Apostolmi 13:36

Kughengu David ye pawu tiqhelilo Alhou pulou shiche eno thiva, eno pa pu-asu phivilo qhovae, tsu-makeu shivae.

ZAKINIU 31:18

Tileno ino panoqo kuphumo pive nani kughengu panonguno alhoksa shive eno kutau lhouqo mllawuve ke.

ZAKINIU 32:15

‘AMPEU wu timiqoye kinikulu shiuve ikemu hebideuve; Panonguye chhibochhilei eno achuqupuno shepichhi cheuve. Panonguno Alhou panoqo pulhokusuu qhiveno akughushu shi pano xakuluu peive.

ZAKINIU 32:50

Noye tipau naghuto lono thive nani, tiye omu Aron no Hor toghi lono thiveke toi,

ZAKINIU 34:5

Tighenguno AMPEU qeu Muse ye tilau Muab ghakhu lono thive, AMPEU no tishi velopi pive keu toi shive.

ZAKINIU 4:25

“Nonguno aghakhulo ngolukeu ado kushuwa shiveno atianuli eno atilimi auve namu kiu kiu koghe lonamu khilemu nongu sala ajulho shipe qhipuzu axine shikevilo. Tiye AMPEU zulo alhoksake eno tipauno pa pelo axuideve penanike.

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”

XAKUTHAMI 10:13

Ikemu nonguye ipheveno alhou kutau mllauve, tighenguno niye nongu xaphelu tsumae.

XAKUTHAMI 10:6

Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.

XAKUTHAMI 2:11

Tipathiu Israilmiye AMPEU zulo axine shiuveno Baal mllau khave.

XAKUTHAMI 2:12

panongu ye AMPEU mllamove, panongu puasuno mlla chekeu Lhou khuuno Ijip lono panongu saipeghi keno tipau pheveno alhou kutau mllauve, panongu suho pesu akeqono mlla chekeu lhou mllauve. Panonguno tipaqo zulo pishiqhouve keu lono AMPEU loghu shikighideve tsu.