ZAKINIU 30:20 - BAIBEL (BSI)

²⁰ AMPEU nongu Lhou qhuivulo, pa gholulo eno pa lau amikucho shilo, tishi aye nongu eno nopolo kughukomi pano nopuasu Abraham, Isak eno Jakob tsuni keu shi tushoqhive keu yeghilo kushuwa xulu nanike.”

Sumi Naga CL (Re-edited) Bible (BSI)

²⁰ Ampeu nongu Lhou kimiyelu, Pa tsa chilu no Pa süijelu nani. Kughengu Pa no nongu küxü ke, eno no puasü Abraham, Isaac, eno Jacob lau tushoqhi keu yeghi lo axükushu nongu tsü nani.

ZAKINIU 30:20 Mawu Ofanana

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 17:1

Abram no ampe lhotoku toku shi akelo, AMPEU no pa lau ipeghino pa vilo pi, “Niye Tuchomujokulu Lhoue,

LESHELE 27:1

AMPEU ye ikuvu eno ixakulupu, niye khuu musani kya? AMPEU no ikughutshua niye khuu musakepu ani kya?

LESHELE 30:5

Pa mlo kighideye ikhonhei ke do ghengunoke, eno pano alokeuye akuxu kupuju ghengunoke. Putholo anhezu piji aghiluvi, ikemu inaqheye alovi ighi cheni,

LESHELE 36:9

Nono akuxu jeli pukike eno okuvu lono ningu pelo akuvu ithulupe ke.

LESHELE 37:3

AMPEU lau pukhukeu alo eno akivi mlalo; tishianguno ayeghilo xulu nani eno sushokulu anani.

LESHELE 66:9

Pano kuxumi gholo nipelo ngolupe eno nipukhu pelo nekiphe veqhi pemoe.

ACHINE 18:5

Ino nongu tsukeu ghushoghili eno ayezah qo papelo; nonguno tishilu aye nolikhi nokuxu xalu nani. Niye AMPEU ke.”

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

Apostolmi 11:23

Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto.

Apostolmi 17:25

Momu paye kiuala avehupushi aghi nani kenia kepi pa salla kutotsu akepu kumu kuhae, le pa ampino akuxu ngo atuthu eno thwokha thime pesu timi kumtsu tsuke.

Apostolmi 17:28

‘Kughengu pa gholono ninguye xulu, ithulu eno ngolu anike. Nowu leshelemi khamino ishi pikeu toi;’ “Ningu ghi pa tikughukomie.”

Rommi 12:9

Kimiyekilekeu hu mutsumishei shipelo. Kusakughaye mithilo eno akiviuye mutotoi tsuquluvelo.

Galatiami 2:20

ikehu niye ighoshi xu movae ikemu Khristo no ilolo ani. Eno aphi ashilo itehi ino xuakeu kuxuye Alhou Nuno ikimiye puzu ighenguno pa kuxu tsuvekehu tipau shou puluvekeu lono ino xuani.

ZAKINIU 1:8

Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

ZAKINIU 10:12

“Israilmiqo, itehiye AMPEU Alhou ye nongu launo kiu khuani keno inilo: AMPEU mllalo eno pano ahza tsukeu kumtsu shilo. Pa qhuivulo eno nongu mlo kuchopu eno angulho kumtsu pesu pa qelo

ZAKINIU 10:20

AMPEU nongu Lhou gholulo eno pa likhi mllalo. Pa lau amikucho shi achelo eno pa jelo likhino nowu tushoqhilo.

ZAKINIU 11:22

“Ino nongu tsu akeu yezah kumtsu amikucho shi pelulo: AMPEU nongu Lhou qhuivulo, pano ahza tsukeu thwokha shilo eno pa lau amikucho shichelo

ZAKINIU 11:9

Nonguye AMPEU no nongu puasuqo eno pano polo kughukomi tsunikeu shi tushoqhive keu kinikulu eno aghuma yeghilo ado kushuwa xualu nanike.

ZAKINIU 12:10

Nonguno Jordan katha iku kelo AMPEU no nongu pelo ayeghi tipaulo ngoluno xulu penanike. Noghumi kumtsu launo pano nongu susholu nani eno iquighai xulu nani.

ZAKINIU 30:16

Nonguno AMPEU Alhou no ahza tsukeu, khipau ishi tsalalo ino nongu tsuani keno tipau papelu aye, nonguno pa qhuivu, pa gholu eno pa yezah kumtsu pelu aye tileno nonguye kinikulu shi nani eno timi kumzapu shiayeh shi nanike. AMPEU Alhou no nonguno ngolu niye kuto akeu yeghilo kumghatsu nani.

ZAKINIU 30:6

AMPEU Alhou no nongu eno nopolo kughukomi lau aghokulu mlo tsu nani tishianguno nongu mlo kuchopu pesu pa qhuivulu nani eno ayeghi tipaulo tishi xu acheu luve nani.

ZAKINIU 31:1

Muse no Israilmi vilo pikibeghi

ZAKINIU 32:47

Akukutsu tsa hipaqoye abokumsa tsa kumoke; hipaqoye nokuxupu kuchouke. Hipaqo gholulo eno nonguye Jordan katha ikukelo ayeghi nonguno ngolu niye akeulo axu shulu nanike.”

ZAKINIU 4:1

Tile Muse no timiqo vilo pike, “Ino nongu shikapiye akeu yezah kumtsu papelo tishiaye AMPEU nongu puasuqo Lhou no nongu tsukeu yeghilo xulu eno ngolu nanike.

ZAKINIU 4:4

ikemu nongu khunoqono AMPEU nongu Lhou lau amikucho shikeno ishi tsala kutolo xuanike.

ZAKINIU 4:40

Ishi tsalalo ino nongu tsuvekeu yezah kumtsu pelulo, nongu eno nongu polo kughukomi kumtsu akivishi alu nanike. Nonguye AMPEU nongu Lhou no alhokupujulo nowu shiche penike tsuakeu yeghilo xu alunani.”

ZAKINIU 4:6

Amikucho shi tipaqo pelulo eno tishi keu lono shiayeh kutami gizulo nonguye kiutoi alokutsumi keno piyelu nani. Panonguno ayezah hipaqo kumtsu chilu kelo ishi pinani, ‘Ashiayeh kuloghi hipauye kiu lokutsu eno kiu kighithi ishi ani kela!’

ZAKINIU 5:16

“‘Opu oza gihulo, ni AMPEU nongu Lhou no ahza tsuke toi shilo tishianguno noye thwokha kumtsu akivipu shilu peni eno ino nongu tsuakeu yeghilo nonguye axushulu penike.

ZAKINIU 6:2

Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

ZAKINIU 6:5

Omlo kuchopu,ongulho kuchopu, eno okumto kuchopu pesu AMPEU nongu Lhou qhuivulo.

JOSHUA 23:11

Tishiaye AMPEU Alhou qhuivu nike kutokupuilo.

JOSHUA 23:8

Tishi nike zuqhulo nonguye puzuu toi AMPEU lau amikucho shilo.

Piyeküsü 21:6

Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.

Piyeküsü 22:1

Kungumi huno akuxupuzu akeu ghoki ghi ipiye, tiye mlapuyi mulla- ide ae, eno Alhou ngo Bheriti kuka lakhu lono qoipeghi puzu

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.