ZAKINIU 29:21 - BAIBEL (BSI)

²¹ AMPEU no Israil laghami kumtsu gizulo pa kugha pesu kichekipiye lakhi shitsu nani eno AMPEU wu akukutsu kaku hipaulo yepua keu puloshoqhilo musuini jeli kiqi lono kutsakungo keu pa shou sughi nani.

Sumi Naga CL (Re-edited) Bible (BSI)

²¹ Ayezah kaku hipau lo müsüini keu kiqi lono Ampeu no Israel laghami kümtsü zülono pa ghimeni ke kichephe nani.

ZAKINIU 29:21 Mawu Ofanana

JEREMIYA 42:18

“AMPEU, Israil Lhou no pianike, ‘Nonguno Ijip lo wuve aye Jerusalem lo akemiqo shou imlo kighide ngo iloghu lepukuke paphishi nongu shou ghi lepuku nani. Nonguye junike akuighupu shive nani; timino thaighakeu shi nongu peitha nani eno nongu je pesu musuini keulo peitha nani. Nonguye khilemu a-a hipau ithulu kithemove nani.’ ”

EZEKEL 13:9

Nongu tungkupmi khunoqono kichileu kungunhetsu ithulu cheni eno sabidekeu ashe-azu tsa picheni keno niye nongu ghimeqhi nikeu shianike. Kughou iwu timiqono xakutha shini keno nonguye tile ngomo nani; nongu jeye Israilmi kikihi yekutsukeulo sumo nani; nonguye khilemu noghakhulo idewomo nani. Tithiuno niye Akughushu MPEU kepi nonguno ithi nani.

MALAKI 3:18

Amikuchomi eno timi khuuno iqecheni eno khuuno iqechemo keno tipau dolo kutuquvekeu iwu timiqono itaghi ghuthu lakhiye ithulu nani.”

MATTHEW 24:51

Ampiu huno pa kughape ghaqhitha piniyive nani, eno kuhakughamiqo gholo qhive nani, tilehi pa ye igha qah ahu-tsughu nani.”

MATTHEW 25:32

Ashiayeh kumtsu pa zulo kumqowo ngo nani eno bherikheuno bheri ngo ane kututa shike toi panoqo pesu lakhino lakhi launo kututa shitsu nani.

MATTHEW 25:41

Tileno pano pa-u piyiu akeqo vilo ishipi nani,”Ilauno chevelo, nongu Alhou no musuinivekeqo! Tughami ngo pawu kungumiqo ghenguno alhomi kutope puakelo ilovelo!

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

ZAKINIU 28:59

pano nongu shou eno nopolo kughukomi shou shipivimla kepu kusukini eno pusa kumsapu puwu nani eno tiye khilemu hakhamla kepu shi nani.

ZAKINIU 28:61

Tilikhi kumono Alhou yezah eno kutsukeu kaku hipaulo pipe puamokeu kusukini eno kitixe kusu jeli kumtsu pano puwu nani eno nonguye kutsaleve nani.

ZAKINIU 30:10

Ikemu nonguye pa gholu mayesake eno pawu akukutsu kaku hipaulo ayezah yepe qhipuakeu kumtsu pelulo. Nonguye nongu mlo kuchopu pesu pa lau xaide ighimasake.

ZAKINIU 32:23

“Ino panoqo shou ashekha kuhakeu kutsakungo sughi nani eno ipiji kumtsu pano shouno peitha nani.