ZAKINIU 28:9 - BAIBEL (BSI)

⁹ “Nonguno AMPEU Alhou gholu aye eno pano ahza tsukeu thwokha shi aye, nongu pesu pawu timiqo shi nani, tiye pano tushoqhive ke toi shi nani.

Sumi Naga CL (Re-edited) Bible (BSI)

⁹ Nongu no Ampeu nongu Lhou zakütsü gholu eno Pa pulou lo cheche aye, Pa no tushoqhi ketoi nongu pesü Pa kimthe timiqo shinani.

ZAKINIU 28:9 Mawu Ofanana

BOTHUBO 17:7

I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

LESHELE 87:5

Zion ghili ishi kugha nani, ike ashiayeh kumtsu tile akeuke eno Akughushuuno li pesu mutotoi shitsu nani.

IPEKULU 15:26

Pano ishi pi,”Ino khipaqo pesu achipiu kepi chenikeno tipau shikeu eno ino ahza tsukeu pelu aye ino Ijipmi shou akusu jeli sughikeu lakhimu pesu nongu ghimeqhimo nanike. Niye AMPEU nongu shipivi chekeuke.”

ISAIAH 1:26

Atughulo shicheke toi ino kughakuthami nongu tsuchileni eno kha-ghi abothulo toi mije kutsumi nongu tsuni. Tileno Jerusalem ye amikucho eno pukhukulu phughi ipi kuluve nani.”

ISAIAH 62:12

Nonguye, “Alhou wu Akimthemi Timiqo” ipi ku nani, “AMPEU no Xaluvekeu Timiqo,” ipi nani. Jerusalem ye “Alhou no Kimiye chekeu Phughi” ipi ku nani, “Alhou no Qhivemokeu Phughi” ipi nani.

JEREMIYA 11:5

Tishianguno ino pano puasu lau ashoqhi shipuakeu penikeu shike, tipau shoqhi ye - ino kinikulu eno aghuma kua yeghi panoqo tsunikeu shike, tipau yeghilo panonguno ngo anike.” Ino pi,”Iye, AMPEU.”

ZAKINIU 13:17

Kutsalevenikeu shi ghushovekeu nhemgha kiumu nongu gholo qhilu kevilo eno AMPEU no pa loghu idemoveno nongu kimiyeqhiyi nanike. Pano kimiyeqhiyi keu nongu tsu nani eno nongu pesu timi kutomo shitsu nanike, nongu puasuqo lau tushoqhive ketoi,

ZAKINIU 7:6

Nonguye AMPEU Alhou timiqoke ghenguno hipau shilo. Ayeghilo timi kumtsu akeqo gholono Pano nongu pelo pawu pakutakemi shipenike kisheluke.

ZAKINIU 7:8

Ikemu AMPEU no nongu kimiyeke eno Pano nongu puasuqo lau tushoqhive keu pecheni shike. Tighenguno pa kumto kije pesu nongu xaluke eno nonguno Ijip lo akukau quaxemi shi acheke lono nongu khaqhiphetsu ke.

2 Thes. 3:3

Ikemu Ampeu ye pukhubekuluke; pano nongu shikumtotsu nani eno alhoksau launo nongu shokhalutsu nanike.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

1 Peter 5:10

Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.