ZAKINIU 28:8 - BAIBEL (BSI)

⁸ “AMPEU Alhou no nongu kumla kumghatsu nani eno nobi alelo athi pe shepichhi tsua nani. Pano ayeghi nongu tsu akeulo pano kumghatsu nani.

Sumi Naga CL (Re-edited) Bible (BSI)

⁸ Ampeu no nongu biale kümghatsü eno no kümla küghütha kümtsü kümghatsü nani. Pa no nongu tsü akeu yeghi lo nongu kümghatsü nani.

ZAKINIU 28:8 Mawu Ofanana

KUKAMI AKINIU 6:27

Pano khochile, “Tsala AMPEU thotsu okuphu tsumoaye niye kishino okuphu tsuluni kya? Niye athikishi mu aji mu kuhae?

LESHELE 1:3

Paye aghoki phivilo asubo thuwu aketoi, tiye ado achipi lono athi pithi cheni eno tipau nipaqoye ighuive chemoe. Pano shikeu thwokha kumtsulo ghenighilai acheni.

LESHELE 128:2

Noye olikhi ouno mlaqhikulu xathi chulu nani; noye alokivi shi nani eno kinikulu shilu nani.

LESHELE 133:3

Hiye Hermon Naghuto tsuzuno Zion toghilo qipuku akeu toike; Tileno AMPEU no pawu kukumgha tsunike, ti akuxu ashekha kuha keu shoqhi shike.

LESHELE 144:13

Ni bi-ale pelo tuxa-tini jelino chhitoilu pelo. Niluqalo bheriqo pelo qhethonheno qhethonhe kutolo piti kighishelu pelo.

LESHELE 42:8

AMPEU no pawu ithamokeu kikimiye puchouno piyelo, tishianguno putholo igholo ale kiphepu apenike, eno ikuxupi Lhou lau akighini lakhi apenike.

LESHELE 44:4

Nono ikukau eno iLhou ke nono Jakob laghami ghenguno tokulupu tsuke,

ACHINE 25:21

AMPEU no ampe akutsughoulo ayeghi shou kumghatsu nani eno tipauno ampe kini ghenguno achuqupu lukumkha ipeghi tsu nanike.

ACHINE 26:10

Nonguno ghile hukeuye ighono kupukuno kehu tiye ampe kupujulo tolu nani eno tishive kethiu ghi akiye achili aghikeu peleveno akithe ghile hupughikeu qhikepu shinani.

HAGAYI 2:19

Itehiye athi kuhavea eno atsayibolo, khughuthibolo, khaghatubolo eno oliv subolo alothi pithimphi kemu itehi nguno hilauno ino nongu kumghatsu nani.”

MATTHEW 13:30

Ghile tomoke kutolo aghibo ngo alupi kuma kinikujo kumtsa thuwu aghi pelo, ghile tsala lono ino ghilemi vilo ishi pi nani. Alupi paghi nhuvelo eno pitikepushi amuqoshi xukutsulo, ikemu athiye pekutsusuwo ilelo sulo.’ ”

MATTHEW 6:26

Aghauqono yeiqho-iqi akeu julo, panoqoye apiti yisu chemo momu ghile huchemoe momu alelo pukishe suwo qhichemoe, ikeghi nongu paPuh kungughalo akeuno panoqo loji acheni| Nonguye aghauqo nguno shishe amekushou ke kumo kesha?

Luke 12:18

Pano ishi pi, ‘Niye hi shinia kena: Ino ile xaqhino hinguno akijeu shiniau, eno tilehi ithi ngo inhemgha kumtsu pekutsuni;

ZAKINIU 14:29

Achuqupu hipauye Levi laghami salake kughengu panonguye aki alu pighi chemoke eno inaghami ngo mighimghami eno chimemi nowu taun lo xuache kemi salake. Panonguno avehupu shi akeu ighino lupelo. Hipau shilo eno AMPEU nongu Lhou no nonguno mla ithakeu kumtsulo nongu kumghatsu nanike.”

ZAKINIU 15:10

Shonu shimono nibonilei pa tsulo eno nonguno mla ithakeu kumtsulo AMPEU no nongu kumghatsu nanike.

ZAKINIU 15:4

“AMPEU Alhou no nongu tsu akeu yeghilo nongu kumghatsu nanike. Nowu timi lakhimu kumlhomi shivepemo nanike.

ZAKINIU 28:20

“Nonguno alhoksa mla eno AMPEU milive aye pano kutsakungo keu, kubangu keu eno akupuna nonguno mla itha keu kumtsulo sughi tsu nani, tiye papashi eno qhoi nongu kutsale khavemoke kutolo tishi nani.

ZAKINIU 28:7

“Aghumino nongu haleighi keu AMPEU no leluvetsu nani. Panonguno aqha lakhi kudauno nongu haleighi nani ikemu panonguye nongu launo apanagha pokepu shinani.