ZAKINIU 28:51 - BAIBEL (BSI)

⁵¹ Panonguno nomishi ngo nowu tuxatini chukhave tsunani eno nonguye akhuava shi thive nani. Panonguye nongu ghenguno athi, atsayi-ji oliv teli, amshi momu bheri kiumu qhitsumo nani; eno nonguye thive nani.

Sumi Naga CL (Re-edited) Bible (BSI)

⁵¹ Panongu no nongu tsüaqu no ati piti keqo ngo now tüxatini chukhave tsü nani eno nongu kütsakungo nani. Panongu no nongu pühave moke kutolo now athi, atsaizü, thazü, amishi, ambe eno aneqo kiumu qhitsü mono luvetsü nani.

ZAKINIU 28:51 Mawu Ofanana

KUKAMI AKINIU 25:10

eno pawu ghushimino aphughi kupuwu kumtsu xalevetsu.

ISAIAH 1:7

No yeghiye kutsapiniyivae eno no phughiye amino pitikhavae. Nonguno jupulaghi inaghamino no yeghi kutsave, ti luve eno thwokha shipusakhavae.

ISAIAH 62:8

AMPEU no mutsumisheikeu shoqhi lakhi shike, pa kukano tipau shiwoni cheni: “Hinguno hilauye no xalothiye noghumi chuqupu shimoake eno inaghamiye notsayiji shomoake.

JEREMIYA 15:13

AMPEU no ivilo pi, “Ino aghumi puwu puzu iwu timiqo kini eno pekutsu kike puakeu xapuwuve penani, tishikeuye aghakhu qhalo panonguno axine shichekeu ghenguno panoqo ghimeqhi niyeke.

AKUMLO 4:9

Aghukishi lono thive kemi qoye athiuno thikeqo nguno akiviu shivae, kughengu panoqo puxulu kepu achuqupu ithumla kelauno shisheno akhuno thiveke.

EZEKEL 12:19

Ashiayeh kumtsu vilo Akughushu MPEU tsape hipauye Jerusalem lo akemi khunoqono pano yeghilo xuaphi keno tipaqo vilo pilo. Panonguno chuakelo thuthushi itha nani eno panonguno shoakelo khokhoshi itha nanike. Panoqo ghakhuye xalepinyi kumsa shive nanike kughengu tilau xuakemi kumtsuno ayezah hexakemike.

EZEKEL 25:4

Nonguno alokivi shiveke ghenguno ino kipelau asayeqha lo akemi pelo nongu leluve penani. Panonguno noghakhulo aphiki shipe qhi nani eno tilau acheuve nani. Panonguno nowu shikepushi akeu xathi chu nani eno akichhizu sho nani.

ACHINE 26:26

Nonguno achuqupu sughichekeu la ino hekha vetsu nani, tishi kehu totimi chighino asho khije aghikeno tipau shunike amiphoki lakhi likhi avehupu shinani. Panonguno tipau aphiphi shi ghi kije nani eno nonguno tipau chukhave pinamu nonguye muzuthi aniaphi.

ZAKINIU 28:33

Inagha shiayeh lakhino nonguno akaveshi tuxatini mlaphe puthu pua keu kumtsu luvetsu nani ikemu nonguye kiumu ithumla ke likhi kumono tamono nongu qodaqhi eno akijikusa pushi peitha nani.

ZAKINIU 28:50

Panonguno ayikusa shinani eno itimi lau na muchomi lau pinamu kimiyekeu kutilamu kuha nani.

ZAKINIU 28:52

Panonguno AMPEU Alhou no nongu tsuakeu yeghilo taun akeqo kumtsu leighi nani eno nonguno pukhupe akeu aliwo qhemghai putu puakeqo kumtsu ikiqive nani.