ZAKINIU 28:30 - BAIBEL (BSI)

³⁰ “Nonguno ilimi lakhi sasu kughupu kighini nani ikemu kutamino li sasu kulauve nani. Nonguno aki shipe qhi nani ikemu tile khilemu ngomo nani. Nonguno atsayilu lakhi chi nani ikemu tipau xathi khilemu chumo nani.

Sumi Naga CL (Re-edited) Bible (BSI)

³⁰ Nongu no anipu inisü nani, ikemu kütami no li shipüthave nani. Nongu no aki shipe qhinani, ikemu tile ngolumo nani. Nongu no atsailu chinani ikemu tipa xathi chumo nani.

ZAKINIU 28:30 Mawu Ofanana

SAMUEL AKINIU 12:11

Ino tushoqhi pi anike olikhi okibo dolono ino khami xukuthono oshou akupuna sughi tsupeni. Nono tileno ithi nani kughou ino onipuqo olauno ikhipesu timi kutami tsuve eno timi huno pucho mughu lono onipuqo sazuve penanike.

JOB 20:18

Pano mulaphelukeu phevemasa nani, eno paye ti munoqhimo nani. Pano lhidhi shi kelo alla shilu keu alokiqi shi peitha mla nani.

JOB 3:18

Akughumi ghi kumtsa iqunei ngolu cheni, panonguye akumla pichetsukemi sutsa chilu mae.

JOB 31:10

Inipu pelo kutami chuqupu kuto tsuwuve peniu, eno kutami pelo li sasu zuauve peniu.

ISAIAH 62:8

AMPEU no mutsumisheikeu shoqhi lakhi shike, pa kukano tipau shiwoni cheni: “Hinguno hilauye no xalothiye noghumi chuqupu shimoake eno inaghamiye notsayiji shomoake.

JEREMIYA 12:13

Iwu timiqono athi xusu ikemu alupi pekutsuluke; panonguno akaghashi mlake ikemu kiumu ithumlae. Iloghu kighide ghenguno pano tuxatini ghi pithimoveke.”

JEREMIYA 6:12

Panoqo kiye kutami tsuve nani eno panoqo luza ngo panoqo nipu ghi titoi tsuve nani. Niye hipau ghakhulo akemiqo ghimeqhini cheni.

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

AKUMLO 5:11

Zion totimi qoye kutamino sazuvetsu; Juda lo aphu akeqo kumtsulo ninga noqoye anguka lono shipusave tsuke.

AKUMLO 5:2

Niwu tinhemghaqoye inamiqono peauvae; inaghamino nikilo ngo auvae.

HOSIYA 4:2

Panonguno tushoqhi cheni eno tipaqo kubove cheni; panonguno miki, ghiqhi, puka eno salha cheni. Heqhi buqhi keuno alaushi ani eno ghiqhi heqhikeuno ghiqhi-heqhi pape auvae.

AMUS 5:11

Nonguno kumlhomi qoda cheni eno pano thi suxaluve cheni. Tighenguno nonguno atu pesu aki kivi shipuakeulo nonguye ngomla nani momu atsayilu kivi nonguno chipe puakeu lono atsayiji shomla nani.

MICAH 6:15

Nonguno athi xusu nani ikemu tipau ghile humo nani. Nonguno oliv lothi lono teli tsughu nani ikemu khilemu tipau peithalupemo nani. Nonguno atsayiji mla nani ikemu khilemu tipau sho pemo nani.

HABAKUK 3:17

Khughuthibono athi pithinike pu-move namu eno atsayibolo atsayithi ipeghimo namu, Oliv lothi pithimove namu eno alulo athi ipeghimove namu bheriqo kumtsu thikhave namu eno amshikilo amshi kuhave namu,

ZEFANIA 1:13

Pano wu kinikuluye xulepuwuve nani eno pano kiye kutsaleve nani. Panonguye panonguno shiakeu kilo khilemu ngomo nani momu panonguno atsayilu chiakeu lono mlakeu tsayiji shomo nani.”

ZAKINIU 28:31

Nomishi qoye nogizu lono ghiqhive tsu nani ikemu nonguye tipau shi kiumu chumla nani. Nonguno ju apulaghi nowu gadaha sunhe sawuve nani eno tipaqoye notsuchilemo nani. Nowu bheriqoye noghumi tsuve nani eno nongu kuphuni kemi lakhimu kuhave nani.