ZAKINIU 28:13 - BAIBEL (BSI)

¹³ AMPEU Alhou no nongu pelo ashiayehqo gholo sakiphemi shipe nani eno apapemi shipemo nani; nonguye pulhapujulo axukivishi anani eno khilemu tomovekeu shimo nani tiye nonguno amikucho shi pa yezah ishi tsalalo ino tsu akeu papelu keu lono tishilu nanike.

Sumi Naga CL (Re-edited) Bible (BSI)

¹³ Ishi tsala lo I no Ampeu zakütsü nongu tsü akeqo nongu no tsaqüi papelu aye, Ampeu no nongu pelo ashomhi kumono akütsü shipe nani, nongu ye iku nani kethono iqighimo nani,

ZAKINIU 28:13 Mawu Ofanana

IPEKULU 15:26

Pano ishi pi,”Ino khipaqo pesu achipiu kepi chenikeno tipau shikeu eno ino ahza tsukeu pelu aye ino Ijipmi shou akusu jeli sughikeu lakhimu pesu nongu ghimeqhimo nanike. Niye AMPEU nongu shipivi chekeuke.”

JEREMIYA 31:7

AMPEU no piani, “Israil, ashiayehqo gholo akijeu ghenguno alokivishi alephelo. Nonguno shekiqhe le phelo, ‘AMPEU no pawu timiqo xaluvae; khunoqo qhipuaghi keno pano xapheluvae.’

ZAKINIU 15:6

AMPEU no pano tushoqhive ketoi nongu kumghatsu nanike. Nonguno ashiayeh kutomo lau pisa puna nani ikemu nonguye kutami launo nakeu shimo nanike; nonguno ashiayeh kutomo shou qhasulu nani ikemu ashiayeh khunomu nongu qhasumo nanike.

ZAKINIU 26:19

Pano ashiayeh lhoqhi puakeqo kumtsu nguno nongu pesu akijeu shitsu nani eno nonguno akishe ngo agigihu pa jelo sughi nani. Pano tushoqhive ketoi nonguye pawu timiqo shi nanike.”

ZAKINIU 28:1

“Nonguno AMPEU nongu Lhou gholu eno pano ahza tsukeu ishi tsalalo ino nongu tsu akeu kumtsu amikuchoshi pelu aye pano nongu ayeghilo ashiayeh akeqo kumtsu nguno akijeu shitsu nani.

ZAKINIU 28:43

“Inaghami noyeghilo akemiqono alaushi muto kithe auve nani eno nonguye asheshino hau kitheve nani.

ZAKINIU 28:44

Panonguno nongu puna kepu pisa anani ikemu nonguye panoqo punalu kepu kiumu kuha nani. Ashekhaloye panonguno noshou ayehkipemi shive nani.

FILIPIAMI 1:27

Akhotono nongu kuxu gholalo Khristo tsakiviu ghenguno kiu akuzupu keno tipau shilo, tishianguno ino ighino nongu sasu kusholuna kushomla namu, nonguye amlo lakhi shipe puthugho akeu, eno atsakiviu kupulu ghenguno akukumsu lakhi shino pukaputsa akeu ipelo chilupelo.