ZAKINIU 27:15 - BAIBEL (BSI)

¹⁵ “‘Timi khuuno asu atu momu ayi pesu ajulho shisuno tipau mllani keno Alhou no musuini keu pa shou ani; AMPEU ye ajulho mllakeu mithi chenike.’ Eno timi kumtsuno khochileni, ‘Amen!’

Sumi Naga CL (Re-edited) Bible (BSI)

¹⁵ “‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

ZAKINIU 27:15 Mawu Ofanana

BOTHUBO 31:19

Laban ye pawu bheriqo amhi ghoniye wuve eno pakuha kelono Rachel no papuh wu aghatu pukasuwuve.

BOTHUBO 31:34

Rachel no aghatu pesu kemel shou akughuqa-a qholo kusuve eno tipaqo shou iqave. Laban no aphiki kumtsu lheju ikemu tipaqo ithumlave.

BOTHUBO 9:25

pano pi, “Kanan ye angsu shipeniu! Pa thikuzumiqo qeu shipeniu.”

KUKAMI AKINIU 17:19

Ikemu Juda lo kuami timiqo ghi AMPEU panongu Lhou yehza gholumoe; ipuzu panonguye Israilmi no peluvekeu khuayehqo haluve.

KUKAMI AKINIU 23:13

Josia no akukau Solomon no Jerusalem kipela kudau Oliv to chhiliu akumlla-a shikeu khipa-a lono aghuthikusu lhou Astarte, Sidonmi lhouliu, Khemos Muabmino mllachekeu lhou eno Amunmi lhou kumlla-a hipaqo kumtsu kughukughalei qhivetsu.

YEKIKITHI ATUGHIU 16:36

AMPEU shelo, Israilmi Lhou! Itehi eno pulhapuju pa shelo! Tishieno timi kumtsuno “Amen,” ipi kepushi AMPEU shelo.

YEKIKITHI AKINIU 33:2

AMPEU no pawu timiqo no azuu hawo ighikelo ashiayeh khunoqomi aghakhu lono hapheve keno timi tipaqono aphikumqhupu ghusho ghili shiche keu pape keu lono Manase ye AMPEU shou axine shive.

IPEKULU 20:23

Nonguye inguno alau kutau tsandiyi momu shunayi pesu aju lhouqo shipe qhipuzu mllanikeu shikevilo.

IPEKULU 20:4

“Nonguye atsutsulo akeu, ayeghilo akeu momu ayeghi qhou azulo akeu julho kiumu nongu ghenguno shipe qhimoni.

IPEKULU 34:17

“Ayino shikeu lhou mlape qhikevilo momu tipau mlla kevilo.

ISAIAH 44:13

Asu kumlau no asu mighiju cheni. Pano akiyepu pesu kughulhokeu hethapuku cheni, pawu kughakusu pesu chhuthaphe cheni eno timi ju koghe lono tipau shicheni, timi jukoghe aghile pushi tipau pesu pa kilo qhipuaniye.

ISAIAH 44:17

Tipausu tuxa pesu pano ajulho shisu eno tipau zulo itsaiqi pishiqhono mllae. Tipau vilo pano ishi inikhu, “Noye ilhouke, ixalulo!”

ISAIAH 44:19

Ajulho shisukemiye ishi pinikeu alokutsu momu kumsukulu kuhake, “Asu tuxaye ino sughu cheni. Amibalu lono ino asho pugha cheni eno ino ashi ghuno chuve cheni, Tipasu tuxaye ino ajulho shisuke. Niye asulu lakhi zulo itsaiqi pishiqho auvae!”

JEREMIYA 11:3

Ike ni AMPEU, Israil Lhou no hipau puloshoqhi lo akeu tsa papemokemi shou musuinikeu lakhi betsu ani.

JEREMIYA 11:5

Tishianguno ino pano puasu lau ashoqhi shipuakeu penikeu shike, tipau shoqhi ye - ino kinikulu eno aghuma kua yeghi panoqo tsunikeu shike, tipau yeghilo panonguno ngo anike.” Ino pi,”Iye, AMPEU.”

JEREMIYA 23:24

Timi lakhimu ino pa ithumlape nike itshukulupu shimlake. Niye kungugha ngo ayeghi shou aqha kumtsulo ani kepi nonguye mtha kesha?

JEREMIYA 28:6

“Akumzapuke! AMPEU no tipau shinikeu niye laju anike! Niye nono tungkuptsa pikeu kuchou shi pano shitsu penike niye laju anike, Babilon kudauno achinekilo akini pekutsu puakeu kumtsu eno timi khijehi akughumi shi sawuve keno tipaqo kumtsu sachile saghi penike.

EZEKEL 14:4

“Tighenguno panoqo putsalo eno ni, Akughushu MPEU no panoqo lau kiu piani keno pesu panoqo vilo pilo: Israilmi khuuno asu-atu julho kudau pa mlo tsuve puzu tipaqo pelo axinelo pa sailove peni keno tithiu tungkupu sasu kusholuniye ighini keno ilauno khokichile ithulu nani, tiye pa su-atu julho kutomo akeqono ithu lukuzupu qhemi khokichile tsu nani!

EZEKEL 7:20

Ghuthu lakhiye panonguye panowu achiku achila jukivi jupesu qheza cheke, ikemu tipaqo peitha puzu kuchhube kutsula julho shipeqhi cheke. Tishike ghenguno AMPEU no panoqo pelo pano kini kulu jupesu aphimuqhu vepeke.

DANIEL 11:31

Pawu ghushimiqo dolo khamino achineki lono shipixi keu kumla shi nani. Tsala kipetsu ghiqhino mllachekeu lakhave tsu nani eno tilehi Jukikichipu qhitsu nani.

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

ACHINE 19:4

“Iqhive puzu ajulho mlla kevilo; ayi pesu alhou julho shipuzu tipaqo mllakevilo. Niye nongu Lhou AMPEU ke.

ACHINE 26:1

AMPEU no pike, “Ajulho momu timi julho, atu tsukucho momu atuqo yetha peqhi eno mllanikeu shikevilo, niye nongu Lhou AMPEU ke.

AKIKIHI 5:22

Azu hipauno opolo ilono inguuve peni eno ololo alhoa hu sukutsu luve peni.” Topumi huno khochileni,”Ino pulo ani; AMPEU no titoi shipeni.”

MATTHEW 24:15

“Akuighupu kutsakungo keu khikhi Danel tungkupuno pipuani keno tipauno akimthe-alo puthugho aghikeu nonguno ithulu aye, (phi akeuno hipau kiqiye kiu keno ithi kututa shilulo),

MATTHEW 6:13

Ghukujulo ningu sailotsu kevilo, ikemu Alhoksau launo nixaphetsulo.

1 Kor. 14:16

Kughengu nono angu-ghalo likhino Alhou shikimithi aye, kuho kuami inapughami lakhiye nono kiu pianikeno mthakeloye kishino “Amen” ipi nono shikimthi akeulo pikuqhaluni kya?

ZAKINIU 27:14

Levimino ighamuku atsa hipaqo pilo:

ZAKINIU 29:17

Panoqo wu aphikumqhupu julho asu, atu, tsandiyi eno shunayino shikeu nonguno ithuluvae.

ZAKINIU 4:25

“Nonguno aghakhulo ngolukeu ado kushuwa shiveno atianuli eno atilimi auve namu kiu kiu koghe lonamu khilemu nongu sala ajulho shipe qhipuzu axine shikevilo. Tiye AMPEU zulo alhoksake eno tipauno pa pelo axuideve penanike.

ZAKINIU 5:8

“‘Nonguye atsutsulo akeu momu ayeghilo akeu momu ayeghi qhou azulo akeu julho khilemu shipe qhikevilo.

ZAKINIU 7:25

Panoqo su-atu julho pitivetsulo. Panoqo shuna momu tsandi pepu aghikeu jumine kevilo eno nosala tipau lukevilo. Nonguno tishi aye tipauno nongu meluve nani kughengu AMPEU ye ajulho mllakeu mithi chenike.

XAKUTHAMI 17:3

Pano pisa hu pesu paza tsuchile kelo lino pi, “Ghushokeu ngusu inu shou ikupemo nike ghenguno, ino tsandiyi hipaqo pesu AMPEU lau tsuve ani. Hipau pesuno asuno shikeu lhou tsandiyino nhape qhikeu shilu peni. Ino tsandiyi muno hipaqo pesu otsuchileve ani.”

XAKUTHAMI 17:4

Tishino pano tipau paza tsuve. Eno lino tsandiyi muno 200 pesu ayi kumlami lakhi pelono ajulho lhou asu pesu mlano tsandiyi no tipau khikha penike tsuveno tipau pesuno Mika kilo qhipuave.

SAMUEL ATUGHIU 26:19

Akijeu, ino kiu pinikeno ti inijutsulo. Tsala AMPEU no oxukideno imithi aghi aye akumllagho pa lau tsukeu vechewono pa mlo kililu nani; ikemu tsala timino hishi aghiaye, AMPEU loghu panoqo shou ikughipeniu. Kughengu panonguno AMPEU yeghi lono ihapheveno ipelono inami yeghilo inami lhouqo likhi mllaluvepe kepu shi vetsu anike.