ZAKINIU 25:5 - BAIBEL (BSI)

⁵ “Athikuzumi mikini aki-alu lakhi kumtsa xuache puzu milakhiye anu shimono thive aye pa nipu achimeu huye abolomi nguno kutami sasu kulawuve pekepu kumoke; akithiu thikuzuu kumlapu sajeye li sasu kughuna kepuke.

Sumi Naga CL (Re-edited) Bible (BSI)

⁵ “Athiazü kini kümtsa aki lakhi lo xüache no milakhi no anu shimono thive aye, pa nipu achimeu huye abolomi nguno kütami sasü küla moni. Akithiu thiküzüu no anipu shi li valuve no akithiu kümlapu saje shini.

ZAKINIU 25:5 Mawu Ofanana

BOTHUBO 19:31

Ike anga anoghiuno ayitiu vilo ishi pi, “Nikujo papuh ye muchomi shiwochea eno ayeghilo timi lakhimu ningu lau ighi puzu timi kuxu ayehlo shichekeu toi shiluni chemova.

MATTHEW 22:24

ishipi, “Kutsuchekeu, Muse no pikeuno, ‘Timi lakhino atianuli kuhano thive aye, pa thikuzuuno pamu nipu achimeu hu sasu kughuna masae, tiye akithiu ghenguno atianuli lhophetsulu kepushi.

Mark 12:19

Ikehu panonguno Jisu vilo pi, “Kutsuchekeu, Muse no ayezah hipau nighenguno yepuatsu ke timi lakhino anipu lupuzu atianuli shimono thive aye, pa thikuzuuno pa nipu lumayesa, tishianguno thivekeu jelono atianuli lhophe tsukepu shini kehu.

Luke 20:28

“Kutsuchekeu, Muse no hipau yezah yehpe nitsu puani, ‘Timi lakhino anipu lu puzu atianuli kuha ikemu pano thive aye, timi tipau thikuzuuno anipu tipau lumasae, tishianguno pama tianuliye akithiu ti anuli ipi kukepushi.’

RUTH 1:11

Ikemu Naomi no pi, “Idewovelo, ninga nokujo ! Kushiye nokujo ye igholo wuniepi ani kya? Ipo lo anuli aphianguno pe nokujo kimi shilupe kepuonomu?

RUTH 3:13

Putho shi aphi kutolo hilau ngovelo eno thanauno timi huno ovalu nikeu pulo anikeo mokela inijuni. Pano ‘alo’ ipi aye ta, ikemu pano mopiaye ino ovaluni putsa pi AMPEU je lono tushoqhi anie. Inaqhe kuto zu aghilo.”

RUTH 3:2

Hi ithilo, Boaz ye nisholokumi ke, nono pa qelimi sasu mula aepi kehu. Julo, pa ye thohu pa niqalo athilo amu-u qhi anicheni.

RUTH 3:9

“No khuu kya?” ipi pano iniju kelo Rut no pi, “Oqeliu ni Rut kewa! Nono asholokumi kehu eno ivalu kuzupu shi anikehu, isasu kulawunima pi anikewa!”

RUTH 4:5

Tile Boaz no pi, “Naomi lau no alu qhuke tsala lono akithiu nipu Muabliu Rut ghi owu akeo! Tishi anguno alu hu akithiu mheghi shi pualu kepushi.”