ZAKINIU 21:22 - BAIBEL (BSI)

²² “Heqhi buqhive keu ghenguno milakhi pithive aye eno pa kithi kumo atsukucholo tshuqhi aye

Sumi Naga CL (Re-edited) Bible (BSI)

²² “Timi lakhi no akithipu kipimi shive no nongu no asübo lono pa tshüqhi pithive aye,

ZAKINIU 21:22 Mawu Ofanana

BOTHUBO 40:19

Hinguno atsala kuthulo, Farao no osa ighipe puzu okutsu michevepe nani eno okughape asubolo tshupe tuthuijunai qhive nani eno aghauqono oshi mighi nanie.”

SAMUEL AKINIU 21:10

Tishive kethiu Saul nipu amshiu Rizpa, khuu Aia ngakeno, lino yeqhiyephi no atu shou apusho shino khile akithi kumo saghi qhipuakeno tipa alo ngolu eno tipa alo liye ghile tusho lono wo tuqu tsutsughu ighimoke kutolo tile ngoche. Puchou aghauno akumo mighi niye ighi aye haveche eno putho lono aghalo tughashino akumo luvenosa kehu tishi khecheke.

SAMUEL AKINIU 21:6

Tighenguno pa tikughuko kiptimi tsuni niulo phesu tsulo, tishi aye AMPEU nhekithe lono, Gibea, khikhi AMPEU no kishephetsukeu Akukau phughi keno tipa alono nino panoqo tshuqhi pithiveni.” Akukauno khochile, “Ino tipaqo nongu ulo phesutsu nani,”

SAMUEL AKINIU 21:9

David no hipaqo kughapesuno Gibeon lo timiqo ulo phesuvetsu eno panonguno AMPEU zulono panongu kumtsu tshuqhive ikehu pano tsuni kumtsa thikuqhae. Ghixu tusho ashekhalau eno ashothi ghile hukuthu shi akelono hipaqo kumtsu pithikhaveke.

SAMUEL AKINIU 4:12

David no tishi no ahza tsuve eno paw ghushimi no Rekhab ngo Bana pama u eno apukhu michepeve tsuno Hebron lo azukhe phivilo pufuqhi vetsu. Ikemu panonguno Ishboshet kutsuye suwo Hebron lo Abner kumo phivilo shiqhovetsu.

AKIKIHI 25:4

Muse vilo pi, “Israilmi sakiphemi kumtsu salulo eno ighokulu shi pucho mughu lono panoqo ghiqhivelo, tithiuno niye timiqo lau agha ide kithemo nanike.”

MATTHEW 26:66

Ike nonguye kishi kumsu ani kya?” Panonguno ishi khochile, “Paye kuquvae eno paye thive masae.”

Mark 14:64

Pano Alhou shou kixikilatsa pikeu chiluvae. Nonguye kishivenipi kumsu ani kya?” Panongu kumtsuno paye thivekuzupu kepi pa kileqhi auve.

Luke 23:33

Kughou panonguno Judami tsauno a-a lakhi “Aboghe” ipikeu tokeno, panonguno Jisu Kros lo yedave eno alhoksa kumlami pama ghi lakhino Jisu ajeu kudau eno lakhino piyiu kudau shighi yedape qhi.

Apostolmi 23:29

Ino phulukeuno pa kughape pithivekepu momu akughu shikuzupu kiumu shipuaghi moe, ikemu panoqo yehtsa vehu ghenguno pa ngukuakeu ke.

Apostolmi 25:11

Ino ayezah hephove puaghi eno thive kuzupushi mla puaghi aye, niye tipau lono poluvepe nikeu khuamoe. Ikemu panonguno ingukube akeulo kuchou kumo shi aghiaye, timi khumu ikughape panoqo ulo suvetsumlae. Niye Rom kukau Kaisar launo xathanikeu khuani.”

Apostolmi 25:25

Ikemu ino phujukelo paye pithive kuzupu kiumu shipe puamoe. Rom kukau Kaisar pelo pa tsa xathatsupelo pi pa ampino khuke ghenguno pa puwunikeu ino xathave tsuae.

Apostolmi 26:31

eno panongu ixawo chekelo lakhino lakhi vilo ishi pi, “Timi hipauye akithipu ke kumono akughu mu shikepu kiumu mla puamoe.”

ZAKINIU 19:6

Aphughi lakhi likhi aghi aye tipaulo powuni keu ala kushuwa shi aghiluvi eno amukhu luni kemi asholokumi pano sholokumi pithive tsukeu ghenguno hasusu ighieno timi tipau kughaluve nanike eno pa mlo kighide launo pimimo kemi pithive nanike. Kughengu paye kutungulu keu lono pa ghumi kumomi timi pithive kethono kutau lono kumoe.

ZAKINIU 22:26

akiptiu likhi pithivelo, ayiliu shou kiumu shikepu kumoke kughengu liye thive kuzupu xine shipuamoe. Hiye timi lakhino kutami lakhi hekuluqhive puzu pa heqhi pithive keu tsakughapu sasu aphiphike.

JOSHUA 10:26

Tithiu Joshua no akukau pano pungu kumo avela kutolo tishi pua.

JOSHUA 10:27

Tsukinhe iloveke thiu Joshua no panongu kumo kuqhope panongu puzuu itshu akeu tukilo vesuvepe. Atu kijeje pe ikulolalo mikeve eno ishi kutolo tishi acheni.

JOSHUA 8:29

Pano Ai kukau asu lono tshuqhive eno avela kutolo tishi puave. Tsukinhe ilove kemtsa pa kumo ikhiqhi penike Joshua no ahza tsu eno pesu pano phughi liwo khagho lo vesuvetsu. Panonguno atu kutomo kiche kumqo pe pa kumo shou bevetsu eno ishi kutolo tishi ani.

SAMUEL ATUGHIU 26:16

Noye okumlalo tomovae, Abner! Ino xukuau AMPEU jelono tushoqhi pi anike nongu kumtsu thive kuzupu shiae, kughengu nonguno nongu mpiu, khuu AMPEU no akukau shitsukeno tipau khemoe. Julo! Akukau wu angu khile ani kya? Azubohu pa kutsu kumkhu phivilo akeu khile anikya?”