ZAKINIU 17:20 - BAIBEL (BSI)

²⁰ Hipauno paye pa kusami Israilmi nguno akiviu kepi kumsu pemo nani eno kiu lomu AMPEU no ahza tsukeu hebide pemonikeu shi ngolupe nanike. Tileno paye ampe kutomo ayehpelu nani eno pa polo kughukomi tiqheli kutomo kutolo Israil lo ayehpelu nani.”

Sumi Naga CL (Re-edited) Bible (BSI)

²⁰ eno pa mlo ye pa thiküzümi nguno akuchuquu shi kümsümo eno Ampeu no azah tsükeu lono ajeumu piyiumu tsüghüve monani. Pa eno pa kibolomi ye ado kushuo pa kükaqha lo ayepelu nani.

ZAKINIU 17:20 Mawu Ofanana

SAMUEL AKINIU 22:23

Ino pa yezahqo kumtsu pelucheni; niye pa zahkutsuqo hebide chemoe.

KUKAMI ATUGHIU 11:34

Ikemu niye Solomon launo akukaphu kumtsu ikhisuwu tsumoe, pano xuake kutolo pa pelo kalu peni. Hi shi akeuye iqeu David, ino kishephelu eno khuuno izahkutsu eno iyezahqo aghokulushi pelukeno pa ghengunoke.

KUKAMI ATUGHIU 11:36

ipuzu Solomon nu pelono alagha lakhi shou kalupeni, tishikeu vechewono iqeu David lagha lono ikowokeu pelono Jerusalem lono imlla peniye ino kisheluve akeno tipau shou ayehkipeu shilupenike.

KUKAMI ATUGHIU 15:3

Pa pu toi pa ghi axine shive pasu David toi aghokulu shimono pa MPEU Alhou hekibidemi shive.

KUKAMI ATUGHIU 15:5

AMPEU no hi shikeuye David no pa pulou shitsu khilemu pa zahkutsuqo hebidemoe Uriya Hatimi lau thono.

KUKAMI ATUGHIU 2:3

AMPEU oLhou no kiu shilopi ahza tsunikeno tipau mlalo, Muse yezahlo yepuakeutoi pa yezahqo eno ahza kumtsu gholulo, tishiaye nono khilekhile wumu, nono mlakeu thime kumtsulo kupukuno shilu nani.

KUKAMI AKINIU 10:30

AMPEU no Jehu vilo pi, “Nono Ahab laghaqo lau ino shinishi aketoi mlatsu. Tighenguno olaghaqo pelono tiqheli abidiu kutolo Israilmi shou akukau shilu peni.”

KUKAMI AKINIU 14:10

Ike Amazia, nono Edommi shou toluvepi noye qhezakeuno chhitoi ani. Tighenguno ojekipi huno lukumkha shiveno inaqhoi akilo alo. Kushiye noye akupuna xukutho anikya? tiye olau eno owu timiqo lau shikupsa sughinikeuke.”

YEKIKITHI AKINIU 25:19

Itehi Amazia no Edommi shou toluve kepi qheza anie ikemu ino akukutsu tsa otsu anike akilo ngoauvelo. Kushiye oshou eno owu timiqo shou likhi kutsakungove kepu kukupuna xuputho ani kya?”

YEKIKITHI AKINIU 26:16

Ikemu Akukau Uzia no mutotoive keulo paye qhezauve tipauno pa xakuluqhi kepu shive. Paye pa Lhou AMPEU phimo puzu Achineki lo tsungqui ta kiptia shou tsungqui ta pitiniye shike.

YEKIKITHI AKINIU 33:12

Pa ghimeqhi akelo paye akumtsha shi chuni iqighive eno AMPEU pa Lhou vilo kuphu penike ghenguno qhuinijuke.

YEKIKITHI AKINIU 33:19

Akukau no inikhu keu eno Alhou no tipau khochile keu eno pano xaideighi mphi lo axineqo shipe puakeu, tiye pano alhoksa kumla shikeu, asu-atu kumlla-a eno Ashera julho pano shikeu eno ajulho pano mlla chekeu kumtsu Tungkupmi Xughili lo yekike puani.

YEKIKITHI AKINIU 33:23

Ikemu paye papu no chuni iqighive keu toi shimoke eno AMPEU lau ideighimo ke; paye papu no shiche keu nguno alau shi axine shiveke.

YEKIKITHI AKINIU 34:27

nono izulo xaidelu puzu chuni iqighike, ino Jerusalem ngo tile akemiqo ghimeqhini keu shi shikumsa keu nono chilu puzu ophimini suxuveno mloqah ke. Niye okighini chiluvae

LESHELE 119:102

Niye nono kutsukeu kughuchove moe, kughengu no ampino ikukutsuuke.

LESHELE 132:12

Onuliqono iwu puloshoqhi pelu aye, eno ino ahza tsukeu panoqono pelu aye pano nuliqo ghi pulhapujulo opapesu akukau shi-ghi oqhusulu nani.”

LESHELE 19:11

Tinguno alauno, tipaqono ni oqeu ghutu tsu cheni; tipaqo pelukeulo ajume kije ani.

AHOLE 10:27

AMPEU gholulo eno noye axushu nani. Kixikilamiye akithido tomphi lono thive cheni.

AHOLE 27:24

kughengu kinikuluye alholo achemo nanike. Ashiayeh ghi alhokupujulo auve chemoe.

YETSAPIU 8:13

ikemu kixikilami ghenguye alokepu shimo nani. Panoqo kuxuye yekukhu lakhi toike eno panoqoye lhothemi shi aphi lono thive nani, kughengu panonguno Alhou gholumoke.”

ISAIAH 2:12

Tipa tsalanino aqokitikhi MPEU no akuka kumtomi eno chuqumughai xuchekemi ngo aqhekuzami eno kumobeyi chekemiqo aqhokighepu shivetsu nani.

HABAKUK 2:4

Atsape huye hike: ‘Khunoqono alhoksa keno puxumo nani ikemu khunoqono amikucho keno xulu nani kughengu panonguye Alhou lau amikucho shi achenike.’ ”

2 Kor. 12:7

Piyekusu akumzapu jeli ipiyekeu pesu ino qhezauve nosake launo iphi ashilo akusupu lakhi supuatsue, tino Satan ghinimi lakhike eno tino iheqhipeniye eno ipelo ihulo qheza pemoniyeke.

ZAKINIU 12:25

Nonguno ahza hipau gholu aye AMPEU no amlo qi nani, nongu eno nongu polo kughukomi ghenguno kumtsu akivipu shinanike.

ZAKINIU 12:28

Ino ahza nongu tsuvekeu thwokha amikuchoshi pelulo, nongu eno no polo kughukomi ghenguno alhokupujulo akivipu shiche nani kughengu kiuno achipi keno eno kiuno AMPEU nongu Lhou lopu keno tipau shi luni ake.

ZAKINIU 12:32

“Ino ahza nongu tsukeu thwokha shilo; tipaulo kiumu sukupha kevi momu tipau lono kiumu ikhive kevilo.”

ZAKINIU 17:11

Panoqono kughathatsu keu lulo eno shilopikeu apasu shi papelo.

ZAKINIU 4:2

Ino nongu lau kiu yezah tsuve akeno tipau shou kiumu kupha momu ikhive kevilo. AMPEU nongu Lhou zah kutsu ino nongu tsuvekeu gholulo.

ZAKINIU 5:32

“Israilmi, AMPEU nongu Lhou no ahza nongu tsuvekeu thwokha kumtsu shinikeu mutsuqhei shilulo. Pa yezah lakhimu ghobide kevilo.

ZAKINIU 8:2

Wovekeu mpe hi lhobidi kutolo AMPEU nongu Lhou no nongu sasu asayeqha vechewo ado kushuwa itsuchekeu kumsululo, tishi chekelo nongu pejunike shiluksa puwu cheke tishianguno nonguno kiu shiniye kumsupu ani keno pano ithinike eno nonguye pano ahza tsukeu papelu nani kemo keno ithiniyeke.

1 Peter 5:5

Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”

SAMUEL ATUGHIU 10:25

Samuel no timiqo vilo akukau lakhi chipiu eno kumlapuqo pesu kishekulu pitsu eno tipaqo ghili kaku lakhilo yesuvetsuno akimithe-a lakhilo kutsupe qhivetsu. Tishive kethiu pano panoqo kumtsu akilo wove pe.

SAMUEL ATUGHIU 15:23

Pa ghobide keuye atumu sasu aphiphie, eno amlo kumka huye ajulho mllakeu xine sasu aphiphie. Kughengu nono AMPEU zahkutsu milive kehu pa ghi okuka kishi milivae.”