ZAKINIU 15:9 - BAIBEL (BSI)

⁹ Kiuala pa puna nikeulo milive kevilo, apiashe qhivetsu nikeu mpe kupunu wochea kepi pa milive kevilo. Akukumsu lhoksa tikithipu nongu kukumsulo iloghipe kevilo. Nonguno punani keu milive aye pano nongu nguku ghi AMPEU lau ighamuku nani eno nonguye angsupu shive nanike.

Sumi Naga CL (Re-edited) Bible (BSI)

⁹ Mthamini kixikila kükümsü nongu lolo iloghive no, ‘Ampe akütsüniu, apiashe qhikütsü mpe kupunuvae,’ ipi no amlo alomo qhiyi no thiküzümi akumlhou juno kiumu pa tsümove nosae. Pa no nongu küla ghi Ampeu lau ighamku kelo nongu ye akipimi shive nani.

ZAKINIU 15:9 Mawu Ofanana

JOB 34:28

Eno panonguno kumlhomi pelo ighamuku susu Alhou lau ighipe kehu, Alhou no kumlhomi no ighamuku akeu chilu tsue.

LESHELE 101:3

khilemu alhoksaye palokutovemo nani. Niye Alhou launo tsughu susu wuvekemi ghushoghili mithi cheni, niye panoqo sasu kumtsa mlakepu kiumu kuhae.

LESHELE 12:5

“Ikemu itehi niye ithughiniae, kughengu kumlhomi akijiksa shiakeqo eno ichhe-ime ake qono shishe igha-su auvae; Panonguno laju aketoi ino panoqo sushope qhinie,” ipi AMPEU no pi.

LESHELE 9:12

Alhou ye shiluksashi akemino ighamuku keu kumsuma chemo, Alhou amukhu kuluuye panoqo kumsulu acheni.

IPEKULU 22:22

Chimemi momu mighimgha lakhimu peitha pusa kivelo.

IPEKULU 22:23

Nonguno tishi aye panonguno kuphu lepi ighakeu lo ni, AMPEU ye panoqo tsa inivetsu nani,

IPEKULU 3:7

Tileno AMPEU no pi, “Ijip lo iw timiqo kishi ayikusashi peitha anikeno niye ithuluvae; panoqono aqemi heqhikemi launo hakholuve tsulopi ighamuku keu ino chiluvae. Panoqono ichhe ime akeu kumtsu ino ithi ani,

AHOLE 14:21

Nono alokivi shinishi aye kumlhomi kimiyeqhiyilo; timi jumithi keuye axineke.

AHOLE 21:13

Kumlhomino ighamuku keu initsumo aye okuphu peniye ighamuku keu chilutsumo nani.

AHOLE 23:6

Michhimighi kemino chuchekeu-alo kuchukusho shikevilo momu pano achuqupu kivi kutope qhitsukeu mihemza chukevilo.

AHOLE 24:9

Kiu kiumu kughuzumino kughupe aghikeuye axinepuke. Timi khuno kiumu kumoamu kutami likhi jukunatha cheni keno timi kumtsuno pa mithi cheni.

AHOLE 28:22

Alikhi asala phukemiye paikhavino kinimi shiveniaye kelono aquaghano pa shou ikughive niaye akeu ghi mthave cheni.

AHOLE 4:23

Nono kishi kumsu cheni keno jukutokughoilo; okuxuye akukumsuno ghophe cheni.

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

JEREMIYA 34:14

ampe tsuninilo panonguye Ibrimi khukhumu ampe tsugho panoqo qevekemiye phepuwuveni keu pike. Ikemu nopuasuqono ilau amlo tsuqhiyi keu kuha momu ino kiu pikeno tipau initsumoe.

MATTHEW 15:19

Kughengu timi mlo lono alhoksa kukumsu ipeghi puzu ghiqhi chenipe, kutuqhakile chenipe, salha chenipe, puka chenipe, akimki shepe shichenipe eno kutami xishi chenipe.

MATTHEW 20:15

Ino pisa akeu pesu kiu shinishi keno tipau shipemoni kesha? Ikeo, ino alokeu shike ghenguno onheshuve kya?’ ”

ZAKINIU 15:1

“Ampe akutsuniu ashekha shi akelo nongu piashe puaghi keu kumtsu qhi khavetsu masake.

ZAKINIU 24:15

Ghulo lakhilo tsukinhe ilomphi lono tipa tsala jume pa tsuvelo; paye pisa avehupu shi anike eno tipau ithulunike khe anike. Nonguno pa tsumo aye pano AMPEU lau nongu ghenguno ighamuku pinani eno nonguye axine shive keu kuyiqu shive nani.

ZAKINIU 31:10

Pano panoqo lau ahza tsu, “Ampe akutsuniu ashekha lau apiashe qhive tsukeu mpe veho ighike kumtsu Apusho Pine lo ighono ighaghi hipau phisulo.

James 4:17

Tishiaye, timi khuno achipiu kiu shikepushi anikeno ithi puzu tipau shimo nikeno tiye pa ghenguno axineke.

James 4:5

Momu kuchoyesulo, “Alhou no angu-agha nilolo qhitsukeuye anheshuqhiyi kumsukutu keu chhitoi acheni,” ipi puakeuye kumukumo kughashi kesha?

James 5:4

Ikemu khunoqono nongu lulo ghile hutsukeno tipaqo jume nonguye khilemu tsuchemoe. Panongu ghugha inijulo! Nongu lulo ghile hutsukemiqo ghughaye Aqokitikhi Mpeu kini tovae!

James 5:9

Athikuzumiqo, nongu lakhino lakhi shou muchho kevilo, tishianguno Alhou no nongu shou kughathabemo nani. Julo, Kughakuthauye ahukikhalo puthugho ani.

1 Peter 4:9

Nhenheshimono nongu kilo lakhino lakhi sasu kilelo.