ZAKINIU 14:1 - BAIBEL (BSI)

¹ “Nonguye AMPEU Alhou wu timiqoke. Tighenguno thivekemi ghenguno nonguno mloqa kevilo, kutamino shicheke toi noshi ghale momu nokutsulo asa agizuu akeu miyele kevilo.

Sumi Naga CL (Re-edited) Bible (BSI)

¹ “Nongu ye Ampeu nongu Lhouw nuliqo ke. Kithimi ghenguno nongu kütsüsa miye moni.

ZAKINIU 14:1 Mawu Ofanana

BOTHUBO 6:2

Alhou nu noqono totimi hipaqo ithulu eno juvi aghi kelauye, panonguno lunishikeu kishe sawo anipu shie.

BOTHUBO 6:4

Tipau ghulokilo ghi tipathiu ghi ayeghi shou timi kuloghiqo acheke, panonguye Alhou nunoqono timiqo nga sasu zuke lono punuke nuliqoke, kha-ghilo panonguye aghutomi eno aje kipimi ke.

KUKAMI ATUGHIU 18:28

Tileno tungkupumiye ighamuku inikhuthu eno azuta ngo azutachi pesu panongu philo aji qoipeghimoke kutolo ghapuku ae, tiye panongu chine khuayeh kiqi lono tishi shi ae.

ISAIAH 63:16

Noye nipuke. Nipuasu Abraham ngo Jakob ye nimthake ikemu no nipuh AMPEU ye pulhapuju nixaphelu achenike.

JEREMIYA 16:6

Hipau yeghilo kinimi ghi kumlhomi ghi thive nani, ikemu milakhinomu panoqo kumo shiqho momu panoqo ghenguno qani mlomo nani. Timi khuumu amlo kusa shi akeushi ashi aji ghalekeu momu akutsusa miyevemo nani.

JEREMIYA 3:19

AMPEU no pi, “Israil, niye opesu inu shipenishike eno ayeghi kivi otsunishi ani, ayeghiqhalo ayeghi jukiviuke. Niye opelo apuh kepi iku penishike eno ilauno khilemu tsughusu wuve penishimoke.

JEREMIYA 31:9

Iwu timiqoye qasusu ideighi nani, ino panoqo sachile wochekelo inikhu ghi ighi nani. Aghokiti kudau ino panoqo kichepiye nani, panoqo pelo kupuxalumo kepu alaghi kumdulo sawu nani. Niye Israil lau apuh lakhi toike, eno Efraim ye inu akichiuke.”

JEREMIYA 41:5

Shekhem ngo Shilo eno Samaria kudauno timi lhotache ighive. Panonguye panoqo kichi mhi miyeve, panoqo phimini suxuleve eno pano likhi panoqo phi au kiheleve. Panonguye Achinekilo akumllagho tsunike athi ngo tsungquikeu ta pesu cheke.

JEREMIYA 47:5

Gaza lo akemiqo shou amlo kusapu kije ighivae, eno Ashkelon lo akemiqoye inaqhoivae. Filistiya halau akeqoye khitotohi muloqa anani kya?

HOSIYA 1:10

Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

ACHINE 21:5

“Achinemi khuumu pa kutsusa miyevemoni momu pa kichimhi tsave momu pa philo ashi ghale puzu mloqakeu piyekeu shimoni.

John 1:12

Ikemu khamiye ikhilu eno pa shou pulubeke, ike tipanoqo pelo Alhou nuli shikulupu kuka pano panoqo tsue.

John 11:52

panoqo ghengu likhi kumo ikemu Alhou nuliqo apanagha akeqo kumqo sawo lakhi shinikehue.

Rommi 8:16

Alhou Ghungu mpino ningu nguagha sasu kuqhalukeu lono ninguye Alhou nuliqo kepi ashepe tsu cheni.

Rommi 9:26

Khipa-alo panoqo lau ‘Nongu ye iwu timi kumoe’ ipi puani keno, panongu pesu ‘Akuxupu Lhou nuliqo’ ipi kunie.”

Rommi 9:4

Panonguye Alhou no kisheluvekemi Israilmi ke. Pano panoqo pelo pa nuliqo shilupe, panoqo pelo pa jukuvu kusajepe, panoqo sasu pawu puloshoqhi shi eno Ayezah panoqo tsue. Panongu gholo kuchou shi Alhou mllakeu ani, panonguno Alhou no piqhikeu ithulu.

Rommi 9:8

Hipau kiqiye alhoayeh lono atianuli punukeu huye Alhou nuliqoke kumoe, ikemu Alhou no piqhipuakeu shikupu ghi ati-anuli punukeu huno kuchou polo kughukomi kepi kihiniae.

2 Kor. 6:18

eno ino nongu paPuh shive nani, nonguno inuliqo eno ingaqo shive nani, ipi Akughushu Mipeu no pike.”

Galatiami 3:26

Kughengu akupulu vechewo Jisu Khristo gholo kimepe akeu lono nongu kumtsu Alhou nuliqoke.

ZAKINIU 13:18

tiye panonguno ishi tsalalo pano ahza tsukeu kumtsu ino nongu tsukeu nonguno papelu eno pano shilo pikeu shilu aye, tishi tsu nanike.”

ZAKINIU 32:6

Hikithipushi nonguye AMPEU peitha kepu kesha? Nongu aghuzunikha eno putokeu kuhakeqo. Paye nongu papu, nongu Pulhokusuu, pano nongu pesu ashiayeh lakhi shitsue.

1 Thes. 4:13

Athikuzumiqo, kithimiqoye kishive akelapi nongu pelo mthano apenishimo kelauno hi pithilu ani, tishianguno lajupu kuhakemi kutamiqo toi mono nonguye amlo kusa shipemo niyeke.

IBRIMI 2:10

Alhou no thwokha lhophe eno heju acheni, pano Jisu pelo aghimeshi keu vechewo kupukulu shipe keu tiye achipike, tishianguno anu kutomo saghi puzu pa kimthe jekipi kusaje peniyeke. Kughengu Jisu likhino xakulupu kudau panoqo sawutughiuke.

1 John 3:10

Alhou nuli ngo Tughami nuliqo dolo kutuqu akeuye hipau lonoke: khunono achipiu shi chemo keno Alhou laumi kumoe eno khunono athikuzumi kimiye chemo keno tipaqoye Alhou laumi kumoe.

1 John 5:2

Kughengu ninguno Alhou kimiye eno pano ahza tsukeu pelu nikeno ninguye Alhou tianuliqo kimiye cheni kepi nino ithi cheni.