ZAKINIU 12:6 - BAIBEL (BSI)

⁶ Tilehi nonguno aghashikeu piti pesu mllalo eno nongu wu kutau aghashikeu gho nowu chighi saje akumllagho, nonguno AMPEU lau tushoqhive keu gho, nowu puloniqhiyi keu gho eno nowu amshi ngo bheri piti tughiuqo pesu mllalo.

Sumi Naga CL (Re-edited) Bible (BSI)

⁶ Nongu no now akipti kümllagho, aghakishi kümllagho, chighi saje, pulokini kümllagho, ashoqhi kümllagho, kümsagho, eno amishi ngo ambe piti tüghüu kümllagho kümtsü tilau no mllani.

ZAKINIU 12:6 Mawu Ofanana

YEKIKITHI AKINIU 31:14

Levimi Imna nu Kore no Achineki Kipelau Khagho lo Ghukhemi atou shiche keuno AMPEU lau agho sughi keu ikhilutsuni keulo eno kije pesu tsuni keulo ampi shike.

YEKIKITHI AKINIU 7:12

AMPEU no putho lono pa lau ipeghi. Pano Solomon vilo pi, “Ino okukhu kighini chiluvae eno Achineki hipau lono ilau aghakishi mlla penikeu a shi ino ikhiluve tsuae.

EZRA 3:2

Alhou wu timi Muse Yezahlo yepuakeu toi Jehozadak nu Joshua no pa kusami achinemi sasu eno Sheltial nu Zerubabel no pa laghaqo sasu Israil Lhou kumlla kiptia mlave eno tipa shouno piti kumllagho pe tsuve.

NEHEMIA 10:36

Ninguno anu anoghiu sasu Achinekilo achineu lau sawuni eno tilauno Ayezahlo shilo pipuakeu toi Alhou lau ikhiphepe akimtheshi tsuni. Ninguno nimishino ati piti tughiu eno niwu bheri momu ane piti tughiu ghi pesu akimtheshi ikhiphetsuveni.

NEHEMIA 10:39

Israilmi ngo Levimino athi, aji eno oliv teli qhalukeu pesu Achinekilo khilehi ali nhemgha qhicheni eno khilehi achinemi akumla kishimi acheni, Achineki khemi acheni eno Achinekilo alekiphemi chebo shicheni keno tipa-alo anhemghabolo pewuni. Ninguye ni Lhou ki kughuchovemo nani.

LESHELE 116:17

Niye shikimthikeu kumllagho lakhi pesu otsuni eno ikighini pesu otsuni.

EZEKEL 20:40

Aghakhulo, iwu akimthe naghuto, ti Israil lo naghuto akuchuquulo nongu Israilmi kumtsu no imlla nani. Niye nongu lau ilokiqi anani eno nongu launo lhoxu heqhi mllakeu, nowu akumllagho akiviu eno nowu akimthe gho ilau sughipe nike laju anani.

ACHINE 1:3

Pa mishi gholo no pesu piti mllakeu tiye amshitsu tukutiye kiumu kuhakeu shimaye sake. Pano tipau sawo AMPEU no ngochekeu Phiki hukikhalo saghilo tishi anguno AMPEU no pa ikhilukeu shini.

MALAKI 3:10

Chighi sajelo lakhi akuchopu Achinekilo sughilo tishianguno tilehi achuqupu lukumkhashi apenike. Ipe julo eno nonguno ithulu nanike ino kungugha lashe khaqhi puzu thime kivi jeli kumtsu nibonilei nongu shou lepukutsu nani.

MALAKI 3:8

Ino nongu vilo inijukeuno timino Alhou pishiqhi keuye achipi kesha? Tishimo thono, ikeghi nonguye ipishiqhi anike. ‘Kishi puzu’ ipi nonguno inijuke. Chighi sajelo lakhi tsuchekeu eno akumllagho vehu lonoke.

Luke 11:42

“Ikemu nongu Farisimi ghenguno ahae! Nonguno ayetsuni jeli kumtsu pesu chighi sajelo lakhi Alhou lau akumllagho tsu cheni, ikemu Alhou zulo achipiu eno kikimiye kughuchove acheni. Kutau ghi shiepinamu nonguno amikucho eno kikimiye pepimhe akepue.

Luke 18:12

Niye apinye dolo ghulo kini kumvu cheni, eno ino ala shikulu kumtsulo chighi saje lakhi pe otsu cheni.’

ZAKINIU 12:17

AMPEU mllakeuye kiu kiu shi aghi namu: chighi sajelo tsukeu thi, atsayi-ji, oliv teli momu nomishi ngo bheri piti tughiu jeli, nonguno AMPEU lau agho tsuni keushi tushoqhive keu, nonguno puloniqhiyi tsukeu kumllagho momu akumllagho kiukiu shi aghi namu nonguno khile xu acheni keno tipa aloye heqhi chu kevilo.

ZAKINIU 26:2

nongu milakhi khino tuxa tini xolu tughiu lono amqo kotha pesu ashoghilo sulo eno tipau pesusu akumlla-a kuto puakeu lakhilo peighilo.

JOSHUA 22:27

ikemu tishikepu zuqhulo, no timi eno ni timi ghenguno eno nithiu tiqhelimi ghenguno amchipu shiniye ninguye kuchouno pa kimthe Phikilo pa mllacheke eno akipitigho eno kuposhukulu ghoqo eno aghakishiqo pe mllache keu ithi apeniyeke. Hino notinonuli pelo ningu tianuliqoye AMPEU lau niwu kumu kuhae ipipemo nike ghengunoke.

SAMUEL ATUGHIU 1:21

Elkana eno pa bolomiye ampelo AMPEU lau aghakishi kumlla tsuchekeu eno pano tushoqhi pe puakeu tsunike ghenguno Shilo lo wu kepudo ighive.

SAMUEL ATUGHIU 1:24

Lino pa lojimoveno asatheluve kethiu, lino pa sasu Shilo lo wu, pa gholo ampe kuthu mishitsu, ashokukubo kilogram chighi eno ashiyiko hughi lo aji pilisu pusu wu. Samuel itimi shi aphi lono Shilo lo AMPEU kilo sawo qhie.