YETSAPIU 8:13 - BAIBEL (BSI)

¹³ ikemu kixikilami ghenguye alokepu shimo nani. Panoqo kuxuye yekukhu lakhi toike eno panoqoye lhothemi shi aphi lono thive nani, kughengu panonguno Alhou gholumoke.”

Sumi Naga CL (Re-edited) Bible (BSI)

¹³ Ikemu kixikilami ye akivipu kumoe, pa küxü ghi yekükhü lakhi toi süchho mla nani, kughengu pa ye Alhou msamoe.

YETSAPIU 8:13 Mawu Ofanana

JOB 14:2

Panoye axamunu toi pu ano ighuive chenie, yekukhu ighiketoi hauve cheni eno ngopushu lu chemoe.

JOB 18:5

Kusakughami kuvuye inheve nani, eno pa mi miliye yepuvu mlae.

JOB 20:5

kusakughami wu tokulu ye ado ikhonheyi, eno pulotshumi lokiviye asuchedo kitila ghengu likhike kumo kesha?

JOB 21:30

Ike ti Alhou no pukhupile puwu ke tsalalo kusakughami ye kughu tshuve cheni. Alhou loghu tsalalo pano ye sunhephe sasu wuve cheni.

LESHELE 11:5

AMPEU no achipiu shichekemi ngo kixikilami lheju cheni; pa ngulho kumtsuno ayezah hekuxami mithi cheni.

LESHELE 144:4

Timiye atuthu lakhi toike; pa kuxu tsalaye wuve chekeu yekukhu lakhi toike.

LESHELE 37:1

Kixikilami ghenguno omlo kutakihi akevilo, akumou mlakemi jupesu anheshu kevilo.

LESHELE 39:5

Nono ikuxu kishi kughukhove tsu kya! ozulo ikuxu tsalaye kumu kuhae. Mutsuqheyino timi kuxuye atuthu kishe lakhi qhemi likhie,

LESHELE 55:23

Ikemu O Alhou, nono panoqo pesu aqohkutholo suve nani, ghikiqhimi ngo kimkimiye pano kuxu amtamu xumo nani. Ikemu niuye opukhuni chenike.

YETSAPIU 3:14

Ino ithi anike Alhou no mlakeu jeli kumtsu alhokupujulo ache nani. Noye tipaulo kiumu sukupha mlae momu tipau lono kiumu ikhisuwuve mlake. Alhou no shitsukeu thime lakhiye pa sumsape niyeke.

YETSAPIU 5:7

Nono khijejehi asamo pumo aghina, khijejehi adou kumla nono shiaghi pina momu khijejehi atsa zale aghinamu noye Alhou sumsa moaye sake.

YETSAPIU 6:12

Ikhonheikeu eno adou kuxu, yekukhu ighikeu lakhi toikeu kuxu hipaulo timi lakhi ghenguno kiuno akiviu keno khuuno kishi puzu ithini kya? Kughengu timino thive kethiu ayeghiqhalo kiu shinani keno khuuno kishi puzu ithini kya?

YETSAPIU 7:15

Ikuxuye adouke, ikemu hipaulo niye thwokha kumtsu ithulue. Kivimi lakhiye thiveluvi eno kutamiye alhoksami shianamu xuaghiluvi.

YETSAPIU 7:18

Noye hipau tsuqupelu keuno aloke eno hipau phevekepu kumoe. Nono Alhou sumsa aye kiukiu la lomu tokulupu shi nanike.

YETSAPIU 8:8

Timi khumu thimove kepushi pa nguagha hakhamlae momu pa kithi tsala tukiqeve mlae. Tipau ghukishi lono ninguye po mlake; ninguye pishiqhiveno nila phusu wuve mlake.

ISAIAH 3:11

Ikemu alhoksamiye ahakusapue! Panoqoye avekusapu sholu nani; panonguno timi lau kiu shiche keno tipau panoqo shou shipuku nani.

ISAIAH 30:13

Nonguye kuquke. Nonguye atu pesu qhemghai putupuakeu lakhilo kunguuno aqhou kutolo ipoipeghi akeu toike; zuleno nonguye iluqive nani.

ISAIAH 57:21

Axinemi ghenguno xakulupu kuhae,” ipi AMPEU no pike.

ISAIAH 65:20

Angaqoye akughunu aphilono thivemo nani eno timi kumtsu khitohi xukepu shipuani keno titohi xu nani. Khunoqono ampe 100 xunikeno tipaqoye lhothemi aphikepi kihi nani. Tipa zuuno thikemiye ino ghimeqhi keu michipu shiniake.

JEREMIYA 44:10

Ikemu ishi kutolo nonguye nolikhi nokuchuni moke. Nonguye igihumoke momu nongu eno nopuasuqo lau ayezah kumtsu tsukeu kiqi lono xuchemoke.

MALAKI 3:18

Amikuchomi eno timi khuuno iqecheni eno khuuno iqechemo keno tipau dolo kutuquvekeu iwu timiqono itaghi ghuthu lakhiye ithulu nani.”

John 5:29

tipaqono panoqo kumoki lono ipeghi nani: akivi mlapuakemiqoye akuxupulo xuputhuve nani, eno alhoksa mlapuakemiqoye kughakutha ghenguno xuputhu nani.

James 4:14

Kughengu thoghiu nongu kuxuye kiu shive nani keno nonguye mtha aphike. Nongu kuxuye akimhi lakhino ado kitila ipeghi puzu pai hauve keu toike.

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.