YETSAPIU 8:11 - BAIBEL (BSI)

¹¹ Kushiye timino papashi heqhi buqhi cheni kya? Kughengu heqhi buqhi puaghikeulo mutazu shikighime keu kuhake.

Sumi Naga CL (Re-edited) Bible (BSI)

¹¹ Küsakügha kümla shou ke-i xakütha tsümoke ghenguno timi mlo lono alhoksa shinike kughuuve cheni.

YETSAPIU 8:11 Mawu Ofanana

SAMUEL AKINIU 11:15

Pano hitoi yeve: “Khipa alono ighono aghu shikuchou shi ani keno tipa alo Uriya puwulo, tishino pa likhi tile qhivelo tishi keu lono pa heqhi pithive pekepu shilo.”

JOB 24:23

Alhou no pano pelo sushokulu shi eno mumbekulu shi xu aghi peluvi, ikemu pa nhethino pulhapuju pano kuxu jukuto acheni.

LESHELE 10:4

Kixikilamino pagi kumobeyive puzu AMPEU phujumoe, pano kukumsulo Alhou sumomithe.

LESHELE 10:6

Pa likhi pa vilo ishi picheni, “Niye khilemu ikiqimo nani; tiqhelino tiqheli kutolo niye shilu kusa sholumo nani.”

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

IPEKULU 34:6

Tithiu AMPEU no pa gizuuno hechesu wu eno ishi kuke. “Ni, AMPEU ye kimiye qhiyikeu eno kupukeu no chhitoi akeu Lhouke, mllalei axu ideve chemoe eno kikimiye ngo pukhukulu kutsasa piye chekeuke.

IPEKULU 8:15

Achuyiqo thikhave keu akukauno ithulu puzu pamlo hekike pesu auve, AMPEU no puzuu no akukau ye Muse ngo Aron pama tsa initsumo nani kepi pivekeu toi shive.

IPEKULU 8:32

Ikemu ishiu loghi akukauno pa mlo hekikeluve eno itaghi timiqo pelo wupemove ke.

YETSAPIU 9:3

Kiu shivepeniye kutopuani keno tipauno kumtsu lau aphiphishi ighi cheni, hiye ayeghilo vimokeu kiu shiani keno tihutoi highi vimokeu lakhike. Timino xuake thaqhulo panoqo kukumsuye alhoksa eno anikhano chhitoi ani eno panonguye zuleno thive cheni.

ISAIAH 26:10

Noye timi kixikilami kupu anamu, panonguye achipiu kiukeno khilemu ithi chemoe. Hi amikuchomi akeu yeghilo thotsu panonguye akumou shi acheni; panonguno okuloghi ithulu chemoe.

ISAIAH 57:11

AMPEU no pi, “Nongu pelo musave chepekeu lhou hipaqoye khunoqo keno nonguye ivilo akimki tsa picheni eno qhoyi ikumsumave cheni kya? Ino ado kushuwa inaqhoi auveke ghenguno nonguye igihumono ngove kesha?

JEREMIYA 42:15

Juda lo timi ghupe puaghikeqo, tishiaye Aqokitikhi MPEU, Israil Lhou tsa hipau inijulo: “Nonguno Ijip lo wuniaye eno tilau xuniaye agi tilau kughopuwu aye,

JEREMIYA 48:11

AMPEU no pike, “Muab ye pulhapujulo kupuna mono xuacheni eno khilemu hapupovekeu shimphike. Muab ye atsayiji toi bukuqumono qhiveke eno abohu lakhi lono lakhiulo lekiqevekeu shimoke. Tipau xo ye khilemu shipusa mphike eno tipauye alhokuthulo michekivi shi achenike.