YETSAPIU 7:24 - BAIBEL (BSI)

²⁴ Khuuno kishi puzu akuxu kiqiye kiu keno phupheluni kya? Hiye nighenguno kuthokuzupuke, vethalunikeu shishe shoe.

Sumi Naga CL (Re-edited) Bible (BSI)

²⁴ Kiu acheghi keno ti ye putosüu ani eno shishe thonheike khuu no phuphe luni kea?

YETSAPIU 7:24 Mawu Ofanana

JOB 28:28

Alhou no timi vilo pi, “Ampeu sumsa keuye alokutsue, eno alhoksa lono tsughuve keuye tsaqui keu kighithie.”

JOB 37:23

Alhou ye ningu no phukhawo tomlae, paye akuka eno achipi lono kugha tsukeu lo kijeke; amikuchono chhitoi ke, paye ighove moe.

LESHELE 139:6

Nono ighili ithi akeuye shishe thonheyike; tiye qhemghai ani, niye shohe iku tomlae.

LESHELE 36:6

Omikucho huye naghuto toi shosuyipe ani; owu kughakuthaye azughi kutho toike, timi eno tughashiye nono tuchohejukeulo ani.

YETSAPIU 8:17

eno tishi ke ghi Alhou no kiu shiani keno khilemu ithiwo tolu chemoe. Nono kiu papu shi pukaputsa namu noye khilemu phupheluni chemoe. Alokutsumino panono ithivea kepi piaghiluvi ikemu panonguye tishimla aphie.

Rommi 11:33

Alhou wu kuakiniye kiutoi akumzapu kela! Pa lokutsu eno pa kighithiye kiutoi kuthokuzu kela! Pano kughathakeu khuno lhekide kudailu kepu eno pano khile kishi cheni kela khuno ithikuthu kulupu kya?

1 Tim. 6:16

Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.