YETSAPIU 7:16 - BAIBEL (BSI)

¹⁶ Ikehu, ihulo akivipu shike vilo momu ihulo alotsu kevilo; noye kushiye olikhi okutsave anikya?

Sumi Naga CL (Re-edited) Bible (BSI)

¹⁶ Ihulo amikucho shikevi momu alotsülo kevilo; Kushiye o likhi o kütsaveni kea?

YETSAPIU 7:16 Mawu Ofanana

BOTHUBO 3:6

Atotiuno asuboye jukivipushi ithulu, tipau xathiye chukivipushi ithulu eno lino kumsu keuno alokutsu tsuluni keulo minemighe kepushi aghi. Ike lino axathi tipau xope chuve, tishino tipau xathi pesu li kimi tsu eno pa ghi ti chuve.

JOB 11:12

Aghalo kua gadahano timi piti kethiuno mbomzumino alotsu ipeghini aphie.

JOB 28:28

Alhou no timi vilo pi, “Ampeu sumsa keuye alokutsue, eno alhoksa lono tsughuve keuye tsaqui keu kighithie.”

AHOLE 23:4

Kinimi shiniaye okuxu pepuzuveno kulhokugho shimonike alotsulo.

AHOLE 25:16

Nono avehupu shiakeu nguno alau khilemu akhingozu chukevilo; ihulo chuveaye mughuve kepu shive nani.

YETSAPIU 12:12

Inu, kutau lakhi jukutokugho kepu ani. Kaku kutomo yeqhenikeu ashekha kuhae eno chilo phikutojukeu shi aye akulho shive cheni.

MATTHEW 23:29

“Nongu Ayezah kukutsumi ngo Farisimi ghenguno ahakusapue! Kuhakughaqo! Nonguno tungkupumi kumona shitsu cheni, eno kivimi ghenguno athigho jukivipu shitsu acheni,

MATTHEW 23:38

Julo, nongu ki phevae eno timi kughunamae.

MATTHEW 23:5

Panonguno mlakeu kumtsu timi pelo ithulupeniye mla cheni. Panonguno akishelo ngo aumlolo kuchoyesu-tsa lothi pukeu bohu kije shikithe cheni eno panoqo phishe chijeboboyi shikithe cheni.

MATTHEW 9:14

Tileno Johan Baptist khopemino Jisu lau ighi puzu ishi iniju, “Kushiye niqomi ngo Farisimi ye kumvu acheni puzu okhopemiye khilemu kumvu chemo kya?”

Luke 18:12

Niye apinye dolo ghulo kini kumvu cheni, eno ino ala shikulu kumtsulo chighi saje lakhi pe otsu cheni.’

Rommi 10:2

Ino panoqo ghenguno ashepe shilu nanike panonguye aghuiloqhiyi Alhou lau azukini achenie, ikemu panonguno azukini shi achekeu huye kuchou kighithi sumo puzu shi acheni.

Rommi 11:25

Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

Rommi 12:3

Kughengu Alhou wu kupukini itsukeu vechewo ino nongu kumtsu vilo hi pi ani: Nongu khumu alikhi akughapesu qhemghai kumsukepu kumoe, ikemu pututano aghibiu lono kumsukepu, Alhou no akupulu lakhikhi tsupuakeu qhemi lono pututa likhi pututa shou xathabeluve kepue.

1 Kor. 3:18

Timi khumu alikhi ampi pishiqhi kepu kumoe. Nongu gholo khualano paye hipa yeghi gholalo asuqe kighithimi kepi kumsu aghi aye, paye asuqekighithimi kuchou shinike ghenguno mbomzumi lakhi shivekepue.

1 Kor. 3:20

eno kuchoyesu kutaulo ghi ishi yepuani, “Alhou no asuqe- kighithimi kukumsu ithi anike tipaqoye abokumsake.”

FILIPIAMI 3:6

eno azukini shichekeu lono piniaye niye akukuhou shikighimeqhi chekemi lakhike. Ayezah pelukeu lono amikucho shikulupu shiaye niye tukutiye kiumu kuhakemie.

Kolosiami 2:18

Timi khamiye alikhi ampi jukuchhube keu eno kungumi mllakeulo amlo tsuqhiyi acheni eno kungunhetsuno akhotou shicheni. Titoi kemiqoye hipa yeghilo timi kukumsu pesu akiqi kiumu kuhamu akuchhoma shi acheni. Timi tipaqo pelo nongu kideqhive pekevilo.

Kolosiami 2:23

Hipaqoye achineyehlo amlo tsuqhiyilupe eno alikhi ampi jukuchhubelu eno aphimpi pughuqhilu penikeu lokutsupu toi ithulu aghiluvi, ikemu tipaqoye, ashi ajilo ngosukumla ghasukulume kiumu ithi chemoe.

1 Tim. 4:3

Timi tipaqono timino kulakupu shikeu eno achuqupu hami chukeu lakha cheni. Ikemu pululuvekemi kuchou ithivekemiqo pelo shikimthi kighini lono chulupeniye Alhou no achuqupu tipaqo lhotsuke.

Piyeküsü 18:19

Panonguno amlo kusa launo panoqo kutsulo ayeghi mukhu epuku eno panonguno ighamuku qae: “Aha! Aphughi kije huye kiutoi ahakusapu shivea kela! Khunoqono azughilo zukilu pighiche keno tipaqono liwu kinikulu lono kinimi shiluveche keu phughike! Atuqhudo lakhi lono liye thwokha kumtsu puhavae!”