YETSAPIU 6:6 - BAIBEL (BSI)

⁶ Tishiaye timino ampe 2000 kutolo xukepu shi namu akuxulo alokepu shilumo aye ti pama kinikujo a-a aphiphilo wuve anike kumokesha?

Sumi Naga CL (Re-edited) Bible (BSI)

⁶ Ikehu pa no ampe 2,000 kutolo xükepu shi namu, akivi kiumu ithulumo aye, kiu ala ania, timi kümtsü a-a aphiphi lo wuve nanike kumo keshea?

YETSAPIU 6:6 Mawu Ofanana

BOTHUBO 5:5

Adam ye ampe 930 xu puzu thive.

JOB 1:21

“Niye iza po lono kumsa ighie eno kumsa woveniae. AMPEU no tsu puzu AMPEU no ikhi suwuvae. AMPEU je shelo!”

JOB 30:23

Kughengu ino ithi ani, nono akithi lo isawo suniye anike, kuxumi ghengu kutope puakeu-a lo.

JOB 7:7

Kumsululo, Alhou ikuxuye atuthu lakhi keku, inhethino ighowo akivi tsala ithulumae.

LESHELE 34:12

Khunono akuxu lokughuno shi xuni shi cheni kya? noye axukushu eno alokivi lunishi cheni kesha?

YETSAPIU 12:7

Niphimpiye ayeghi mukhulo idewove nani eno akuxupu tuthuye Alhou lau idewove nani tiye pano ningu tsu puanike.

YETSAPIU 2:14

Alokutsumiye khilau wucheni keno ithi ani ikemu anikhamiye tishimlae.” Ikemu shekhalo kiu shive chenikeno ningu kumtsuno ithi anike.

YETSAPIU 3:20

Pama kinikujo a-a aphiphilo wuve cheni - ayeghi mukhu shive cheni. Pama kinikujo tipau lono ighi eno kinikujo tipaulo idewove cheni.

YETSAPIU 6:3

Timi lakhino anuli 100 kutolo aghiluvi eno axushu aghi namu pa kuxulo alokivi thime peithamla eno akivishi pa sukumo shiqholu kepu shimo aye, ino pinikeuye anga akithi shi ghi punu keu no pa nguno akiviuke.

YETSAPIU 6:5

Tiye atsala kuvu khilemu ithulu chemoe momu akuxuye kiu toikeno ithi chemoe, ikemu timi tipau nguno alau tiye akulho likhimu qhilu cheni ke.

YETSAPIU 7:2

Kusakusho kilo wukeuno aghulhu shiakeu kilo wukeu nguno akiviuke, kughengu akithino ningu kumtsu ngokhe akeu tsa pesu kuxumi piputo tsu acheni.

YETSAPIU 9:2

Tipaulo kutuqukeu kiumu kuhae. Amikuchomi ngo kixikilami, kivimi ngo alomokemi, achineyehlo amlo tsukemi ngo tipaulo amlo tsumokemi, aghashi pe mllachekemi ngo tishi chemokemi lau kiu shivepeniye kutopuani keno tipau aphiphishi ighi cheni. Kivimi lakhiye axinemi lakhi nguno akiviuke kumoe; ashoqhi shichekemi lakhiye tishi chemokemi lakhi nguno akiviuke kumoe.

ISAIAH 65:20

Angaqoye akughunu aphilono thivemo nani eno timi kumtsu khitohi xukepu shipuani keno titohi xu nani. Khunoqono ampe 100 xunikeno tipaqoye lhothemi aphikepi kihi nani. Tipa zuuno thikemiye ino ghimeqhi keu michipu shiniake.

JEREMIYA 17:6

Timi tipauye asayeqhalo asuminipho toike, qhaikeu alo thu ipeghi akeshi, kiumu ipeghi chemokeu amiti yeghilo akeshike. Pa lauye kiumu akivi ipeghilu chemoe.

IBRIMI 9:27

Timi kumtsu ghuthu lakhiye thivenikeushi kutovetsu eno tipathiu Alhou no kughatha bekeu ighi cheni.