YETSAPIU 5:6 - BAIBEL (BSI)

⁶ Olikhi otsano opelo axinelo sailovepe keu shikevilo eno hithiuno Alhou chinemi vilo nono pimivekeu pikepu shikevilo. Kushiye Alhou pelo oshou axuide apeni kya? Kushiye nono mla puakeulo Alhou pelo kutsapiniyive apeni kya?

Sumi Naga CL (Re-edited) Bible (BSI)

⁶ O tsa no o sasü axine lo ilovepe kevilo eno hithiuno Alhou chinemi vilo nono pimive keu pi kevilo. Kushiye Alhou pelo o shou amloide no o u no mlapüa keqo kütsapinyive apeni kea?

YETSAPIU 5:6 Mawu Ofanana

BOTHUBO 48:16

Kungumi khipauno akijiksa kumtsu lono ixaphelukeno, pa pelo apuf pama kumghatsu peniu. Ije lono eno ipuasu Abraham ngo Isak je lono panongu ku chepeniu, Eno ayeghilo panongu pelo anoghi kutsasa shi ikowolu peniu.”

AHOLE 23:17

Axine shichekemi jumine kevilo; AMPEU sumsani keuno okuxulo alokumsu shilo.

YETSAPIU 10:12

Alokutsumi lakhino piqhi keuhuno gihu kepu pa lau sughilu cheni ikemu mbomzumiye pa tsano pa kutsave cheni.

YETSAPIU 3:14

Ino ithi anike Alhou no mlakeu jeli kumtsu alhokupujulo ache nani. Noye tipaulo kiumu sukupha mlae momu tipau lono kiumu ikhisuwuve mlake. Alhou no shitsukeu thime lakhiye pa sumsape niyeke.

ACHINE 4:2

timi khuno mthano axine shive eno AMPEU no ahza tsukeu hexaveni keno ayeh hipaqo pepimhe lopike.

ACHINE 4:22

Tsala ayehkipemi lakhino mthano axine shiveno AMPEU zah kutsu gholo lakhi hexavekeu ngusu shive aye,

MALAKI 2:7

Achinemi kumlapu sajeye Alhou kighithi kuchou pesu timi shikapiye peniyeke. Timiqoye panoqo lau wuno ipulou shikalu kepue, kughengu panonguye Aqokitikhi MPEU ghinikishimiqoke.

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

AKIKIHI 15:25

Achinemino aqoaho ghenguno shikimthe keu chine ghola lono peithatsulo tishino panongu kipimi peivetsu nani kughengu shipimi keu huye puthaputsa no kumoe eno panonguye pano xine kumllagho pesu achuqupu kumllagho shi AMPEU lau sughiveke.

1 Kor. 11:10

Tishiaye, kungumi akeu ghenguno sake totimiye li kimi qholo akeu piyekeushi li kutsu shonhapu kepue.

1 Tim. 5:21

Alhou zulono eno Khristo Jisu zulono eno kungumi kishe kipheqo zulono opelo akukutsu tsa hipaqo pape penike ino ohakite ani. Khilemu kumsukutoju mono kughathabe kevilo eno agi jumono shilo.

IBRIMI 1:14

Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

James 1:26

Timi khuno paye achineyehlo amlo tsuqhiyikemi kepi kumsu cheni ikemu pa mili ghasumo nikeno pa chineyehye avehupu kuhae eno pa likhi pa pishiqhi anike.

James 3:2

Ningu kumtsu ghuthu kutomo shipimive cheni, eno timi khuno pano pikeulo khilemu shipimi chemo keno paye viwotokulu timi lakhike, pa kuxu kuchopu ghasulu chenike.

2 John 1:8

Tishiaye, nonguye kutokupuyilo, tishianguno ninguno kiu ghenguno mla chekeno tipau nonguye puhavemo nanike, ikemu nongu jume kumtsu ithulu nanike.