YETSAPIU 2:23 - BAIBEL (BSI)

²³ Nono xuake kupujulo nono shikeu kumtsu kumu kuhae ikemu amlo kusa eno amlo ghujupu likhike. Putholo thotsu okukumsu akulho qhimlae. Hi kumtsu adouke.

Sumi Naga CL (Re-edited) Bible (BSI)

²³ Kughengu pa küxü tivilo amlo ghuju likhi eno pa kümla kümtsü lo aveküsapu likhie. Putho lo ghi pa kükümsü ye akulho qhimlae. Hi ghi adou ke.

YETSAPIU 2:23 Mawu Ofanana

BOTHUBO 3:17

Alhou no Adam vilo ghipi, “Nono onipu tsa inive puzu ino ovilo chukevilo pikeu subo xathi chuve ke ghenguno, ayeghiye musuinivae. Okuxu kupujulo noye aghichhe aghime shi mlano chupeniu.

BOTHUBO 47:9

Jakob no khochile pi, “Ikuxulo inami shi iqhoiqi keu hi ampe 130 shivae. Ampe aghulo likhi aphie, ikemu shilusakeu pachie, ipuzu ipuasu noqo kuxu mipe qhemi kumoe.”

ESTHER 6:1

Tipaji akukau ye zuhumlave eno ayehkipe kaku phinike yekikithi kaku sughilopi ahza tsu eno pewo akukau phipiye.

JOB 14:1

Totimino punukemi thaqhuye akijiksa eno alho ikhoke pachie.

JOB 5:7

Ikemu timiye aghichheghimelo punusu amisu mpa kelo ami no kunguu ye ikuve cheke toike.

LESHELE 127:2

Xu anike ghenguno aka-aghashi mla anikepi itheno ithuve eno munu zu ishikeu adouke, eno ichhe-ime mlakeu lono achuqupu chu ishikeu adouke; kughengu AMPEU no pano kimiye kemi pelo zuhukulupu tsucheni.

LESHELE 32:4

Putho pucho nono ighimeqhike, AMPEU; Thonitsaniyi akeu akulu tsala lono pugha puhave keshi ikumto qhaivae.

LESHELE 90:15

Shiluksa mipe hijejehi nono amlo kusa pesu ningu tsuke toi itehiye tipa qhemi alokivi pesu nitsulo.

YETSAPIU 1:13

Niye alokutsu shino ayeghiqhalo kiu shive ani keno kumtsu phukide kuda juniye imlo tsuke. Hiye timiqo pelo mighimghai shi apeniye Alhou no akuxu kusapu pe timi nuliqo shou betsuke.

YETSAPIU 1:18

Kughengu alokutsu khijehi alau ithini keno tijehi amlo ghime alau ani; eno timi khuuno akighithi alau ithini keno tijehi amlokusa alau anike.

YETSAPIU 2:11

Tileno ino khijejehi mlalu eno tipaqo mlaniaye niye kishi akaveshi shiche keno ino kumsukutoju, tipaqo kumtsu kiumu kuhae. Hiye adou kethono kiumu kuhae, amlhu kughahaju ketoike.

YETSAPIU 5:12

Akumla kishimi lakhiye pano chukumkha aghiluvi momu chuzulakeu shi aghiluvi ikemu paye putholo akivishi zuhulu cheni. Kinimi lakhiye kupukuno shi ani kemu pa mlo kutakihi kelauno zuhumlano auve cheni.

YETSAPIU 5:17

Ninguno zumoikeu, amlo ghime, amlo kutakihi, amlo kighide eno kusukini lono xu acheni.

YETSAPIU 8:16

Kugho kughomu ayeghi hipaulo kiu shiani keno ithinike eno alokutsu shinike ino pukaputsa kelo, ino shijukeu kiqilo noye putho pucho idaithu ngo akepu shiauve cheni

DANIEL 6:18

Tishiveno akukauye idesu pa kilo wove eno alibe mu chumo, pa loshipivi tsupe nikeu ghi pulomo eno tipaji zuhumo mitheve.

Apostolmi 14:22

Eno hipaqo-a kumtsulo kupulumiqo mlo shikumtotsu eno akupulu laghilo vejoi alupenike panongu hakite ghi pi, “Shiluksa kutomo vechewo ninguye Alhou yehkipelo ilomaye sae.”