YEKIKITHI AKINIU 4:1 - BAIBEL (BSI)

¹ Akukau Solomon no alazayino akumlla kiptia lakhi akuchuqu lau miter bidino tuxa mulape qhie.

Sumi Naga CL (Re-edited) Bible (BSI)

¹ Pa no alazayi kümlla khache lakhi akushulau aunhekipshe 30, akijelau aunhekipshe 30 eno akiqhelau aunhekipshe 15 mla.

YEKIKITHI AKINIU 4:1 Mawu Ofanana

KUKAMI ATUGHIU 8:22

Tishieno timiqo nhekithe lono Solomon no akumlla kipti alo wuno puthugho eno pa-u suqhe pesu

KUKAMI ATUGHIU 8:64

Tipa tsalanino pano akumllaki zulo bokuthabo amtau chebo ghi shikimthe ghi ikhiphetsu eno pitimlla keu, athi pesu mllakeu eno tughashi tha pesu kuposhukeu kumllagho shilu. Pano hipaqo shikeuye alazayi kumlla bohu loye akumlla jeli hipaqo kumtsu sukhamla ke ghenguno tishi shive.

KUKAMI ATUGHIU 9:25

Ampelo ghuthu kuthu piti kumllagho eno kuposhu kumllagho ishi pesu Solomon no AMPEU ghenguno akiptia mlatsukeu alono tsunikeu shilu. Pano piti kumnakeu xokivi ghi pesu AMPEU tsu. Hitoi shino paye akumllaki shiqhiluve.

YEKIKITHI AKINIU 1:5

Uri nu Bezalel eno Hur tikishiuno mlakeu alazayino shikeu akumlla kipti-a ghi AMPEU kungoa Phiki zulo Gibeon lo pua.

YEKIKITHI AKINIU 15:8

Oded nu Azaria no tungupu tsa pikeu Asa no chilu keulo paye amlo kumto shiluve. Pano Juda ngo Benjamin ghakhulo ajulho aghikeqo kumtsu pevekhave eno Efraim ato yeghilo aphughiqo lono ajulho lelukeqo ghi kumtsu peve khave. Pano achineki kikhalalo AMPEU wu akiptia akeu ghi shikitheve.

YEKIKITHI AKINIU 29:18

Levimino asutsa hipau pesu Akukau Hezekiya lau tsuke: “Ninguye Achineki kumtsu achinepulo shikimthe keu shikhavae, tiye piti mllakeu kiptia, akimthe sho kibepu eno peitha kepu nhemgha kumtsu shivae.

YEKIKITHI AKINIU 7:7

Solomon no Achineki khala amtau hu ikhiphe pe shikimtheveno tilehi aghashi keu gho pesu mllae tiye akuchopu pitive kepu, athi kumllagho eno kuposhukulu kumllagho lono atha pesu mllake. Pano hipau shikeu ye kutau ghenguno kumono alazayi pesu akiptia pano mlakeu huye akumllagho hipaqo ghenguno mughulove ke.

YEKIKITHI AKINIU 8:12

Solomon no Achineki gizulo pano akiptia shi puakeu lono agha shikeu pesu AMPEU lau mllake.