YEKIKITHI AKINIU 15:3 - BAIBEL (BSI)

³ Ado kushuwa kutolo Israil ye Alhou kuchou sumono xu acheke, panoqo shikapeni kemi achinemi sumo eno ayezah sumono xu ache.

Sumi Naga CL (Re-edited) Bible (BSI)

³ Ado kushuo kutolo Israel ye kuchou Lhou sümo, achinemi shiküka sümo, eno ayezah pemono xüche.

YEKIKITHI AKINIU 15:3 Mawu Ofanana

YEKIKITHI AKINIU 17:7

Pano kakeu mpe akuthuu lo Juda phughiqo lo kutsupiye penike pano sakiphemi hipaqo puwu: Benhail, Obadia, Zekharia, Nethanel eno Mikaya.

NEHEMIA 8:9

Ayezah lo kiu shilopi puakeno timiqono chilu puzu panongu mlo shishe buvetsu eno panonguye qaithuve. Tileno ahng Nehemia, Ezra achineu eno ayezah kighithimino timi kumtsu vilo pi, “Ishi tsalaye AMPEU oLhou lau akimthe shi keu tsalake, tighenguno nonguye mloqa momu ighaqa kepu kumoe.

JEREMIYA 10:10

Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

AKUMLO 2:9

Putukhakeu hukikhaqoye atenino venhape ani; tipaqo khaduye hechhe pinyive. Itehiye kukami ngo kijemi ye kupokichelo ani. Ayezahye shikapiye chemovae eno tungkupmiye AMPEU launo kungunhetsu kuhavae.

HOSIYA 3:4

Hipau paphi lono Israil lo akemiqoye ado kushuwa kutolo kukami momu sakiphemi kuha nani, aghashi mllakepu momu chinikepu tuqutsukucho ngo ajulho shisukeu eno asu atu julho shisu pesu asaqhi chekeu kuha nani.

ACHINE 10:11

Nonguye ino Muse vechewo ayezah tsukeu kumtsu pesu Israilmi shikapiye masa.”

ACHINE 10:8

AMPEU no Aron vilo pi,

AMUS 8:11

“Ino aghakhulo puqumiye puwunikeu ghuloki wocheni. Timiqoye muzuthive nani, ikemu tiye achuqupu ghenguno kumoe. Panonguye AMPEU launo ighikeu tsape lunishi kelauno muzu tughu shi nani. Ni, AMPEU Alhou no piqhi ani.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MALAKI 2:7

Achinemi kumlapu sajeye Alhou kighithi kuchou pesu timi shikapiye peniyeke. Timiqoye panoqo lau wuno ipulou shikalu kepue, kughengu panonguye Aqokitikhi MPEU ghinikishimiqoke.

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

Rommi 2:12

Judakumomi ye Muse yezah pecheghimomu axine shicheke eno Ayezah kuha pulaghi panongu ghi puhave, Judamino Ayezah peche pulaghi axine shikehu Ayezah no panongu shou kughathabevae.

1 Kor. 9:21

Muse yezah kuhakemi Judakumomi gholo niye panongu lakhi toi xucheni, tishianguno Khristo lau panoqo saghiluni kehu. Tishiepimu niye Khristo yezah bocholo anike ghenguno Alhou wu ayezah pemokeu shimoe.

ZAKINIU 33:10

Panonguye onuliqo oYezah gholu penike shika nani: Owu akiptialo panonguno heqhi mllakeu shi nani;

1 Thes. 1:9

Timi tipaqo ampino ninguno nongu lau ighikelo nonguno kishi ni ikhilukeno piakhani; eno nonguye kuchou eno xuakeu Lhou qenike ghenguno ajulho mllakeu qhiveno Alhou lau ideighivekeu piakhani,

1 Tim. 3:2

Kughengu akukuholo sakiphemi lakhiye akipimi kuhakemi shimasae. Paye anipu lakhi likhi akemi shimasa, tsukhuyikemi alikhi aghasulukemi eno aghola kithikiyikemi shimasa. Paye inami sasuthikemi eno shikathikemi shimasa.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.