XAKUTHAMI 6:3 - BAIBEL (BSI)

³ Kugho kughomu Israilmino tuxatini alulo suaye, Midiyamino Amalekmi ngo asayeqhalo kughuna achekemi shiyeh sasu ighino Israilmi wu panonguno luve cheke.

Sumi Naga CL (Re-edited) Bible (BSI)

³ Kughengu kugho kughomu Israelmi no tüxatini alu lo yisü aye, Midianmi ngo Amalekmi eno kipelau shiayeqo no panongu lenike iqhoghi che.

XAKUTHAMI 6:3 Mawu Ofanana

BOTHUBO 25:6

Eno pa nipu kutami nuliqoye pano xuaphi lono agho pesu tsu puzu panonguye pa nu Isak launo putou kipela ghakhulo puwuve.

BOTHUBO 29:1

Jakob no chesusu wuve eno kipelaumi yeghilo ighi.

KUKAMI ATUGHIU 20:27

Israilmi ghi kukumqoluveno kutoluve; panonguye amqo kinishi kijeno Siriyami sasu shinike chethu. Israilmi ye Siriyami kukuju loye ane loji amqo kititi kini cheketoi ithuluve kughengu Siriyami no aluza nhakha ighiveke.

KUKAMI ATUGHIU 4:30

Solomon lokutsuye kipelau kighithimi lokutsu momu Ijip lo kighithimi lokutsu nguno alokutsuuke.

KUKAMI ATUGHIU 5:10

Hiram no Solomon no lunishi akeu Kedar ngo sahusu kupuju kumtsu tsulu.

JOB 1:3

bheri 7,000, amshi 1,000 eno gadaha 500 pighiche. Paye aqemi ghi kutomo ache eno kipela kudau timiqo gholo kinikululo atughiu shi ache.

JOB 31:8

Kutami pelo ino xusukeu chuve peniu, eno ilulo ipeghikeu abo lono nhuve peniu.

IPEKULU 17:8

Amalikmino Refidim lo ighi puzu Israilmi leighi.

ISAIAH 11:14

Kuma kumqoluve puzu kulolau Filistiyami lewu nani eno kipelau akemiqo tuleqhi leluve nani. Kumano Edommi ngo Muabmi shou aghutoluve nani eno Amunmino panoqo ghokulu shi nani.

ISAIAH 62:8

AMPEU no mutsumisheikeu shoqhi lakhi shike, pa kukano tipau shiwoni cheni: “Hinguno hilauye no xalothiye noghumi chuqupu shimoake eno inaghamiye notsayiji shomoake.

JEREMIYA 49:28

Kedar shiayeh ngo Hazor no qhasupe akeu khikhi Babilon kukau Nebukadnezar no leluvekeu kokutha bocho ghenguno AMPEU no pikeu hike: “Kedar lo kuamiqo leluvelo eno ti kipelau akemi shiayehqo kutsalevelo!

EZEKEL 25:3

Amunmi vilo ni, Akughushu MPEU no kiu piani keno inilo pilo: Nonguye ichineki shipixivekeulo, Israilmi ghakhu kutsalevekeu ithulu kelo eno Juda lo akemiqo haphe pupovekeu ithulukeulo nonguye alokivishi ani.

EZEKEL 25:4

Nonguno alokivi shiveke ghenguno ino kipelau asayeqha lo akemi pelo nongu leluve penani. Panonguno noghakhulo aphiki shipe qhi nani eno tilau acheuve nani. Panonguno nowu shikepushi akeu xathi chu nani eno akichhizu sho nani.

ACHINE 26:16

ino nongu ghimeqhi nani. Ino nongu shou kutsakungo keu sughi nani; tiye shipivimla kepu kusukini ngo nongu nhethi kighichevetsu kepu ghakimki eno nongu kuxu tsuhauveni kepu sughi nani. Nonguno apiti qusu nani, ikemu nongu lau tiye kiumu akivi sughi tsumo nani kughengu noghumino nongu leluve nani eno nonguno kiu yisukeno chuve tsu nani.

MICAH 6:15

Nonguno athi xusu nani ikemu tipau ghile humo nani. Nonguno oliv lothi lono teli tsughu nani ikemu khilemu tipau peithalupemo nani. Nonguno atsayiji mla nani ikemu khilemu tipau sho pemo nani.

ZAKINIU 28:51

Panonguno nomishi ngo nowu tuxatini chukhave tsunani eno nonguye akhuava shi thive nani. Panonguye nongu ghenguno athi, atsayi-ji oliv teli, amshi momu bheri kiumu qhitsumo nani; eno nonguye thive nani.

XAKUTHAMI 10:12

Sidonmi, Amalekmi eno Maonmino wovekeu lo nongu neda qoda susu xu ighivae, ikehu nonguno ivilo ighakhue. Niye panongu launo nongu xapheluke kumo keshea?

XAKUTHAMI 3:13

Eglon no Amunmi ngo Amalekmi gholo sukuqhano Israilmi sasu aghushi no toluve eno Jerikho amsabo phughi ipi chekeu leluvetsu,

XAKUTHAMI 6:2

Midiyami ye Israilmi nguno akumtouke, ikehu Israilmi ye panongu zutshu susu ngukakhuki lo itshuuve eno sushokulupu naghutolo wukhave.

XAKUTHAMI 6:33

Tishiveke thiu Midiyami, Amalekmi eno asaye qhalo shiyeh kumtsu hekutsuno Jordan katha susu iku puzu Jezril Khila lo aghazu shilukhave.

XAKUTHAMI 6:4

Panonguno aghakhu lo aghazu shino chhiliu iqi Gaza sukumxa kutolo tuxatini kumtsu shipsave tsuche ke. Panonguno ighino Israilmi no pighi aghikeu bheri, amshi, gadaha kumtsu hasusu wuveno Israilmi ye kiumu pukhu kulupu kuhavepe cheke.

XAKUTHAMI 7:12

Tilehi Midiyami, Amalekmi eno asayeqha lo achekemi shiyehqo huno tulhaqu tawocheke hutoi nhakha kuho akeu eno panongu wu kemel no azughi muku lo asaye jehi sasu ngo akhake.

XAKUTHAMI 8:10

Zeba ngo Zalmuna pamaye pama wu ghushimi sasu Karkor lo ngo ake. Aghasaqha lo akemi shiyehqo ghushimi kumtsu kuqhakelo 15,000 likhi ghulu; ipuzu ghushimi 1,20,000 ye heqhi pithivetsu.