XAKUTHAMI 5:11 - BAIBEL (BSI)

¹¹ Inijulo! Azukikhe homxa pesu timi aqhano AMPEU wu tokulu ghili lhe akhanie, Israilmi wu tokulu pi anie! Tishipuzu AMPEU wu timiqono panongu phughiqo lono chesu iqighi khae.

Sumi Naga CL (Re-edited) Bible (BSI)

¹¹ Azükikhe lo alephemi sütsa no Ampeu mikucho tokulu ghili pi ide ani, Pa ghami mikucho tokulu ghili Israel lo pi ani. “Tishino Ampeu timiqo no khagho lo chesü iqive.

XAKUTHAMI 5:11 Mawu Ofanana

MICAH 6:5

Iwu timiqo, Muab lo akukau Balak no nongu shou kiu shiniye kughu keno eno Beor nu Balam no kishi pa khochile keno tipau kumsuchile julo. Akasia pusho ngo Gilgal kuma dolo wuchekelo alalo kiu shivekeno tipau kumsuchile julo. Hipaqo ghili kumsuchile julo eno niye nongu xaluniye kiu shikeno tipau nonguno vethalu nani.”

SAMUEL ATUGHIU 12:7

Itehi nonguno puthugho ke alo ngo aghilo, eno ino AMPEU zulono nongu qhuiniju piputo ani AMPEU no nongu eno nongu puasunoqo xaluniye akichiqhipu kumla shikeqo kumsu chilelulo.

XAKUTHAMI 5:8

Israilmino kutau lhou kithe kisheluve ikehu aghakhu lo aghukishi ipeghive. Israil lo timi 40,000 wuke dolo khuwano azuto momu angupa pewu keshea?

AKUMLO 5:9

Aluzaqha kumtsulo ghikiqhimi anamu nikuxu ghi kupumono achuqupu phuwu acheni.

AKUMLO 5:4

Nilikhi nizu ametsuno yemasavae; Nilikhi ni su qhupe sughu mayesavae.

JEREMIYA 7:2

Pano ivilo tilehi puthughono Aqokitikhi MPEU, Israil Lhou no panoqo vilo pikepushi akeu pesu asheshulo pike:

ISAIAH 28:6

Khunoqono kughakuthami shini keno pano amikucho xakutha kukumsu tsu nani eno aphughi liwo kikha leighi kelo tipau mujochile akemi lau amlo kuloghi pesu tsu nani.

ISAIAH 12:3

Azu kuxuno tughuthi akemi lo vepiqitsuke toi, Alhou wu timiqono alovike pano panoqo xalukelo.”

JOB 29:7

Aphu liwolo ino wukelo eno muchomiqo gholo kuho iqaniye kuto aye,

ZAKINIU 22:24

nonguno pama sasu taun nguno khalau saipe puzu atu pesu pama veqhivelo. Ayiliuye thimasake kughengu liye taunlo akeghi hakhotsu penike ighamuku ighamoe, li sutsa chikulupu shi akeghi. Timi huye thimasake kughengu paye timino inivekeu sazuke. Hitoi shipuzu nonguno alhoksa hipau ikhivelo.

LESHELE 145:7

Panonguno okivi kumtsu pinani eno okikimiye shipili nani.

BOTHUBO 24:11

Avelau totimi no azu kupu ghulokilo, pano aphu kupunulo kemelqo pelo azukikhe philo khoqhunhepe.

BOTHUBO 29:2

Pano jupuwu kelo aluqalo azukikhe lakhi ae eno bheri aqo kuthu tipa phivilo akeu ithulue. Bheriqo huye tipa zukikhe lono azu piyecheke eno atu kije lakhi azukikhe kichi nhape puache.

BOTHUBO 29:3

Tipa-alo bheri lojiqo kumtsu hekutsu sawo qhiche eno akhemino azukikhe kichilo atu hu tukulono bheri lojiqo azu piyeche, eno atu hu tukulokide sawo azukikhe kichi nhape qhivecheke.

ZAKINIU 33:21

Panonguno aghakhu akivi pano sala luve; Sakipheu saje pesu pano sala shitsu. Panonguno AMPEU yezah eno ahza tsukeu agholu. Tiye Israil sakiphemi kuhokumqo kelo.”

XAKUTHAMI 11:40

Hipa thiuye hino Israil yeghilo akhuayeh shiveno Israilmi totimiqoye ampe atsutsulo atsala bidi ghenguno Gilead lo wuno Jeftha nga muloke do shicheke.

LESHELE 71:15

Ikichi lono omikucho kumla lheni, atsala kupuju owu xakulu ghili pini; niye hipaqo ithikhao tomlae.