XAKUTHAMI 19:1 - BAIBEL (BSI)

¹ Khaghi Israilmino akukau qhimono acheke ghulokilo, Levimi lakhi Efraim ghakhu toghi lo acheke. Pano Juda ghakhu lo Bethlehem lono ilimi lakhi pa nipu amishiu shinike lu,

Sumi Naga CL (Re-edited) Bible (BSI)

¹ Tipa ghuloki lo Israel lo akükau kühano ache kelo Levimi lakhi Ephraim toghi ghakhu cheku lo ache. Pa no Judah ghakhu lo Bethlehem lono ilimi lakhi pa nipu amishiu shinike lue.

XAKUTHAMI 19:1 Mawu Ofanana

BOTHUBO 22:24

Eno Nahor nipu kishe Reuma ghi Theba, Gaham, Thahas ngo Maaka ishi punu.

BOTHUBO 25:6

Eno pa nipu kutami nuliqoye pano xuaphi lono agho pesu tsu puzu panonguye pa nu Isak launo putou kipela ghakhulo puwuve.

BOTHUBO 35:19

Rachel thive kelo li kumoye Efrata lalo qhove, tiye Bethlehem ke.

SAMUEL AKINIU 16:22

Tighenguno panongu no aphiki lakhi akukaki kutsuqalo Absalom ghenguno kutope qhitsu eno kumtsu nhekithe lono Absalom no aki tipau alou ilono papu nipu amshiuqo sazu vetsu.

SAMUEL AKINIU 19:5

Joab no akukau kilo wupuzu pa vilo pi, “Ishi nono owu timi khunoqono—okuxu pukhalutsu, otionuli, onipuqo eno onipu amshiuqo kuxu xalutsu keno timi tipaqo shipunhave tsuae.

SAMUEL AKINIU 20:3

David no Jerusalem pa kilo ide ighi eno akukauno pa nipu chighi aki jukuto peniye puakeqo salu eno akheu pesu panongu khepe. Pano panoqono avehupu shi akeu kumtsu tsu, ikemu panongu sasuye azua lakhi shimoe. Panonguye akuxu tivilo chimemi hutoi panongu likhi tishi acheuvepe.

SAMUEL AKINIU 3:7

Ghulo lakhi Saul nu Ishboshet no Abner no Saul nipu amshiu Aiah nonga Rizpa sazukeu nguku.

SAMUEL AKINIU 5:13

Hebron lono Jerusalem lo ighiluve kethiu David ye anipu eno amishiu kutomo sa auve, ikehu paye anuli kiptimi totimi kutomo ithulu.

KUKAMI ATUGHIU 11:3

Solomon no kukalimi 700 sasu kulakupu shi eno alojilimino 300 ishi acheke. Panonguno pa pelo Alhou launo pokauvepeke

KUKAMI ATUGHIU 4:8

Ike kijemi pano chighi kini je eno panonguno ayehpe akeu State qoye hike: Benhur no Efraim ghakhu shou ahng shilu

YEKIKITHI AKINIU 11:21

Kumtsu kelo Rehoboam ye anipu chighi tache eno alojilimi lhotsugho acheke eno paye anu muku tache eno anga lhotsugho papu ke. Pa nipu eno pa lojilimi gholo pano kumtsu nguno alaushi Maaka qhuivulai cheke,

ESTHER 2:14

Kijiliuno akukau kilo wuno thanauye idesu alojilimi muqo ki kutau lo sawuno akukau jukutokemi lakhi Shaashgaz, akheu shoko lau qhiche. Liye akukauno kuidemo ke kutolo akukau sasu kushomo nikeu shiche.

DANIEL 5:3

Paikhavi lono akhu ajukhu sughitsuke tileno panongu kumtsu shoa.

MALAKI 2:15

Alhou ye opelo li sasu ashi aji lakhi anguagha lakhi shitsuke kumo kesha? Paye hipaulo kiu kumsupu puzu tishitsu kya? Tiye nonguno atianuli lhokeqo pelo kuchouno Alhou wu timi shipeniye ke. Tighenguno nongu gholo khunomu pututa nipu lau tushoqhive keu kubo kevilo.

MATTHEW 2:6

‘Judia ghakhulo O Bethlehem, Judia lo ayehkipe phughi gholo noye aghulou ye kumoe; kughengu olau no ayekipemi lakhi ipeghi nani, pano iwu Israilmi saphe nani.’ ”

JOSHUA 24:30

Panonguno Efraim yeghiqha tolo Gash naghuto ahuu pa yeghi Timnat Sera lo qhove.

JOSHUA 24:33

Aron nu Eleazer thive eno Efraim yeghiqha tolo Gibea taun khikhi panu Fineha tsuvekeno tipa yeghilo qhove.

XAKUTHAMI 12:8

Jeftha thiu Bethlehem lo ighikeu Ibzan no Israilmi saphelu.

XAKUTHAMI 17:1

Aghuloki lakhi lo Efraim ghakhu lo timi lakhi pa je Mika ache.

XAKUTHAMI 17:6

Tipa ghuloki lo Israil loye kukami kuhakehu; kumtsu no pututa ghoshi xu ache.

XAKUTHAMI 17:7

Tipau ghuloki lo Levi laghami lhothemi lakhi Juda lo Bethlehem taun lo ache.

XAKUTHAMI 17:8

Paye Bethlehem qhiveno a-a kutau khilela ngouveniye wuve. Ike pano izu susu cheke lono Efraim ghakhu toghe lo akeu Mika kilo ighilu.

XAKUTHAMI 18:1

Tipa ghulokilo Israil lo kukami kuhae. Khaghi ghuloki lo Dan lagha no ngokepu yeghi phulu aye pukhaluveni keu shi ae, kughengu Israil lagha gholo Dan lagha ye ayeghi ithumlano akehu.

XAKUTHAMI 18:13

Panonguye tileno chesu wo Efraim ghakhu toghi lo Mika kilo ighilu.

XAKUTHAMI 19:16

Panonguno tilehi ngo akelono muchomi lakhi alulo huno zumoi wochekeu no tile ighiluno panongu sasu kusholu. Amchou ye inahuuye Efraim ghakhu lono ighikemi ke, ikemu paye itehiye Gibea lo auvekemi shiva (ti Gibea lo kuami qoye Benjamin lagha ke).

XAKUTHAMI 19:2

ikemu lino pa shou amlo ideveno idechile Bethlehem lo li puno kilo aqhi bidi kutolo ngove.

XAKUTHAMI 21:25

Tipau ghulokilo Israil lo akukau kuhano acheke. Kumtsu no pututa chipiu kiqi lono aghoshi xu ache.

XAKUTHAMI 3:27

Pano Efraim ghakhu toghi toluke mtsa afuko ighape Israilmi pelo aghu shipenike kutughu; tishino pano sasu ato lono chhiliu kudau panongu saiqi.